កីឡាអន្តរជាតិ
អន្តរជាតិ
Vardy ពាក់ស្បែកជើងប្រេន CR7 របស់ Ronaldo ក្នុងជំនួបអង់គ្លេស-អ៊ីតាលី
× ក្រុមកីឡាបាល់ទាត់ជម្រើសជាតិអង់គ្លេសបានទទួលលទ្ធផលស្មើ ១-១ ជាមួយអ៊ីតាលីក្នុងការប្រកួតមិត្តភាពអន្តរជាតិដែលធ្វើឡើងក្នុងកីឡដ្ឋាន Wembley នៅរាត្រីថ្ងៃទី ២៧ ខែមីនានេះ។ ក្នុងជំនួបនេះ Jamie Vardy ដែលជាអ្នករកគ្រាប់បាល់ឲ្យក្រុមរហស្សនាមតោកំណាច១គ្រាប់ បានពាក់ស្បែកកវែងម៉ាក Nike CR7 Mercurial ដែលជាប្រេនរបស់ Cristiano Ronaldo។
វាជារឿងដ៏កម្រមួយដែលកីឡាករម្នាក់ប្រើប្រាស់ផលិតផលដែលមានម៉ាកយីហោរបស់កីឡាករម្នាក់ទៀតនៅក្នុងអាជីពដូចគ្នា។ ខ្សែប្រយុទ្ធឆ្នើមរបស់ Leicester City បានប្រើប្រាស់ស្បែកជើងដែលជាប្រេនរបស់ខ្សែប្រយុទ្ធអន្តរជាតិព័រទុហ្គាល់ និង Real Madrid ដែលមានម៉ាក CR7 ដើម្បីស៊ុតបញ្ចូលទីជួយឲ្យអង់គ្លេសស្មើជាមួយអ៊ីតាលី។
ខ្សែប្រយុទ្ធសញ្ចាតិអង់គ្លេសវ័យ ៣១ឆ្នាំខាងលើ ក៏តែងតែពាក់ស្បែកជើងនេះសម្រាប់ការប្រកួតលីកក្នុងស្រុកនៃក្របខណ្ឌអង់គ្លេស Premier League ផងដែរក្នុងរដូវកាលនេះ៕
Tag:
បាល់ទាត់
Jamie Vardy
CR7
Cristiano Ronaldo
© រក្សាសិទ្ធិដោយ thmeythmey.com