កីឡាអន្តរជាតិ
អន្តរជាតិ
ប្រេស៊ីលសងសឹកអាល្លឺម៉ង់នៅប៊ែរឡាំង ដោយការតែតរបស់ Jesus
× ក្រុមកីឡាបាល់ទាត់ជម្រើសជាតិប្រេស៊ីលបានយកឈ្នះអាល្លឺម៉ង់ ១-០ ក្នុងការប្រកួតមិត្តភាពអន្តរជាតិនៅរាត្រីថ្ងៃ២៧ ខែមីនា។ ជ័យជម្នះរបស់ក្រុមរហស្សនាមសាំបាគឺជាការសងសឹកបានសម្រេច ក្រោយចាញ់ឥន្ទ្រីដែក ៧-១ យ៉ាងអាម៉ាសនៅ World Cup កាលពី៤ឆ្នាំមុន។
អាល្លឺម៉ង់បានទទួលរងបរាជ័យជាលើកដំបូងរបស់ខ្លួនក្នុងការប្រកួតទាំង ២៣លើកចុងក្រោយ បន្ទាប់ពីខ្សែប្រយុទ្ធក្រុម Manchester City កីឡាករ Gabriel Jesus បានតែតបាល់បញ្ចូលទី១គ្រាប់ដើម្បីផ្តល់ឲ្យប្រេស៊ីលនូវជ័យជម្នះនៅក្រុងប៊ែរឡាំង។
នេះគឺជាជំនួបលើកដំបូងហើយរវាងគូសត្រូវចាស់ទាំងពីរបន្ទាប់ពីអាល្លឺម៉ង់បានបំបាក់ម្ចាស់ផ្ទះប្រេស៊ីលយ៉ាងចាស់ដៃក្នុងលទ្ធផល ៧-១ នៅវគ្គពាក់កណ្តាលផ្តាច់ព្រ័ត្រ World Cup ឆ្នាំ២០១៤។
បរាជ័យក្រោមថ្វៃជើងប្រេស៊ីលនេះបានធ្វើឲ្យក្រុមរបស់លោក Joachim Low ដែលជាម្ចាស់ជើងឯក World Cup ឆ្នាំ២០១៤ និងជាក្រុមដែលឈរនៅចំណាត់ថ្នាក់ទី១ ក្នុងតារាង FIFA Ranking នេះ ស្គាល់ចាញ់ជាលើកដំបូងចាប់តាំងពីបរាជ័យ ២-០ ពីសំណាក់ក្រុមបារាំងក្នុងវគ្គពាក់កណ្តាលផ្តាច់ព្រ័ត្រ Euro 2016៕
Tag:
បាល់ទាត់
ប្រេស៊ីល
អាល្លឺម៉ង់
FIFA World Cup
© រក្សាសិទ្ធិដោយ thmeythmey.com