កីឡាអន្តរជាតិ
អន្តរជាតិ
អូឡាំពិកព្យុងឆាង៖ អត្តពលិករុស្ស៊ីវ័យ១៥ឆ្នាំឈ្នះមេដាយមាសលើកដំបូង កីឡាការិនីពីរុស្ស៊ី Zagitova (ស្តាំ) និង កីឡាការិនី Evgenia Medvedeva បានឈ្នះមេដាយមាស និងប្រាក់ លើវិញ្ញាសាសម្តែងជិះស្គីលើទឹកកក (Figure Skating)។ រូបថត AFP
× អត្តពលិករុស្ស៊ីនាង Alina Zagitova ឈ្នះមេដាយមាសលើកដំបូងនៅថ្ងៃសុក្រទី២៣ ខែកុម្ភៈនេះ ក្នុងព្រឹត្តិការណ៍កីឡាអូឡាំពិករដូវរងា នៅក្រុងព្យុងឆាង (Pyeong Chang 2018) ប្រទេសកូរ៉េខាងត្បូង។
កីឡាការិនីពីរុស្ស៊ី Zagitova ដែលមានវ័យ១៥ឆ្នាំបានប្រកួតប្រជែងលើវិញ្ញាសាសម្តែងជិះស្គីលើទឹកកក (Figure Skating) ដោយទទួលបានពិន្ទុខ្ពស់ជាងគេ ពោលគឺឈរលើមិត្តរួមជាតិរបស់នាងម្នាក់ទៀតគឺកីឡាការិនី Evgenia Medvedeva ដែលទទួលបានមេដាយប្រាក់។
មេដាយសរុបទាំង១៤មេដាយនាំឲ្យរុស្ស៊ីឈរនៅចំណាត់ថ្នាក់ទី១៥ ក្នុងនោះទទួលបានមេដាយមាស១ ប្រាក់៥ និងសំរិទ្ធ៨។
មេដាយមាសឈ្នះលើវិញ្ញាសា Figure Skating មេដាយប្រាក់បានលើវិញ្ញាសា Cross-Country Skiing (ពីរមេដាយ) Figure Skating (ពីរមេដាយ) និង Skeleton (១មេដាយ)។
ចំណែកមេដាយសំរិទ្ធបានលើវិញ្ញាសា Cross-Country Skiing (៤មេដាយ) Freestyle Skiing (ពីរមេដាយ) Short Track Skating (មួយមេដាយ) និង Speed Skating (មួយមេដាយ)៕
Tag:
កីឡាអូឡាំពិក
រុស្ស៊ី
Alina Zagitova
© រក្សាសិទ្ធិដោយ thmeythmey.com