ជាតិ
កម្ពុជាជាប់លេខ៤លើពិភពលោកក្នុងនាមជាប្រទេសដែលស្វាគមន៍ជនបរទេសល្អបំផុត ភ្ញៀវទេសចររីករាយនៅពេលទស្សនាប្រាសាទអង្គរវត្ត។ រូបថត AFP
×
InterNations បណ្តាញគេហទំព័រដ៏ធំសម្រាប់ជនបរទេសនៅលើពិភពលោក បានចេញផ្សាយលទ្ធផលនៃការស្ទង់មតិមួយដែលមានឈ្មោះថា Expat Insider។ ជនបរទេស១៣០០០នាក់ ដែលរស់នៅបណ្តាប្រទេស និងទឹកដីចំនួន១៨៨ បានឆ្លើយតប និងបង្ហាញទស្សនៈរបស់ខ្លួនទាក់ទងនឹងការរស់នៅក្រៅប្រទេស។
ការស្ទង់មតិស្តីពី Most Welcoming Countries for Expats (ប្រទេសដែលស្វាគមន៍បំផុតសម្រាប់ជនបរទេស) កម្ពុជា ស្ថិតនៅចំណាត់ថ្នាក់ទី៤ បន្ទាប់ពីព័រទុយហ្គាល់ តៃវ៉ាន់ និងម៉ិកស៊ិក។ អ្វីដែលគួរឲ្យកត់សម្គាល់បំផុតនោះ គឺបណ្តាប្រទេស Top 10 សុទ្ធតែស្ថិតក្នុងចំណោមប្រជាជាតិដែលមិនប្រើប្រាស់ភាសាអង់គ្លេស ឬភាសាអង់គ្លេស ជាភាសាទីពីរ។
អ្នកចូលរួមស្ទង់មតិ៩៤ភាគរយ បានចាត់ទុកជីវិតរស់នៅព័រទុយហ្គាល់ ដូចជាផ្ទះរបស់ខ្លួន ដោយពលរដ្ឋរួសរាយរាក់ និងជួយយកអសារពួកគេ។ នៅអាស៊ីវិញ វាមិនមែនជាលើកដំបូងឡើយសម្រាប់កោះតៃវ៉ាន់ ប៉ុន្តែកម្ពុជា និងវៀតណាម ទើបមានឈ្មោះនៅ Top 10 ជាលើកទីមួយ។
តាមលទ្ធផលស្ទង់មតិដែលដកស្រង់ដោយ Asaincorrespondent.com ជនបរទេស ៩២ភាគរយ បាននិយាយយល់ស្របថា កម្ពុជា មានភាពរួសរាយរាក់ទាក់ចំពោះជនបរទេស។
ប្រទេសទាំង១០ដែលស្វាគមន៍ជនបរទេសបំផុត (Most Welcoming Countries for Expats)៖
១. ព័រទុយហ្គាល់
២. កោះតៃវ៉ាន់
៣. ម៉ិកស៊ិក
៤. កម្ពុជា
៥. បារ៉ែន
៦. កូស្តារីកា
៧. អូម៉ង់
៨. កូឡុំប៊ី
៩. វៀតណាម
១០. កាណាដា៕
© រក្សាសិទ្ធិដោយ thmeythmey.com