កីឡាជាតិ
ជាតិ
សិក្ខាកាម២៧រូបបានការបណ្តុះបណ្តាលជំនាញទូកក្តោងពីគ្រូបង្វឹកលំដាប់ពិភពលោក
សកម្មភាពប្រកួតកីឡាទូកក្តោង ដើម្បីអបអរបុណ្យសមុទ្រនៅខេត្តកែបកាលពីពេលកន្លងទៅ
×![]()
សហព័ន្ធកីឡាទូកក្តោងកម្ពុជាសហការជាមួយគណៈកម្មាធិការជាតិអូឡាំពិកកម្ពុជា ក្រោមគម្រោងអង្គការសាមគ្គីអូឡាំពិក(OS) បានរៀបចំវគ្គបណ្តុះបណ្តាលបច្ចេកទេសគ្រូបង្វឹកកីឡាទូកក្តោង ដើម្បីបង្កើនធនធានគ្រូបង្វឹកនៅកម្ពុជា។ វគ្គបណ្តុះបណ្តាលដែលមានសិក្ខាកាម២៧រូបចូលរួមនេះ ទទួលបានការបង្ហាត់ពីអ្នកជំនាញសិង្ហបុរីមកពីសហព័ន្ធកីឡាទូកក្តោងពិភពលោក។
អត្តពលិក-គ្រូបង្វឹកកសរុបចំនួន២៧រូប(ស្រី៣រូប) ទទួលបានការបណ្តុះបណ្តាលបច្ចេកទេសកីឡាទូកក្តោង ពីអ្នកជំនាញជនជាតិសិង្ហបុរីមកពីសហព័ន្ធកីឡាទូកក្តោងពិភពលោក គឺលោក Joe Chan និងលោក Joshua Choo។ វគ្គបណ្តុះបណ្តាលបច្ចេកទេសគ្រូបង្វឹកកីឡាទូកក្តោងនេះ ប្រព្រឹត្តទៅរយៈពេល៥ថ្ងៃចាប់ពីថ្ងៃទី២១-២៥ មីនា នៅក្លិបកីឡាទូកក្តោងខេត្តកែប។
វគ្គសិក្សាដែលផ្តោតទាំងទ្រឹស្តីនិងការអនុវត្តនេះ គឺដើម្បីបណ្តុះបណ្តាលជំនាញបង្ហាត់កីឡាទូកដល់គ្រូបង្វឹក ជាពិសេសបង្កើនធនធានគ្រូបង្វឹកកីឡាទូកក្តោងនៅកម្ពុជា។ លើសពីនេះ ដើម្បីពង្រីកវិស័យកីឡាទូកក្តោងឲ្យកាន់តែទូលំទូលាយនៅតាមបណ្តាខេត្ត សម្រាប់ត្រៀមកីឡាស៊ីហ្គេមលើកទី៣២នៅកម្ពុជា ព្រោះសិក្ខាកាមដែលចូលរួមវគ្គគ្រូបង្វឹកនេះមកពីខេត្តផ្សេងៗគ្នា។
លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានចាត់ទុកវគ្គសិក្សានេះ ជាឱកាសមួយដ៏ល្អសម្រាប់សិក្ខាកាមក្នុងការបង្កើនសមត្ថភាពរបស់ខ្លួន ព្រោះគ្រូឧទ្ទេសក្នុងវគ្គនេះសុទ្ធសឹងជាអ្នកជំនាញពោរពេញដោយបទពិសោធក្នុងការបង្ហាត់បង្រៀន។
លោកបានបន្ថែមថា វគ្គសិក្សានេះនឹងបង្ហាត់បង្រៀនសិក្ខាកាមពីរៀបប្រើប្រាស់ទូកក្តោង និងការថែរក្សា ពិសេសបង្ហាត់ពីរបៀបមើលខ្យល់ បច្ចេកទេសប្រកួត បច្ចេកទេសបង្រៀនសិស្ស ចិត្តសាស្ត្រ និងបទបញ្ជានៃការប្រកួតជាដើម។
វគ្គបណ្តុះបណ្តាលបច្ចេកទេសគ្រូបង្វឹកកីឡាទូកក្តោងនេះ ត្រូវបានបង្កើតឡើងពីការសហការរវាងសហព័ន្ធកីឡាទូកក្តោងកម្ពុជាជាមួយគណៈកម្មាធិការជាតិអូឡាំពិកកម្ពុជា ក្រោមគម្រោងថវិការបស់អង្គការសាមគ្គីអូឡាំពិក៕
អត្តពលិក-គ្រូបង្វឹកកសរុបចំនួន២៧រូប(ស្រី៣រូប) ទទួលបានការបណ្តុះបណ្តាលបច្ចេកទេសកីឡាទូកក្តោង ពីអ្នកជំនាញជនជាតិសិង្ហបុរីមកពីសហព័ន្ធកីឡាទូកក្តោងពិភពលោក គឺលោក Joe Chan និងលោក Joshua Choo។ វគ្គបណ្តុះបណ្តាលបច្ចេកទេសគ្រូបង្វឹកកីឡាទូកក្តោងនេះ ប្រព្រឹត្តទៅរយៈពេល៥ថ្ងៃចាប់ពីថ្ងៃទី២១-២៥ មីនា នៅក្លិបកីឡាទូកក្តោងខេត្តកែប។
វគ្គសិក្សាដែលផ្តោតទាំងទ្រឹស្តីនិងការអនុវត្តនេះ គឺដើម្បីបណ្តុះបណ្តាលជំនាញបង្ហាត់កីឡាទូកដល់គ្រូបង្វឹក ជាពិសេសបង្កើនធនធានគ្រូបង្វឹកកីឡាទូកក្តោងនៅកម្ពុជា។ លើសពីនេះ ដើម្បីពង្រីកវិស័យកីឡាទូកក្តោងឲ្យកាន់តែទូលំទូលាយនៅតាមបណ្តាខេត្ត សម្រាប់ត្រៀមកីឡាស៊ីហ្គេមលើកទី៣២នៅកម្ពុជា ព្រោះសិក្ខាកាមដែលចូលរួមវគ្គគ្រូបង្វឹកនេះមកពីខេត្តផ្សេងៗគ្នា។
លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានចាត់ទុកវគ្គសិក្សានេះ ជាឱកាសមួយដ៏ល្អសម្រាប់សិក្ខាកាមក្នុងការបង្កើនសមត្ថភាពរបស់ខ្លួន ព្រោះគ្រូឧទ្ទេសក្នុងវគ្គនេះសុទ្ធសឹងជាអ្នកជំនាញពោរពេញដោយបទពិសោធក្នុងការបង្ហាត់បង្រៀន។
លោកបានបន្ថែមថា វគ្គសិក្សានេះនឹងបង្ហាត់បង្រៀនសិក្ខាកាមពីរៀបប្រើប្រាស់ទូកក្តោង និងការថែរក្សា ពិសេសបង្ហាត់ពីរបៀបមើលខ្យល់ បច្ចេកទេសប្រកួត បច្ចេកទេសបង្រៀនសិស្ស ចិត្តសាស្ត្រ និងបទបញ្ជានៃការប្រកួតជាដើម។
វគ្គបណ្តុះបណ្តាលបច្ចេកទេសគ្រូបង្វឹកកីឡាទូកក្តោងនេះ ត្រូវបានបង្កើតឡើងពីការសហការរវាងសហព័ន្ធកីឡាទូកក្តោងកម្ពុជាជាមួយគណៈកម្មាធិការជាតិអូឡាំពិកកម្ពុជា ក្រោមគម្រោងថវិការបស់អង្គការសាមគ្គីអូឡាំពិក៕
Tag:
ទូកក្តោង
វ៉ាត់ ចំរើន
© រក្សាសិទ្ធិដោយ thmeythmey.com
