គ្មានឡើយអាជ្ញាកណ្តាលពីចក្រភពអង់គ្លេសសម្រាប់ World Cup នៅរុស្ស៊ី

FIFA

កីឡាអន្តរជាតិ

អន្តរជាតិ

គ្មានឡើយអាជ្ញាកណ្តាលពីចក្រភពអង់គ្លេសសម្រាប់ World Cup នៅរុស្ស៊ី

30, Mar 2018 , 10:10 am

រូបភាព

អាជ្ញាកណ្តាលជប៉ុន Ryuji Sato ស្ថិតក្នុងចំណោមអាជ្ញាកណ្តាលដែលត្រូវកាត់នាការប្រកួត World Cup នៅរុស្ស៊ី

ដោយ: ទេព ពិទូរ្យ

សហព័ន្ធកីឡាបាល់ទាត់អន្តរជាតិ (FIFA) បានប្រកាសឈ្មោះអាជ្ញាកណ្តាល និងជំនួយការអាជ្ញាកណ្តាលចំនួន ៣៦រូប ដើម្បីកាត់សេចក្តីក្នុងព្រឹត្តិការណ៍កីឡាបាល់ទាត់ពិភពលោក FIFA World Cup ឆ្នាំ២០១៨ នៅប្រទេសរុស្ស៊ី ដែលក្នុងនោះមិនមានអាជ្ញាកណ្តាលមកពីចក្រភពអង់គ្លេស រួមមានអង់គ្លេស ស្កុតឡែន វេលស៍ និងអៀរឡង់ខាងជើងនោះឡើយ។

ក្រៅពីអាជ្ញាកណ្តាលទាំង៣៦រូប FIFA ក៏កំពុងជំរុញឲ្យអាជ្ញាកណ្តាលជំនួយការវីដេអូ (VARs) ៦៣នាក់ ចូលជាផ្នែកមួយនៃការប្រកួតកីឡាលំដាប់ពិភពលោកនេះ ហើយបើតាមការសម្រេចរបស់គណៈកម្មាធិការសមាគមកីឡាបាល់ទាត់អន្តរជាតិ (IFAB) គេនៅតែមិនឃើញវត្តមានមន្ត្រីពីចក្រភពអង់គ្លេសដដែល។ វាជាលើកដំបូងបើគិតចាប់តាំងពីឆ្នាំ១៩៣៨ មក ដែលអាជ្ញាកណ្តាលអង់គ្លេសគ្មានវត្តមាននៅ World Cup។

អាជ្ញាកណ្តាលដែលមានឈ្មោះទៅរុស្ស៊ីខែមិថុនាខាងមុខនេះ គឺត្រូវបានជ្រើសរើសមកពី៦ទ្វីបខុសៗគ្នា រួមមានទ្វីបអឺរ៉ុប១០រូប ពីអាមេរិកឡាទីន ៦រូប អាមេរិកកណ្តាល ៦រូប អាស៊ី ៦រូប អាហ្រិក ៦រូប និងអូសេអានី ២រូប។

អ្វីដែលគួរឲ្យគត់សម្គាល់នោះ សម្រាប់អាជ្ញាកណ្តាលមកពីអឺរ៉ុបទាំង១០ប្រទេស FIFA មិនបានកោះហៅអាជ្ញាកណ្តាលមកពីអង់គ្លេសដែលប្រកបអាជីពក្នុងក្របខណ្ឌលីកបាល់ទាត់កំពូលអង់គ្លេសឡើយ។

សូមបញ្ជាក់ថា ការប្រកួតពានរង្វាន់ World Cup ដែលរៀបចំឡើងនៅប្រទេសរុស្ស៊ី នឹងចាប់ផ្តើមការប្រកូតពីថ្ងៃទី១៤ ខែមិថុនា រហូតដល់ថ្ងៃទី១៥ ខែកក្កដា ឆ្នាំ២០១៨ ដែលមាន៣២ប្រទេសចូលរួម។

ខាងក្រោមនេះជាឈ្មោះអាជ្ញាកណ្តាលទាំង ៣៦រូប មកពី៦ទ្វីប ដែលត្រូវមកកាត់សេចក្តីនៅរុស្ស៊ី៖

UEFA (អឺរ៉ុប)

១. Felix Brych (អាល្លឺម៉ង់)

២. Cuneyt Cakir (តួកគី)

៣. Sergei Karasev (រុស្ស៊ី)

៤. Bjorn Kuipers (ហូឡង់)

៥. Antonio Mateu Lahoz (អេស្ប៉ាញ)

៦. Szymon Marciniak (ប៉ូឡូញ)

៧. Milorad Mazic (សើប៊ី)

៨. Gianluca Rocchi (អ៊ីតាលី)

៩. Damir Skomina (ស្លូវេនី)

១០. Clement Turpin (បារាំង)