ជាតិ
សិល្បះ
×![]()
ដោយ: ថ្មីៗ
នាយវីតាមីនសេ ឈ្មោះដើម ម៉ៅ សាមឿន បានទទួលមរណភាពក្នុងអាយុ៦៩ឆ្នាំកាលពីវេលាម៉ោង១២យប់ ឈានចូលថ្ងៃទី៣០ ខែមីនា នៅគេហដ្ឋានក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ នេះបើតាមការបញ្ជាក់របស់សមាជិកក្រុមគ្រួសាររបស់លោក។
នាយវីតាមីនសេ ជាតារាកំប្លែងចាស់វស្សាម្នាក់ ជំនាន់នាយក្រឹម និងនាយកុយ។ លោកបានរស់នៅត្រាំត្រែងជាមួយជំងឺរ៉ាំរៃ ដុំសាច់ដុះលើថ្លើម និងជំងឺផ្សេងៗ អស់រយៈពេលច្រើនខែ។ លោកត្រូវបានបញ្ជូនទៅព្យាបាលនៅថៃ កាលពីខែវិច្ឆិកា ឆ្នាំ២០១៧ ប៉ុន្តែស្ថានភាពមិនមានការធូរស្បើយ ទើបក្រុមគ្រួសារសម្រចចិត្តនាំលោកត្រឡប់មកកម្ពុជាវិញនៅមុនដង្ហើមចុងក្រោយ។
លោក ម៉ៅ សាមឿន កើតក្នុងគ្រួសារកសិករមួយនៅខេត្តកំពង់ចាម។ លោកចាប់អាជីពសិល្បៈក្នុងក្រុមវង់ល្ខោន មុននឹងបោះជំហានទៅមុខជាលំដាប់ក្នុងពិភពក្រុមកំប្លែង។ បច្ចុប្បន្ន កូនស្រី ម្នាក់របស់លោក គឺនាង ប៉េងប៉ោង (ឈ្មោះដើម មឿន និមល) ក៏ជាតារាកំប្លែងម្នាក់ផងដែរ៕
© រក្សាសិទ្ធិដោយ thmeythmey.com
