អន្តរជាតិ
អាមេរិកត្រូវរ៉ាប់រងផលប៉ះពាល់ចំពោះការញុះញង់ឲ្យមានសង្គ្រាមពាណិជ្ជកម្ម
រូបភាព Xinhua
×![]()
ទោះបីជាមានការជំទាស់ពីគ្រប់ភាគីក្ដី ប្រធានាធិបតីអាមេរិក ដូណាល់ ត្រាំ បានញុះញង់ឲ្យមានសង្គ្រាមពាណិជ្ជកម្ម តាមរយៈការចុះហត្ថលេខាលើអនុស្សារណៈមួយដែលអនុញ្ញាតឲ្យអាមេរិកដាក់ពន្ធដល់ទៅ៦០ពាន់លានដុល្លារលើទំនិញនាំចូលរបស់ចិន និងរឹតត្បិតការវិនិយោគរបស់ចិននៅអាមេរិក។ អនុស្សារណៈនេះពឹងផ្អែកលើការស៊ើបអង្កេតស្ដីពីការលួចកម្មសិទ្ធិបញ្ញា និងការផ្ទេរបច្ចេកវិទ្យា ដែលធ្វើឡើងដោយរដ្ឋបាលលោក ត្រាំ កាលពីខែសីហា ឆ្នាំ២០១៧ ។
ចំណាត់ការរបស់អាមេរិក ដែលមិនបានគិតពីការការពារបស់ចិនលើកម្មសិទ្ធិបញ្ញា គោលការណ៍អង្គការពាណិជ្ជកម្មពិភពលោក និងមតិភាគីផ្សេង គឺជាសកម្មភាពឯកតោភាគី និងជាការគាំពារនិយម។ បច្ចុប្បន្ន ពិភពលោកកំពុងនិយាយ «ទេ» ចំពោះការសម្រេចចិត្តគ្មានហេតុផលនេះ ព្រោះវាប៉ះពាល់សេដ្ឋកិច្ចចិន-អាមេរិក និងទំនាក់ទំនងពាណិជ្ជកម្ម ប៉ះពាល់សណ្ដាប់ធ្នាប់ពាណិជ្ជកម្មអន្តរជាតិ និងបង្កគ្រោះថ្នាក់ដល់ការងើបឡើងវិញសេដ្ឋកិច្ចពិភពលោក។
អាមេរិកនឹងត្រូវរ៉ាប់រងផលប៉ះពាល់ទាំងឡាយចំពោះទង្វើធ្វេសប្រហែសរបស់ខ្លួន។ ក្នុងកាលៈទេសៈណាក៏ដោយ ចិនក៏មិនអង្គុយនៅស្ងៀម និងទុកឲ្យសិទ្ធិ ព្រមទាំងផលប្រយោជន៍ស្របច្បាប់របស់ខ្លួនខូចខាតដែរ។ ក្រសួងពាណិជ្ជកម្មបានប្រកាសហើយថា ចិនកំពុងពិចារណាបង្កើតពន្ធនាំចូលលើផលិតផលអាមេរិកដែលមានតម្លៃ៣ពាន់លានដុល្លារ ជាការឆ្លើយតបនឹងការខូចខាតបណ្ដាលមកការដំឡើងពន្ធដែកថែប និងអាលុយមីញ៉ូមរបស់អាមេរិក។
យោងតាមការប្រកាសខាងលើ វិធានការរបស់ចិននឹងដាក់គោលដៅលើផលិតផលអាមេរិកចំនួន១២៨មុខដូចជា សាច់ជ្រូក ស្រា និងបំពង់ទីប។ ចិនមិនចង់ឃើញសង្គ្រាមពាណិជ្ជកម្មឡើយ តែក៏មិនខ្លាចដែរ។ ចិនត្រៀមខ្លួនរួចស្រេចដើម្បីការពារប្រយោជន៍របស់ខ្លួន និងមានការប្ដេជ្ញាចិត្ត និងសមត្ថភាពដើម្បីដោះស្រាយបញ្ហាប្រឈមនានា។ អាមេរិកត្រូវតែទទួលថ្មបាក់ បើទំនាក់ទំនងសេដ្ឋកិច្ចទ្វេភាគីជួបគ្រោះថ្នាក់មែន។
ជាអ្នករួមចំណែកសំខាន់ក្នុងសេដ្ឋកិច្ចបើកចំហ និងជាអ្នកការពារពាណិជ្ជកម្មសេរី ចិនធ្វើសកម្មភាពច្រើន បង្ហាញការស្មោះត្រង់ និងលើកឡើងគំនិតផ្ដួចផ្ដើមជាច្រើនដោយផ្អែកលើគោលការណ៍គោរពគ្នាទៅមក និងកិច្ចសហប្រតិបត្តិការឈ្នះ-ឈ្នះ។ ប៉ុន្តែអាមេរិកឯណោះ បែរជាជ្រើសរើសផ្លូវឆេវឆាវ និងធ្វើអ្វីតាមចិត្ត ដែលនឹងបង្ខំឲ្យចិនចាត់វិធានការដើម្បីការពារប្រយោជន៍ស្របច្បាប់របស់ខ្លួន។ នេះជាកម្លាំងនយោបាយរបស់អាមេរិក ដែលមិនខ្វល់ពីអ្នកប្រើប្រាស់ និងការរកស៊ីរបស់ក្រុមហ៊ុនខ្លួនសោះ។
ជំហររបស់រដ្ឋបាលលោក ត្រាំ រងការជំទាស់ខ្លាំងគ្រប់ទិសទីតាំងពីបញ្ញាវន្ត ក្រុមហ៊ុន អង្គការនានា និងសាធារណជនទូទៅ ដែលជឿថា ចំណាត់ការឯកតោភាគីរបស់រដ្ឋាភិបាលអាមេរិកមិនបានជួយដោះស្រាយឱនភាពសេដ្ឋកិច្ចឡើយ តែបង្កបញ្ហាឲ្យខ្លួនឯងទៅវិញ។ នេះក៏ព្រោះតែអ្នកប្រើប្រាស់ និងអ្នកលក់រាយនៅអាមេរិកឯណោះទេជាអ្នករងផលប៉ះពាល់ដោយសារការផ្លាស់ប្ដរបណ្ដាលគម្រោងដំឡើងពន្ធនេះ។
លើសពីនោះ សង្គ្រាមពាណិជ្ជកម្មមិនត្រឹមតែអូសទម្លាក់ការងារប្រជាជនអាមេរិក និងការបង្កការំខានដល់វិស័យផលិតកម្មឡើយ តែក៏នឹងបន្ថែមភាពមិនច្បាស់លាស់ក្នុងទីផ្សារ និងធ្វើឲ្យផលិតផលនាំចេញអាមេរិកជួបបញ្ហាដែរ។ ពិភពលោកទាំងមូលក៏បានប្រតិកម្មជាអវិជ្ជមានលើវិធានការដំឡើងពន្ធរបស់លោក ត្រាំ ។ ចុងក្រោយនោះ មានការទស្សទាយថា ចំណាត់ការរបសអាមេរិកដែលប៉ះពាល់ប្រទេសផ្សេង នឹងបង្កការគំរាមកំហែងលើសណ្ដាប់ធ្នាប់ពាណិជ្ជកម្ម និងសេដ្ឋកិច្ចពិភពលោក៕
ចំណាត់ការរបស់អាមេរិក ដែលមិនបានគិតពីការការពារបស់ចិនលើកម្មសិទ្ធិបញ្ញា គោលការណ៍អង្គការពាណិជ្ជកម្មពិភពលោក និងមតិភាគីផ្សេង គឺជាសកម្មភាពឯកតោភាគី និងជាការគាំពារនិយម។ បច្ចុប្បន្ន ពិភពលោកកំពុងនិយាយ «ទេ» ចំពោះការសម្រេចចិត្តគ្មានហេតុផលនេះ ព្រោះវាប៉ះពាល់សេដ្ឋកិច្ចចិន-អាមេរិក និងទំនាក់ទំនងពាណិជ្ជកម្ម ប៉ះពាល់សណ្ដាប់ធ្នាប់ពាណិជ្ជកម្មអន្តរជាតិ និងបង្កគ្រោះថ្នាក់ដល់ការងើបឡើងវិញសេដ្ឋកិច្ចពិភពលោក។
អាមេរិកនឹងត្រូវរ៉ាប់រងផលប៉ះពាល់ទាំងឡាយចំពោះទង្វើធ្វេសប្រហែសរបស់ខ្លួន។ ក្នុងកាលៈទេសៈណាក៏ដោយ ចិនក៏មិនអង្គុយនៅស្ងៀម និងទុកឲ្យសិទ្ធិ ព្រមទាំងផលប្រយោជន៍ស្របច្បាប់របស់ខ្លួនខូចខាតដែរ។ ក្រសួងពាណិជ្ជកម្មបានប្រកាសហើយថា ចិនកំពុងពិចារណាបង្កើតពន្ធនាំចូលលើផលិតផលអាមេរិកដែលមានតម្លៃ៣ពាន់លានដុល្លារ ជាការឆ្លើយតបនឹងការខូចខាតបណ្ដាលមកការដំឡើងពន្ធដែកថែប និងអាលុយមីញ៉ូមរបស់អាមេរិក។
យោងតាមការប្រកាសខាងលើ វិធានការរបស់ចិននឹងដាក់គោលដៅលើផលិតផលអាមេរិកចំនួន១២៨មុខដូចជា សាច់ជ្រូក ស្រា និងបំពង់ទីប។ ចិនមិនចង់ឃើញសង្គ្រាមពាណិជ្ជកម្មឡើយ តែក៏មិនខ្លាចដែរ។ ចិនត្រៀមខ្លួនរួចស្រេចដើម្បីការពារប្រយោជន៍របស់ខ្លួន និងមានការប្ដេជ្ញាចិត្ត និងសមត្ថភាពដើម្បីដោះស្រាយបញ្ហាប្រឈមនានា។ អាមេរិកត្រូវតែទទួលថ្មបាក់ បើទំនាក់ទំនងសេដ្ឋកិច្ចទ្វេភាគីជួបគ្រោះថ្នាក់មែន។
ជាអ្នករួមចំណែកសំខាន់ក្នុងសេដ្ឋកិច្ចបើកចំហ និងជាអ្នកការពារពាណិជ្ជកម្មសេរី ចិនធ្វើសកម្មភាពច្រើន បង្ហាញការស្មោះត្រង់ និងលើកឡើងគំនិតផ្ដួចផ្ដើមជាច្រើនដោយផ្អែកលើគោលការណ៍គោរពគ្នាទៅមក និងកិច្ចសហប្រតិបត្តិការឈ្នះ-ឈ្នះ។ ប៉ុន្តែអាមេរិកឯណោះ បែរជាជ្រើសរើសផ្លូវឆេវឆាវ និងធ្វើអ្វីតាមចិត្ត ដែលនឹងបង្ខំឲ្យចិនចាត់វិធានការដើម្បីការពារប្រយោជន៍ស្របច្បាប់របស់ខ្លួន។ នេះជាកម្លាំងនយោបាយរបស់អាមេរិក ដែលមិនខ្វល់ពីអ្នកប្រើប្រាស់ និងការរកស៊ីរបស់ក្រុមហ៊ុនខ្លួនសោះ។
ជំហររបស់រដ្ឋបាលលោក ត្រាំ រងការជំទាស់ខ្លាំងគ្រប់ទិសទីតាំងពីបញ្ញាវន្ត ក្រុមហ៊ុន អង្គការនានា និងសាធារណជនទូទៅ ដែលជឿថា ចំណាត់ការឯកតោភាគីរបស់រដ្ឋាភិបាលអាមេរិកមិនបានជួយដោះស្រាយឱនភាពសេដ្ឋកិច្ចឡើយ តែបង្កបញ្ហាឲ្យខ្លួនឯងទៅវិញ។ នេះក៏ព្រោះតែអ្នកប្រើប្រាស់ និងអ្នកលក់រាយនៅអាមេរិកឯណោះទេជាអ្នករងផលប៉ះពាល់ដោយសារការផ្លាស់ប្ដរបណ្ដាលគម្រោងដំឡើងពន្ធនេះ។
លើសពីនោះ សង្គ្រាមពាណិជ្ជកម្មមិនត្រឹមតែអូសទម្លាក់ការងារប្រជាជនអាមេរិក និងការបង្កការំខានដល់វិស័យផលិតកម្មឡើយ តែក៏នឹងបន្ថែមភាពមិនច្បាស់លាស់ក្នុងទីផ្សារ និងធ្វើឲ្យផលិតផលនាំចេញអាមេរិកជួបបញ្ហាដែរ។ ពិភពលោកទាំងមូលក៏បានប្រតិកម្មជាអវិជ្ជមានលើវិធានការដំឡើងពន្ធរបស់លោក ត្រាំ ។ ចុងក្រោយនោះ មានការទស្សទាយថា ចំណាត់ការរបសអាមេរិកដែលប៉ះពាល់ប្រទេសផ្សេង នឹងបង្កការគំរាមកំហែងលើសណ្ដាប់ធ្នាប់ពាណិជ្ជកម្ម និងសេដ្ឋកិច្ចពិភពលោក៕
© រក្សាសិទ្ធិដោយ thmeythmey.com
