កីឡាអន្តរជាតិ
អន្តរជាតិ
រូបភាពពី (AFP)
×![]()
ដោយ: ទេព ពិទូរ្យ
អតីតអ្នកចាត់ការក្រុមជម្រើសជាតិអង់គ្លេសលោក Fabio Capello បានចាកចេញពី Jiangsu Suning ក្នុងនាមជាអ្នកដឹកនាំក្រុមនៃលីកកំពូលចិន Chinese Super League មួយនេះ។ នេះបើតាមការបញ្ជាក់របស់ក្លិបនៅលើបណ្តាញសង្គមកាលពីថ្ងៃទី២៨ ខែមីនា។
Capello បានចូលកាន់តំណែងជំនួសអ្នកចាត់ការសញ្ជាតិកូរ៉េខាងត្បូងលោក Choi Yong-soo កាលពីខែមិថុនាឆ្នាំមុនក្រោយដឹកនាំ Jiangsu ធ្លាក់ទៅតំបន់ត្រូវកាត់ចោល។ ក្រោយជំនួសតំណែង អតីតអ្នកចាត់ការ Real Madrid រូបនេះបានជួយក្រុមគេចផុតពីតំបន់គ្រោះថ្នាក់ ដោយទទួលបានចំណាត់ថ្នាក់លេខ១២ ក្នុងចំណោមក្រុមទាំង១៦។
ក្នុងរដូវកាលថ្មីនេះសម្រាប់អ្នកចាត់ការសញ្ជាតិអ៊ីតាលី វ័យ៧១ឆ្នាំ គឺដឹកនាំបានតែ៣ប្រកួតប៉ុណ្ណោះក្នុងនោះចាញ់២ និងឈ្នះ១លើក ទើបធ្វើឲ្យលោកសម្រេចដើរចេញពីក្រុមដែលមានមូលដ្ឋានក្នុងក្រុងណានជីងនេះតែម្តង។ នេះបើតាមការផ្សាយរបស់ទីភ្នាក់ងារព័រត៌មាន Reuters។
ក្រោយការចាកចេញរបស់ Capello ក្លិបនេះបានក៏បានតែងតាំងអ្នកចាត់ការសញ្ជាតិរ៉ូម៉ានីលោក Cosmin Olaroiu ដែលធ្លាប់នាំក្រុម Al-Ahli នៃលីកកំពូលរបស់អេមីរេតអារ៉ាប់រួមឈានដល់វគ្គផ្តាច់ព្រ័ត្រពានរង្វាន់ Asian Champions League ឆ្នាំ២០១៥ ប៉ុន្តែចាញ់ក្រុម Guangzhou Evergrande ដែលជាម្ចាស់ជើងឯកឆ្នាំចាស់ Chinese Super League។
Capello បានក្លាយជាអ្នកចាត់ការទី២ហើយក្នុងរដូវកាលថ្មីនេះដែលត្រូវចាកចេញពីតំណែងបន្ទាប់ពីក្លិប Dalian Yifang បានបញ្ឈប់លោក Ma Lin និងប្រកាសអតីតគ្រូ Real Madrid លោក Bernd Schuster ឲ្យឡើងជំនួសវិញនោះ៕
Capello បានចូលកាន់តំណែងជំនួសអ្នកចាត់ការសញ្ជាតិកូរ៉េខាងត្បូងលោក Choi Yong-soo កាលពីខែមិថុនាឆ្នាំមុនក្រោយដឹកនាំ Jiangsu ធ្លាក់ទៅតំបន់ត្រូវកាត់ចោល។ ក្រោយជំនួសតំណែង អតីតអ្នកចាត់ការ Real Madrid រូបនេះបានជួយក្រុមគេចផុតពីតំបន់គ្រោះថ្នាក់ ដោយទទួលបានចំណាត់ថ្នាក់លេខ១២ ក្នុងចំណោមក្រុមទាំង១៦។
ក្នុងរដូវកាលថ្មីនេះសម្រាប់អ្នកចាត់ការសញ្ជាតិអ៊ីតាលី វ័យ៧១ឆ្នាំ គឺដឹកនាំបានតែ៣ប្រកួតប៉ុណ្ណោះក្នុងនោះចាញ់២ និងឈ្នះ១លើក ទើបធ្វើឲ្យលោកសម្រេចដើរចេញពីក្រុមដែលមានមូលដ្ឋានក្នុងក្រុងណានជីងនេះតែម្តង។ នេះបើតាមការផ្សាយរបស់ទីភ្នាក់ងារព័រត៌មាន Reuters។
ក្រោយការចាកចេញរបស់ Capello ក្លិបនេះបានក៏បានតែងតាំងអ្នកចាត់ការសញ្ជាតិរ៉ូម៉ានីលោក Cosmin Olaroiu ដែលធ្លាប់នាំក្រុម Al-Ahli នៃលីកកំពូលរបស់អេមីរេតអារ៉ាប់រួមឈានដល់វគ្គផ្តាច់ព្រ័ត្រពានរង្វាន់ Asian Champions League ឆ្នាំ២០១៥ ប៉ុន្តែចាញ់ក្រុម Guangzhou Evergrande ដែលជាម្ចាស់ជើងឯកឆ្នាំចាស់ Chinese Super League។
Capello បានក្លាយជាអ្នកចាត់ការទី២ហើយក្នុងរដូវកាលថ្មីនេះដែលត្រូវចាកចេញពីតំណែងបន្ទាប់ពីក្លិប Dalian Yifang បានបញ្ឈប់លោក Ma Lin និងប្រកាសអតីតគ្រូ Real Madrid លោក Bernd Schuster ឲ្យឡើងជំនួសវិញនោះ៕
Tag:
បាល់ទាត់
Jiangsu Suning
Fabio Capello
Chinese Super League
© រក្សាសិទ្ធិដោយ thmeythmey.com
