កីឡាអន្តរជាតិ
អន្តរជាតិ
Real Madrid សង្ឃឹមលើកពាន UCL ៣ឆ្នាំជាប់គ្នា ក្រោយទម្លាក់ PSG ឡើងទៅវគ្គ ១/៤
×![]()
ដោយ: ទេព ពិទូរ្យ
ក្រុមម្ចាស់ជើងឯក Real Madrid បានឈានទៅវគ្គ៨ក្រុមផ្តាច់ព្រ័ត្រពានរង្វាន់ UEFA Champions League ក្រោយផ្តួលក្រុម Paris Saint Germain ក្នុងលទ្ធផល ២-១ នៃការប្រកួតជើងទី២ វគ្គ១៦ក្រុមចុងក្រោយ នាកីឡដ្ឋាន Parc des Princes នៅរាត្រីថ្ងៃអង្គារទី ៦ ខែមីនា។
Cristiano Ronaldo រកគ្រាប់បាល់បញ្ចូលទី២គ្រាប់ កាលពីប្រកួតជើងទី១នៅទឹកដី Santiago Bernabeu ជួយ Real Madrid យកឈ្នះ PSG ៣-១។ សម្រាប់ការជួបគ្នាជើងទី២ ក្នុងទឹកដី Parc des Princes វិញ ក្រុមរហស្សនាមអធិរាជសរ នៅតែបន្តយកឈ្នះក្រុមកំពុងនាំមុខគេក្នុងក្របខណ្ឌលីកទីមួយបារាំង ២-១ ទៀត ក្នុងនោះ២គ្រាប់របស់ Real ធ្វើបានដោយ Ronaldo និង Casemiro ហើយ១គ្រាប់របស់ PSG រកបានដោយ Edinson Cavani។
ក្រុមម្ចាស់ជើងឯកទ្វីបអឺរ៉ុបរដូវកាលចាស់ Real Madrid ធ្វើមិនបានល្អនោះទេក្នុងប្រកួតលីកក្នុងស្រុក La Liga ដោយឈរនៅចំណាត់ថ្នាក់ទី៣ តាមពីក្រោយពិន្ទុគូប្រជែង Barcelona ១៥ពិន្ទុ។ ប៉ុន្តែក្រុមដែលមានមូលដ្ឋានក្នុងក្រុងម៉ាឌ្រីដនេះ នៅតែអាចធ្វើបានល្អនៅ Champions League ដោយអាចទម្លាក់ក្រុមខ្លាំងមកពីបារាំងឈានទៅវគ្គ ១/៤ ផ្តាច់ព្រ័ត្រ និងជារដូវកាលទី៨ជាប់គ្នាដែលពួកគេបានឈានដល់វគ្គនេះហើយក៏ជាផ្លូវមួយឲ្យក្រុមលោក Zinedine Zidane អាចគ្រងតំណែងជើងឯក៣ឆ្នាំជាប់គ្នាផងដែរ។
សម្រាប់ PSG បើទោះបីជាទិញចូលកីឡាករល្អៗក្នុងរដូវកាលនេះក៏ដោយ ប៉ុន្តែពួកគេបានបង្ហាញភាពខ្លាំងតែនៅក្នុងលីកប៉ុណ្ណោះដោយនាំមុនគេក្នុងតារាង Ligue 1 រហូត១៤ពិន្ទុ។ រីឯការប្រកួតក្នុងក្របខណ្ឌកំពូលអឺរ៉ុប ក្រុមដែលដឹកនាំដោយលោក Unai Emery ធ្វើមិនបានល្អទេ ដោយធ្លាក់ត្រឹមវគ្គនេះ២ឆ្នាំជាប់គ្នា។
ដោយឡែកការពីយប់មិញ ក៏មានការប្រកួតមួយគូទៀតដែរ ដោយ Liverpool ស្មើជាមួយ FC Porto ០-០ ក្នុងការប្រកួតជើងទី២។ កាលពីជើងទី១ ក្រុមរហស្សនាមហង្សក្រហមយកឈ្នះ ក្រុមមកពីលីកកំពូលព័រទុយហ្គាល់ ៥-០ ដូច្នេះក្រុមដែលដឹកនាំដោយលោក Jurgen Klopp អាចឈានទៅវគ្គបន្តជាមួយក្រុមរបស់លោក Zinedine Zidane ដែរ៕
Cristiano Ronaldo រកគ្រាប់បាល់បញ្ចូលទី២គ្រាប់ កាលពីប្រកួតជើងទី១នៅទឹកដី Santiago Bernabeu ជួយ Real Madrid យកឈ្នះ PSG ៣-១។ សម្រាប់ការជួបគ្នាជើងទី២ ក្នុងទឹកដី Parc des Princes វិញ ក្រុមរហស្សនាមអធិរាជសរ នៅតែបន្តយកឈ្នះក្រុមកំពុងនាំមុខគេក្នុងក្របខណ្ឌលីកទីមួយបារាំង ២-១ ទៀត ក្នុងនោះ២គ្រាប់របស់ Real ធ្វើបានដោយ Ronaldo និង Casemiro ហើយ១គ្រាប់របស់ PSG រកបានដោយ Edinson Cavani។
ក្រុមម្ចាស់ជើងឯកទ្វីបអឺរ៉ុបរដូវកាលចាស់ Real Madrid ធ្វើមិនបានល្អនោះទេក្នុងប្រកួតលីកក្នុងស្រុក La Liga ដោយឈរនៅចំណាត់ថ្នាក់ទី៣ តាមពីក្រោយពិន្ទុគូប្រជែង Barcelona ១៥ពិន្ទុ។ ប៉ុន្តែក្រុមដែលមានមូលដ្ឋានក្នុងក្រុងម៉ាឌ្រីដនេះ នៅតែអាចធ្វើបានល្អនៅ Champions League ដោយអាចទម្លាក់ក្រុមខ្លាំងមកពីបារាំងឈានទៅវគ្គ ១/៤ ផ្តាច់ព្រ័ត្រ និងជារដូវកាលទី៨ជាប់គ្នាដែលពួកគេបានឈានដល់វគ្គនេះហើយក៏ជាផ្លូវមួយឲ្យក្រុមលោក Zinedine Zidane អាចគ្រងតំណែងជើងឯក៣ឆ្នាំជាប់គ្នាផងដែរ។
សម្រាប់ PSG បើទោះបីជាទិញចូលកីឡាករល្អៗក្នុងរដូវកាលនេះក៏ដោយ ប៉ុន្តែពួកគេបានបង្ហាញភាពខ្លាំងតែនៅក្នុងលីកប៉ុណ្ណោះដោយនាំមុនគេក្នុងតារាង Ligue 1 រហូត១៤ពិន្ទុ។ រីឯការប្រកួតក្នុងក្របខណ្ឌកំពូលអឺរ៉ុប ក្រុមដែលដឹកនាំដោយលោក Unai Emery ធ្វើមិនបានល្អទេ ដោយធ្លាក់ត្រឹមវគ្គនេះ២ឆ្នាំជាប់គ្នា។
ដោយឡែកការពីយប់មិញ ក៏មានការប្រកួតមួយគូទៀតដែរ ដោយ Liverpool ស្មើជាមួយ FC Porto ០-០ ក្នុងការប្រកួតជើងទី២។ កាលពីជើងទី១ ក្រុមរហស្សនាមហង្សក្រហមយកឈ្នះ ក្រុមមកពីលីកកំពូលព័រទុយហ្គាល់ ៥-០ ដូច្នេះក្រុមដែលដឹកនាំដោយលោក Jurgen Klopp អាចឈានទៅវគ្គបន្តជាមួយក្រុមរបស់លោក Zinedine Zidane ដែរ៕
Tag:
បាល់ទាត់
Real Madrid
Paris Saint Germain
UEFA Champions League
© រក្សាសិទ្ធិដោយ thmeythmey.com
