ត្រឹម៦ថ្ងៃ ក្រោយបញ្ជាសម្តេច អាជ្ញាធរឃាត់រថយន្តខុសបច្ចេកទេសបានជាង១ពាន់គ្រឿង

ជាតិ

ត្រឹម៦ថ្ងៃ ក្រោយបញ្ជាសម្តេច អាជ្ញាធរឃាត់រថយន្តខុសបច្ចេកទេសបានជាង១ពាន់គ្រឿង

16, Feb 2018 , 10:59 pm

រូបភាព

ដោយ:

ភ្នំពេញ៖ ក្រោយមានបញ្ជារបស់សម្ដេចនាយករដ្ឋមន្ត្រី ហ៊ុន សែន រថយន្តធុនធ្ងន់ចំនួន ១៥៥៦៥ គ្រឿងត្រូវបានសមត្ថកិច្ចត្រួតពិនិត្យនៅទូទាំងប្រទេស ចាប់ពីថ្ងៃទី១០ ដល់ថ្ងៃទី១៥ខែកុម្ភៈ។ ក្នុងចំណោមនោះ រថយន្ត ១០៩៣ គ្រឿងរកឃើញថាខុសបច្ចេកទេសច្បាប់។ នេះបើតាមការចុះផ្សាយរបស់សារព័ត៌មានFresh News ដែលទទួលបានរបាយការណ៍ពីអគ្គស្នងការនគរបាលជាតិ។

ក្នុងចំណោមរថយន្តល្មើសទាំង ១០៩៣គ្រឿង រថយន្ត ៥៩៨គ្រឿងត្រូវបានកាត់ទ្រុងនៅនឹងកន្លែង, ៨គ្រឿងកាត់ទ្រុងដោយខ្លួនឯង, ១២៥គ្រឿងដោះរានក្រោយរថយន្ត, ៤៤គ្រឿងរក្សាទុកតាមគោលដៅ និងរថយន្ត ៣១៨គ្រឿងបានល្មើសឯកសារ។

សកម្មភាពបង្ក្រាបរថយន្តធុនធ្ងន់ ត្រូវបានធ្វើយ៉ាងគគ្រឹកគគ្រេងក្នុងរយៈពេលប្រមាណមួយសប្ដាហ៍នេះ បន្ទាប់ពីមានបញ្ជាផ្ទាល់មាត់របស់ប្រមុខរដ្ឋាភិបាល កាលពីថ្ងៃទី៩ខែកុម្ភៈ ក្នុងពិធីបើកការដ្ឋានសាងសង់ស្ពានមិត្តភាពកម្ពុជា-ចិន (ស្ទឹងត្រង់-ក្រូចឆ្មារ)។ សម្ដេច ហ៊ុន សែន ថែមទាំងព្រមានដកអភិបាលរាជធានី-ខេត្ត ដែលបណ្ដែតបណ្ដោយឲ្យមានការចរាចររថយន្តតទ្រុងនៅលើដងផ្លូវ៕