ជាតិ
EU ផ្ដល់ថវិកាជាង៣លានដុល្លារ ដល់អង្គការWWF ដើម្បីការពារធនធានធម្មជាតិនៅកម្ពុជា
×![]()
ភ្នំពេញ៖ សហភាពអឺរ៉ុប បានសម្រេចផ្ដល់ជំនួយជាង៣លានដុល្លារ លើគម្រោងរបស់អង្គការមូលនិធិសកលសម្រាប់អភិរក្សធនធានធម្មជាតិ (WWF) ដើម្បីគ្រប់គ្រងព្រៃឈើ និងការពារធនធានធម្មជាតិ នៅខេត្តមណ្ឌលគីរី។
គម្រោងទ្រទ្រង់ធនធានធម្មជាតិនៅកម្ពុជានេះ មានរយៈពេល៥ឆ្នាំ គឺចាប់ពីឆ្នាំ២០១៨ ដល់ឆ្នាំ២០២២ ក្រោមជំនួយសហភាពអឺរ៉ុប ២,៨លានអឺរ៉ូ (៣,៣លានដុល្លារអាមេរិក)។ លោក សេង ទៀក នាយកអង្គការមូលនិធិសកលសម្រាប់អភិរក្សធនធានធម្មជាតិ (WWF) បាននិយាយថា ការផ្តួចផ្ដើមគម្រោងនេះ ក្នុងគោលបំណងធានាដល់ការខិតខំប្រឹងប្រែងរបស់សហគមការពារព្រៃឈើ ដើម្បីទប់ស្កាត់ការគំរាមកំហែង នៃការកើនឡើងសម្ពាធសេដ្ឋកិច្ចពីខាងក្រៅ ដែលទាញយកផលប្រយោជន៍ធនធានធម្មជាតិ(កាប់ឈើលក់)កម្ពុជា។ ក្នុងន័យនេះលោក សេង ទៀក ពន្យល់ថា ជំនួយនេះ នឹងជួយគាំទ្រកម្លាំងសហគមការពារព្រៃឈើឯករាជ្យ ក្នុងការពារដែនជម្រកសត្វព្រៃភ្នំព្រិច និងដែនជម្រកសត្វព្រៃស្រែពកឲ្យកម្ពុជា ដែលគ្រប់ដណ្ដប់ផ្ទៃដី៤០ហិកតានៅក្នុងខេត្តមណ្ឌលគីរី។
តាមរយៈសេចក្តីថ្លែងការណ៍រួម របស់សហភាពអឺរ៉ុប និងអង្គការអភិរក្សសត្វព្រៃWWF លោក សេង ទៀក បានបញ្ជាក់ដូច្នេះថា៖«កម្លាំងសហគមទាំងនេះ នឹងអាចជួយទ្រទ្រង់ការគ្រប់គ្រងធនធានធម្មជាតិ, ហើយនៅពេលជាមួយគ្នានេះ វានឹងបង្កើនការធានាដល់សុវត្ថិភាពល្អមួយរបស់ពួកគេ ក្នុងដំណើការឆ្ពោះទៅរកការអភិរក្សធនធានធម្មជាតិប្រកបដោយចីរភាព។ យើងចង់ឃើញគោលដៅសហគមតំបន់ការពារដែនជម្រកសត្វព្រៃភ្នំព្រិច និងដែនជម្រកសត្វព្រៃស្រែពក មានសមត្ថភាព និងឥទ្ធិពលក្នុងការអនុវត្តការងារសិទ្ធិអភិរក្សធនធានធម្មជាតិរបស់ពួកគេ តាមរយៈការអភិវឌ្ឍជីវភាពរបស់គម្រោងនេះ»។
អគ្គរដ្ឋទូតសហភាពអឹរ៉ុបប្រចាំកម្ពុជាលោក George Edgar បាននិយាយថា សហគមតំបន់ការពារ គឺដើរតួនាទីសំខាន់ក្នុងការការពារបរិស្ថាន និងទ្រទ្រង់ធនធានដែលមានប្រយោជន៍ ហើយវាសារសំខាន់ណាស់ ដែលពួកគេទាំងនោះ ត្រូវការពង្រឹងសមត្ថភាពពង្រឹងការអនុវត្តការងាររបស់ពួកគេ។ លោក George Edgar ជំរុញឲ្យភាគីពាក់ព័ន្ធទាំងអស់ មានការប្ដេជ្ញាចិត្តខ្ពស់ និងសកម្មភាពទទួលខុសត្រូវ ចំពោះការទិសដៅការងាររបស់អង្គការសង្គមស៊ីវិល ដើម្បីដំណើការគម្រោងបានល្អ ព្រោះវាជាផលប្រយោជន៍រួម ក្នុងការការពារសត្វព្រៃ និងព្រៃឈើក្នុងតំបន់។
«ពួកយើងរីករាយគាំទ្រគម្រោងនេះ។ វាជាការចូលរួមចំណែកមួយ ក្នុងការខិតខំប្រឹងប្រែងជាមួយរដ្ឋាភិបាលកម្ពុជា ក្នុងការការពារតំបន់ទាំងពីរខាងលើនេះ ក៏ដូចជាការទ្រទ្រង់ដល់ដំណើការអភិវឌ្ឍដល់ខេត្តមណ្ឌលគីរីផងដែរ»។ នេះជាការបញ្ជាក់របស់លោក George Edgar៕
គម្រោងទ្រទ្រង់ធនធានធម្មជាតិនៅកម្ពុជានេះ មានរយៈពេល៥ឆ្នាំ គឺចាប់ពីឆ្នាំ២០១៨ ដល់ឆ្នាំ២០២២ ក្រោមជំនួយសហភាពអឺរ៉ុប ២,៨លានអឺរ៉ូ (៣,៣លានដុល្លារអាមេរិក)។ លោក សេង ទៀក នាយកអង្គការមូលនិធិសកលសម្រាប់អភិរក្សធនធានធម្មជាតិ (WWF) បាននិយាយថា ការផ្តួចផ្ដើមគម្រោងនេះ ក្នុងគោលបំណងធានាដល់ការខិតខំប្រឹងប្រែងរបស់សហគមការពារព្រៃឈើ ដើម្បីទប់ស្កាត់ការគំរាមកំហែង នៃការកើនឡើងសម្ពាធសេដ្ឋកិច្ចពីខាងក្រៅ ដែលទាញយកផលប្រយោជន៍ធនធានធម្មជាតិ(កាប់ឈើលក់)កម្ពុជា។ ក្នុងន័យនេះលោក សេង ទៀក ពន្យល់ថា ជំនួយនេះ នឹងជួយគាំទ្រកម្លាំងសហគមការពារព្រៃឈើឯករាជ្យ ក្នុងការពារដែនជម្រកសត្វព្រៃភ្នំព្រិច និងដែនជម្រកសត្វព្រៃស្រែពកឲ្យកម្ពុជា ដែលគ្រប់ដណ្ដប់ផ្ទៃដី៤០ហិកតានៅក្នុងខេត្តមណ្ឌលគីរី។
តាមរយៈសេចក្តីថ្លែងការណ៍រួម របស់សហភាពអឺរ៉ុប និងអង្គការអភិរក្សសត្វព្រៃWWF លោក សេង ទៀក បានបញ្ជាក់ដូច្នេះថា៖«កម្លាំងសហគមទាំងនេះ នឹងអាចជួយទ្រទ្រង់ការគ្រប់គ្រងធនធានធម្មជាតិ, ហើយនៅពេលជាមួយគ្នានេះ វានឹងបង្កើនការធានាដល់សុវត្ថិភាពល្អមួយរបស់ពួកគេ ក្នុងដំណើការឆ្ពោះទៅរកការអភិរក្សធនធានធម្មជាតិប្រកបដោយចីរភាព។ យើងចង់ឃើញគោលដៅសហគមតំបន់ការពារដែនជម្រកសត្វព្រៃភ្នំព្រិច និងដែនជម្រកសត្វព្រៃស្រែពក មានសមត្ថភាព និងឥទ្ធិពលក្នុងការអនុវត្តការងារសិទ្ធិអភិរក្សធនធានធម្មជាតិរបស់ពួកគេ តាមរយៈការអភិវឌ្ឍជីវភាពរបស់គម្រោងនេះ»។
អគ្គរដ្ឋទូតសហភាពអឹរ៉ុបប្រចាំកម្ពុជាលោក George Edgar បាននិយាយថា សហគមតំបន់ការពារ គឺដើរតួនាទីសំខាន់ក្នុងការការពារបរិស្ថាន និងទ្រទ្រង់ធនធានដែលមានប្រយោជន៍ ហើយវាសារសំខាន់ណាស់ ដែលពួកគេទាំងនោះ ត្រូវការពង្រឹងសមត្ថភាពពង្រឹងការអនុវត្តការងាររបស់ពួកគេ។ លោក George Edgar ជំរុញឲ្យភាគីពាក់ព័ន្ធទាំងអស់ មានការប្ដេជ្ញាចិត្តខ្ពស់ និងសកម្មភាពទទួលខុសត្រូវ ចំពោះការទិសដៅការងាររបស់អង្គការសង្គមស៊ីវិល ដើម្បីដំណើការគម្រោងបានល្អ ព្រោះវាជាផលប្រយោជន៍រួម ក្នុងការការពារសត្វព្រៃ និងព្រៃឈើក្នុងតំបន់។
«ពួកយើងរីករាយគាំទ្រគម្រោងនេះ។ វាជាការចូលរួមចំណែកមួយ ក្នុងការខិតខំប្រឹងប្រែងជាមួយរដ្ឋាភិបាលកម្ពុជា ក្នុងការការពារតំបន់ទាំងពីរខាងលើនេះ ក៏ដូចជាការទ្រទ្រង់ដល់ដំណើការអភិវឌ្ឍដល់ខេត្តមណ្ឌលគីរីផងដែរ»។ នេះជាការបញ្ជាក់របស់លោក George Edgar៕
Tag:
EU
WWF
© រក្សាសិទ្ធិដោយ thmeythmey.com
