កីឡាអន្តរជាតិ
អន្តរជាតិ
កីឡាទាំង១០ដែលពេញនិយមជាងគេលើលោក៖ បាល់ទាត់ បាល់បោះ គ្រីឃីត...
× សព្វថ្ងៃនេះនៅជុំវិញពិភពលោកកីឡាមួយចំនួនត្រូវបានគេតាមដានយ៉ាងខ្លាំង។ មនុស្សយកកីឡាករធ្វើជាវីរបុរស និងធ្វើជាគំរូរបស់ពួកគេ ហើយជួនកាលក៏មានទំនាក់ទំនងស្នេហាជាមួយអ្នកកីឡា និងក្រុមកីឡាដែលពួកគេគាំទ្រទៀតផង។ អ្នកគាំទ្រនៅក្នុងតំបន់ផ្សេងគ្នានៅជុំវិញពិភពលោកមានកីឡាដែលពេញនិយមផ្សេងៗគ្នា។ នេះធ្វើឲ្យការដាក់ចំណាត់ថ្នាក់កីឡាពិតជាពិបាកកំណត់ថាតើប្រភេទកីឡាមួយណាពេញនិយមជាងគេលើលោក។
យ៉ាងណាក៏ដោយបើតាមការសិក្សាស្រាវជ្រាវតាមបែបលក្ខណៈវិនិច្ឆ័យ ១៥ចំនុច ដែលបានផ្សាយលើគេហទំព័រ Totalsportek គិតត្រឹមឆ្នាំ ២០១៧ គេអាចចាត់ថ្នាក់បានថាកីឡាបាល់ទាត់ជាប្រភេទកីឡាដែលនាំមុនគេក្នុងចំណោមកីឡាទាំង១០ប្រភេទលើពិភពលោក។
លក្ខណៈវិនិច្ឆ័យផ្សេងគ្នាចំនួន ១៥ ដើម្បីកំណត់ចំណាត់ថ្នាក់កីឡាដែលពេញនិយមបំផុតរួមមាន៖
១- អ្នកគាំទ្រ និងអ្នកទស្សនានៅជុំវិញពិភពលោក ២- អ្នកទស្សនាទាមកញ្ចក់ទូរទស្សន៍ ៣- សិទ្ធចែកចាយតាមទូរទស្សន៍ ៤- ប្រជាប្រិយភាពលើប្រព័ន្ធអ៊ីធើណិត ៥- វត្តមាននៅលើប្រព័ន្ធផ្សព្វផ្សាយសង្គម ៦- ចំនួនលីកអាជីពនៅក្នុងពិភពលោក ៧- ប្រាក់ខែជាមធ្យមនៃអត្តពលិកក្នុងលីកកំពូល ៨- កិច្ចព្រមព្រៀងលើការឧបត្ថម្ភ ៩- ចំនួនប្រទេសដែលកីឡានោះមានប្រជាប្រិយភាព ១០- ការប្រកួតប្រជែងធំបំផុត ១១-ជាប់ទាក់ទងពេញមួយឆ្នាំ ១២-សមភាពយេនឌ័រ ១៣- ការទទួលបានសាធារណជនទូទៅ ១៤-ចំនួនអ្នកលេងមិនអាជីពនៅក្នុងពិភពលោក និងទី ១៥- ភាពលេចធ្លោនៃកីឡាក្នុងចំណងជើងព័ត៌មានកីឡាលើការបោះពុម្ពនិងប្រព័ន្ធផ្សព្វផ្សាយអេឡិចត្រូនិក។
ដូច្នេះក្រោយការវិនិច្ឆ័យលក្ខខណ្ឌខាងលើគេអាចកំណត់បានថា កីឡាបាល់ទាត់មានប្រជាប្រិយភាពជាងគេ បន្ទាប់មកគឺកីឡាបាល់បោះ និងចំណាត់ថ្នាក់ទី៣ កីឡា Cricket។
១- កីឡាបាល់ទាត់ (Soccer) មានអ្នកគាំទ្រជុំវិញពិភពលោក ៤ពាន់លាននាក់
២- កីឡាបាល់បោះ (Basketball) មានអ្នកគាំទ្រជាង១ពាន់លាននាក់
៣- កីឡាគ្រីឃីត (Cricket) មានអ្នកគាំទ្រ ២ពាន់លាននាក់
៤- កីឡាវាយកូនបាល់ (Tennis) មានអ្នកគាំទ្រជាង ១ពាន់លាននាក់
៥- កីឡាអត្តពលកម្ម (Athletics) មានអ្នកគាំទ្រជាង ១ពាន់លាននាក់
៦- កីឡាបាល់ឱប (Rugby) មានអ្នកគាំទ្រជាង ១២០លាននាក់
៧- កីឡាប្រណាំងរថយន្ត Formula 1 ឬកាំជ្រួចលើផ្ទៃរាប មានអ្នកគាំទ្រ ៥០០លាននាក់
៨- កីឡាប្រដាល់ (Boxing)
៩- កីឡាហុកគីលើទឹកកក (Ice Hockey)
១០- កីឡាបាល់ទះ (Volleyball)
© រក្សាសិទ្ធិដោយ thmeythmey.com