អតីតបក្សប្រឆាំង ធ្វើពិធីបង្សុកូលជូនអ្នកស្លាប់ ដោយសារការបំផ្ទុះគ្រាប់បែកកាលពីឆ្នាំ៩៧

ជាតិ

អតីតបក្សប្រឆាំង ធ្វើពិធីបង្សុកូលជូនអ្នកស្លាប់ ដោយសារការបំផ្ទុះគ្រាប់បែកកាលពីឆ្នាំ៩៧

30, Mar 2018 , 9:42 am

រូបភាព

ដោយ: ថ្មីៗ

អតីតមន្ត្រីជាន់ខ្ពស់និងតំណាងរាស្ត្រនៃគណបក្សសង្គ្រោះជាតិមួយចំនួន បានរៀបចំពីធីបង្សុកល នៅព្រឹកថ្ងៃទី៣០ ខែមីនា ឆ្នាំ២០១៨នេះ ដើម្បីឧទ្ធិសបុណ្យកុសលជូនដល់វិញ្ញាណក្ខន្ធអ្នកដែលបានបាត់បង់ជីវិត ដោយសារការគប់គ្រាប់បែក កាលពីឆ្នាំ១៩៩៧ នៅមុខរដ្ឋសភាចាស់(បច្ចុប្បន្នជាតុលាការកំពូល)។

អតីតមន្ត្រីបក្សប្រឆាំង ដែលចូលរួមក្នុងពិធីបង្សុកូលនេះ មានដូចជាលោក ប៉ុល ហំម និងលោក សុន ឆ័យ ជាដើម។ ចំណែក លោក រ៉ុង ឈុន អតីតសមាជិកគណៈកម្មាធិការជាតិរៀបចំការបោះឆ្នោត និងជាមនុស្សម្នាក់ ដែលមានសមានចិត្តជាមួយអតីតបក្សប្រឆាំង ក៏ចូលរួមដែរ។

សូមបញ្ជាក់ថា ជារៀងរាល់ឆ្នាំ នៅថ្ងៃទី៣០ ខែមីនា អតីតបក្សប្រឆាំង តែងធ្វើពិធីរាប់បាត្រនិងបង្សុកូល នៅមុខរដ្ឋសភាចាស់ ដើម្បីឧទ្ទិសកុសលជូនវិញ្ញាណក្ខន្ធនៃបាតុករ ដែលបានបាត់បង់ជីវិត ដោយសារការគប់គ្រាប់បែក ក្នុងឆ្នាំ១៩៩៧៕