កីឡាជាតិ
ជាតិ
×![]()
បឹងកេត បានទទួលជ័យជម្នះលើកដំបូងនាការប្រកួតពូល F នៃពានរង្វាន់ AFC Cup 2018 ក្នុងលទ្ធផល ៣-២ លើភ្ញៀវ Home United កាលពីល្ងាចថ្ងៃ៦ ខែមីនា នៅពហុកីឡដ្ឋានជាតិ។ ក្រុមកម្ពុជា បាននាំមុខ ៣-១ នារយៈពេលជាង២០នាទីចុងក្រោយ ប៉ុន្តែការធ្វេសប្រហែស បានធ្វើឲ្យក្រុមសិង្ហបុរី តាមពីក្រោយបាន១គ្រាប់វិញ។ អ្នកចាំទី ស៊ូ យ៉ាទី ព្រមទទួលការស្តីបន្ទោស ហើយអះអាងថា ជាការភាន់ច្រលំរបស់ខ្លួន។ រីឯជំនួបមួយគូទៀត Ceres Negros បានយកឈ្នះ Shan United ២-០។
«ខ្ញុំសូមអរគុណរាល់ការរិះគន់ […] នេះជាការធ្វេសប្រហែស និងការភាន់ច្រឡំរបស់ខ្ញុំ ព្រោះខ្ញុំគិតថាបាល់នេះខ្សែការពាររបស់ខ្ញុំបានប្រជែងជាមួយនឹងខ្សែប្រយុទ្ធរបស់គេគឺ ៥០-៥០ បានប៉ះមកឲ្យខ្ញុំចឹងខ្ញុំគិតថាអាចចាប់បាន...តែនេះជាកំហុករបស់ខ្ញុំពិតមែន»។ អ្នកចាំទី ស៊ូ យ៉ាទី បានសរសេរយ៉ាងដូច្នេះ ទាក់ទងនឹងគ្រាប់បាល់ទីពីររបស់ Home United។
បឹងកេតទទួលបាន៣ពិន្ទុជាលើកដំបូងនៅលើទឹកដីខ្លួនឯង បន្ទាប់ពីយកឈ្នះក្រុម Home United របស់សិង្ហបុរីក្នុងលទ្ធផល ៣-២ នាជំនួបលើកទី៣ក្នុងវគ្គជម្រុះពូល F នៃពានរង្វាន់ AFC Cup 2018 កាលពីល្ងាចថ្ងៃទី៦ មីនា។ ជ័យជម្នះនេះ អាចបញ្ជាក់បានថា បឹងកេតបានសម្រេចបំណង ដែលចង់ស្តារស្ថានការណ៍អាក្រក់ និងផ្គាប់ចិត្តអ្នកគាំទ្ររបស់ខ្លួនហើយ។
ខ្សែបម្រើកូរ៉េខាងត្បូង Song Ui-young បានបាត់បាល់ទម្លុះសំណាញ់ទីបឹងកេតត្រឹម៣នាទីដំបូងនៃវគ្គទី១ ដែលធ្វើឲ្យអ្នកគាំទ្រសម្តែងការខកចិត្ត និងគិតថាបឹងកេតអាចនឹងបន្តចាញ់ជាលើកទី៣។ ប៉ុន្តែភាពសប្បាយរីករាយរបស់អ្នកគាំទ្របានកើតឡើងវិញ បន្ទាប់ពីបឹងកេតព្យាយាមវាយបកលឿនៗ រហូតខ្សែប្រយុទ្ធប្រេស៊ីល Maycon Calijuri រកគ្រាប់បាល់តាមស្មើ ១-១ សម្រាប់បឹងកេតនៅនាទីទី១១។
ភាពរំភើបសប្បាយរីករាយកាន់តែខ្លាំងរបស់អ្នកគាំទ្របានកើតឡើងម្តងទៀត បន្ទាប់ពីខ្សែប្រយុទ្ធនីហ្សេរីយ៉ា Gbenga Samuel Ajayi តាមរយៈការបញ្ជូនរបស់មិត្តរួមជាតិ Julius Oiboh សម្រាប់គ្រាប់បាល់ទី២សម្រាប់បឹងកេតនៅនាទីទី១៣។ ក្រោយមកនៅនាទីទី៤១ Maycon បានសម្រេចគ្រាប់ទី២របស់ខ្លួនតាមរយៈការទាត់បាល់ពិន័យ១១ម៉ែត្រ ដើម្បីបង្កើនការនាំមុខ ៣-១ សម្រាប់បឹងកេតក្នុងវគ្គទី១។ បាល់ពិន័យនេះ កើតឡើងក្រោយខ្សែការពារសិង្ហបុរី Juma'at Jantan ធ្វើឲ្យកីឡាករ សេត រ៉ូហ្ស៊ីប ដែលព្យាយាមបណ្តើរបាល់ដើម្បីទម្លុះសំណាញ់ទី Home United ដួលក្នុងតំបន់គ្រោះថ្នាក់។
នៅនាទីទី៦៧ ខ្សែការពារសិង្ហបុរី Faritz Abdul Hameed បានទម្លុះសំណាញ់ទីបឹងកេតដោយគ្មានអ្នកចាំទី ដើម្បីវាយបក តាមក្រោយ ៣-២ សម្រាប់ Home United។ គ្រាប់នេះកើតឡើងបន្ទាប់អាជ្ញាកណ្តាលផ្លុំកញ្ចែពិន័យអ្នកចាំទី ស៊ូ យ៉ាទី ដែលចាប់បាល់ក្រោមការបញ្ជូនដោយជើងពីមិត្តរួមក្រុម។ បន្ទាប់មកខ្សែប្រយុទ្ធ Shanhril Ishak របស់ Home United បានរត់ទៅឆក់យកបាល់ពីដៃ យ៉ាទី ដាក់ទាត់បញ្ជូនឲ្យខ្សែការពារខាងលើទាត់បញ្ចូលទី១យ៉ាងស្រួល ខណៈកីឡាករបឹងកេតបានត្រឹមឈរមើល។
ទោះបីជាបានទទួលស្គាល់ថា ជាកំហុសរបស់ខ្លួនក៏ដោយ ប៉ុន្តែអ្នកចាំទីលំដាប់ទីមួយរបស់កម្ពុជារូបនេះ បានអះអាងថា ខ្លួនមិនបានលេងសើចដូចការចោទប្រកាន់នានានោះឡើយ។ យ៉ាទី បានបញ្ជាក់បន្ថែមថា៖ «រឿងអំនួតរឺលេងសើចក្នុងទីលានស្គាល់ខ្ញុំឲ្យច្បាស់សិនមុននឹងនិយាយបែបនេះ..កុំមើលតែសំបកក្រៅហើយវាយតម្លៃឲ្យសោះ....សូមអរគុណ....»។
ការយកឈ្នះក្រុមសិង្ហបុរីរបស់បឹងកេតនេះ មិនត្រឹមតែទទួលបានការចាប់អារម្មណ៍កាន់តែខ្លាំងនោះទេ ថែមទាំងធ្វើឲ្យមានការភ្ញាក់ផ្អើលដល់អ្នកគាំទ្រទៀតផង។ ព្រោះក្រុមសិង្ហបុរីមួយនេះធ្លាប់យកស្មើ Ceres-Negros ១-១ ដែលយកឈ្នះបឹងកេត ៩-០ និងយកឈ្នះ Shan United ដែលបឹងកេតបានចាញ់ ២-១។
នាការប្រកួតក្នុងពូល F នេះដែរ ក្រុម Ceres Negros របស់ហ្វីលីពីនបានយកឈ្នះក្រុម Shan United របស់មីយ៉ាន់ម៉ាក្នុងលទ្ធផល ២-០ ដើម្បីបាន៧ពិន្ទុឈរកំពូលតារាងប្រចាំពូល F រីឯ Home United ឈរលេខរៀងទី២ដោយមាន៤ពិន្ទុ។ ចំណែក Shan United និងបឹងកេតឈរលេខរៀងជាបន្តបន្ទាប់ដោយមាន៣ពិន្ទុដូចគ្នា៕
«ខ្ញុំសូមអរគុណរាល់ការរិះគន់ […] នេះជាការធ្វេសប្រហែស និងការភាន់ច្រឡំរបស់ខ្ញុំ ព្រោះខ្ញុំគិតថាបាល់នេះខ្សែការពាររបស់ខ្ញុំបានប្រជែងជាមួយនឹងខ្សែប្រយុទ្ធរបស់គេគឺ ៥០-៥០ បានប៉ះមកឲ្យខ្ញុំចឹងខ្ញុំគិតថាអាចចាប់បាន...តែនេះជាកំហុករបស់ខ្ញុំពិតមែន»។ អ្នកចាំទី ស៊ូ យ៉ាទី បានសរសេរយ៉ាងដូច្នេះ ទាក់ទងនឹងគ្រាប់បាល់ទីពីររបស់ Home United។
បឹងកេតទទួលបាន៣ពិន្ទុជាលើកដំបូងនៅលើទឹកដីខ្លួនឯង បន្ទាប់ពីយកឈ្នះក្រុម Home United របស់សិង្ហបុរីក្នុងលទ្ធផល ៣-២ នាជំនួបលើកទី៣ក្នុងវគ្គជម្រុះពូល F នៃពានរង្វាន់ AFC Cup 2018 កាលពីល្ងាចថ្ងៃទី៦ មីនា។ ជ័យជម្នះនេះ អាចបញ្ជាក់បានថា បឹងកេតបានសម្រេចបំណង ដែលចង់ស្តារស្ថានការណ៍អាក្រក់ និងផ្គាប់ចិត្តអ្នកគាំទ្ររបស់ខ្លួនហើយ។
ខ្សែបម្រើកូរ៉េខាងត្បូង Song Ui-young បានបាត់បាល់ទម្លុះសំណាញ់ទីបឹងកេតត្រឹម៣នាទីដំបូងនៃវគ្គទី១ ដែលធ្វើឲ្យអ្នកគាំទ្រសម្តែងការខកចិត្ត និងគិតថាបឹងកេតអាចនឹងបន្តចាញ់ជាលើកទី៣។ ប៉ុន្តែភាពសប្បាយរីករាយរបស់អ្នកគាំទ្របានកើតឡើងវិញ បន្ទាប់ពីបឹងកេតព្យាយាមវាយបកលឿនៗ រហូតខ្សែប្រយុទ្ធប្រេស៊ីល Maycon Calijuri រកគ្រាប់បាល់តាមស្មើ ១-១ សម្រាប់បឹងកេតនៅនាទីទី១១។
ភាពរំភើបសប្បាយរីករាយកាន់តែខ្លាំងរបស់អ្នកគាំទ្របានកើតឡើងម្តងទៀត បន្ទាប់ពីខ្សែប្រយុទ្ធនីហ្សេរីយ៉ា Gbenga Samuel Ajayi តាមរយៈការបញ្ជូនរបស់មិត្តរួមជាតិ Julius Oiboh សម្រាប់គ្រាប់បាល់ទី២សម្រាប់បឹងកេតនៅនាទីទី១៣។ ក្រោយមកនៅនាទីទី៤១ Maycon បានសម្រេចគ្រាប់ទី២របស់ខ្លួនតាមរយៈការទាត់បាល់ពិន័យ១១ម៉ែត្រ ដើម្បីបង្កើនការនាំមុខ ៣-១ សម្រាប់បឹងកេតក្នុងវគ្គទី១។ បាល់ពិន័យនេះ កើតឡើងក្រោយខ្សែការពារសិង្ហបុរី Juma'at Jantan ធ្វើឲ្យកីឡាករ សេត រ៉ូហ្ស៊ីប ដែលព្យាយាមបណ្តើរបាល់ដើម្បីទម្លុះសំណាញ់ទី Home United ដួលក្នុងតំបន់គ្រោះថ្នាក់។
នៅនាទីទី៦៧ ខ្សែការពារសិង្ហបុរី Faritz Abdul Hameed បានទម្លុះសំណាញ់ទីបឹងកេតដោយគ្មានអ្នកចាំទី ដើម្បីវាយបក តាមក្រោយ ៣-២ សម្រាប់ Home United។ គ្រាប់នេះកើតឡើងបន្ទាប់អាជ្ញាកណ្តាលផ្លុំកញ្ចែពិន័យអ្នកចាំទី ស៊ូ យ៉ាទី ដែលចាប់បាល់ក្រោមការបញ្ជូនដោយជើងពីមិត្តរួមក្រុម។ បន្ទាប់មកខ្សែប្រយុទ្ធ Shanhril Ishak របស់ Home United បានរត់ទៅឆក់យកបាល់ពីដៃ យ៉ាទី ដាក់ទាត់បញ្ជូនឲ្យខ្សែការពារខាងលើទាត់បញ្ចូលទី១យ៉ាងស្រួល ខណៈកីឡាករបឹងកេតបានត្រឹមឈរមើល។
ទោះបីជាបានទទួលស្គាល់ថា ជាកំហុសរបស់ខ្លួនក៏ដោយ ប៉ុន្តែអ្នកចាំទីលំដាប់ទីមួយរបស់កម្ពុជារូបនេះ បានអះអាងថា ខ្លួនមិនបានលេងសើចដូចការចោទប្រកាន់នានានោះឡើយ។ យ៉ាទី បានបញ្ជាក់បន្ថែមថា៖ «រឿងអំនួតរឺលេងសើចក្នុងទីលានស្គាល់ខ្ញុំឲ្យច្បាស់សិនមុននឹងនិយាយបែបនេះ..កុំមើលតែសំបកក្រៅហើយវាយតម្លៃឲ្យសោះ....សូមអរគុណ....»។
ការយកឈ្នះក្រុមសិង្ហបុរីរបស់បឹងកេតនេះ មិនត្រឹមតែទទួលបានការចាប់អារម្មណ៍កាន់តែខ្លាំងនោះទេ ថែមទាំងធ្វើឲ្យមានការភ្ញាក់ផ្អើលដល់អ្នកគាំទ្រទៀតផង។ ព្រោះក្រុមសិង្ហបុរីមួយនេះធ្លាប់យកស្មើ Ceres-Negros ១-១ ដែលយកឈ្នះបឹងកេត ៩-០ និងយកឈ្នះ Shan United ដែលបឹងកេតបានចាញ់ ២-១។
នាការប្រកួតក្នុងពូល F នេះដែរ ក្រុម Ceres Negros របស់ហ្វីលីពីនបានយកឈ្នះក្រុម Shan United របស់មីយ៉ាន់ម៉ាក្នុងលទ្ធផល ២-០ ដើម្បីបាន៧ពិន្ទុឈរកំពូលតារាងប្រចាំពូល F រីឯ Home United ឈរលេខរៀងទី២ដោយមាន៤ពិន្ទុ។ ចំណែក Shan United និងបឹងកេតឈរលេខរៀងជាបន្តបន្ទាប់ដោយមាន៣ពិន្ទុដូចគ្នា៕
Tag:
AFC Cup 2018
បឹងកេត
Home United
© រក្សាសិទ្ធិដោយ thmeythmey.com
