ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
កីឡាករ យូ សុជា ប្រកួតពេលព្រឹក ចូលរោងការខ្លួនឯងពេលល្ងាច
23, Feb 2018 ,
3:53 pm
រូបភាព
កីឡាករ យូ សុជា លើកដៃសំពះថ្លែងអំណរគុណដល់សម្តេច ហ៊ុន សែន និងសម្តេចកិត្តិព្រឹទ្ធបណ្ឌិតដែលបានចងដៃខ្លួន១លានរៀល
×
ដោយ:
គណៈកម្មាធិការជាតិប៉ារ៉ាឡាំពិកកម្ពុជា(NPCC)បានរៀបចំការប្រកួតចម្រាញ់ជ្រើសរើសកីឡាករជម្រើសជាតិផ្នែកកីឡាហែលទឹកជនពិការសម្រាប់ឆ្នាំ២០១៨។ អ្វីដែលគួរឲ្យចាប់អារម្មណ៍ក្នុងចំណោមកីឡាករទាំង២៣រូប កីឡាករ យូ សុជា ដែលត្រូវចូលរោងការ ក៏មានវត្តមាននៅថ្ងៃនោះផងដែរ។ លើសពីនេះកីឡាករ យូ សុជា ទទួលបានចំណងដៃពីសម្តេចនាយរដ្ឋមន្ត្រី ហ៊ុន សែន រួមនឹងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ចំនួន១លានរៀលទៀតផង។
នៅថ្ងៃព្រស្បតិ៍ ទី២២ កុម្ភៈ ឆ្នាំ២០១៨ ជាថ្ងៃចូលរោងអាពាហ៍ពិពាហ៍របស់កីឡាករ យូ សុជា ហើយក៏ជាថ្ងៃដែលគណៈកម្មាធិការជាតិប៉ារ៉ាឡាំពិកកម្ពុជា រៀបចំការប្រកួតជម្រើសកីឡាករកីឡាការិនីជម្រើសជាតិផ្នែកកីឡាហែលទឹកជនពិការផងដែរ។ កីឡាករ យូ សុជា ដែលត្រូវចូលរោងជ័យនៅពេលល្ងាច ក៏មានវត្តមានក្នុងចំណោមអត្តពលិកទាំង២៣នាក់ដែលរួមប្រកួតប្រជែងនៅព្រឹកនោះដែរ។
ដំណឹងការឆ្លៀតយកពេលទំនេរនៅពេលព្រឹកមកចូលរួមប្រកួតប្រជែងរបស់ យូ សុជា ត្រូវបានលេចឮដល់សម្តេចនាយករដ្ឋមន្ត្រី ហ៊ុន សែន ប្រធានគណៈកម្មាធិការជាតិប៉ារ៉ាឡាំពិកកម្ពុជា។ មិនត្រឹមតែប៉ុណ្ណោះ សម្តេច ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន តាមរយៈលោក យី វាសនា អគ្គលេខាធិការ NPCC បានចូលរួមចងដៃ សុជា ចំនួន១លានរៀលទៀតផង។
ក្រោយចប់ការប្រកួតដែលរៀបចំនៅអាងហែលទឹកក្នុងពហុកីឡដ្ឋានជាតិ នៅពេលល្ងាចកីឡាករ យូ សុជា ត្រូវត្រឡប់ទៅចូលរោងជ័យក្រាបផ្ទឹមជាមួយកូនក្រមុំឈ្មោះ ឡាង ចាន់ នៅភូមិ១ ឃុំស្វាយរលំ ស្រុកស្អាង ខេត្តកណ្តាល។
សម្រាប់ការប្រកួតជម្រើសកីឡាករជម្រើសជាតិកីឡាហែលទឹកជនពិការ ដែលជាប្រភេទកីឡាចុងក្រោយ ក្នុងចំណោមអត្តពលិក២៣នាក់ NPCC នឹងជ្រើសរើសយកទាំងអស់ដោយបែងចែកជាកីឡាករជម្រើសជាតិ និងត្រៀមចូលជម្រើសជាតិ។ តែយ៉ាងណា NPCC ពុំទាន់បញ្ជាក់ពីចំនួនជាក់លាក់នៃកីឡាករជម្រើសជាតិនៅឡើយទេ ដោយគណៈកម្មាការ គ្រូបង្វឹក កំពុងពិភាក្សាពាក់ព័ន្ធនឹងបញ្ហានេះ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ហែលទឹកជនពិការ
យូ សុជា
យី វាសនា
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
6 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
5 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
7 ថ្ងៃ
«ប្រេសិត»មានន័យដូចម្តេច?
6 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
2 ថ្ងៃ
អត្ថបទពេញនិយមបន្ថែម