លោក ឡាយ វណ្ណៈ ត្រូវបានសមត្ថកិច្ចឃាត់ខ្លួន បញ្ជូនមកក្រសួងមហាផ្ទៃ

ជាតិ

សង្គមជាតិ

លោក ឡាយ វណ្ណៈ ត្រូវបានសមត្ថកិច្ចឃាត់ខ្លួន បញ្ជូនមកក្រសួងមហាផ្ទៃ

01, Apr 2018 , 4:07 pm

រូបភាព

រូបពីហ្វេសប៊ុកលោក ឡាយ វណ្ណៈ អតីតអភិបាលខេត្តតាកែវ

ដោយ: ថ្មីៗ

ភ្នំពេញ៖ អតីតអភិបាលខេត្តតាកែវ លោក ឡាយ វណ្ណៈ ត្រូវបានសមត្ថកិច្ចឃាត់ខ្លួន បញ្ជូនមកក្រសួងមហាផ្ទៃ នៅរសៀលថ្ងៃទី១ មេសានេះ។

បើតាមការចុះផ្សាយរបស់សារព័ត៌មានFresh News លោក ឡាយ វណ្ណៈ ត្រូវបានសមត្ថកិច្ចឃាត់ខ្លួន នៅក្នុងក្រុងដូនកែវ ខេត្តតាកែវ បន្ទាប់ពីពិធីប្រកាសផ្ទេរតំណែងអភិបាលខេត្តឲ្យលោក អ៊ូច ភា ។ សមត្ថកិច្ចអនុវត្តដីកាបង្គាប់ឲ្យឃាត់ខ្លួនលោក ឡាយ វណ្ណៈ តាមព្រះរាជអាជ្ញាសាលាដំបូងរាជធានីភ្នំពេញ។ ការឃាត់ខ្លួនអតីតអភិបាលខេត្តតាកែវនេះ ទំនងជាប់ពាក់ព័ន្ធករណីស្លាប់របស់លោកស្រី ចែវ សុវឌ្ឍនា ដែលធ្លាប់មានទំនាក់ទំនងស្នេហាជាមួយគ្នាកន្លងមក។

អត្ថបទទាក់ទង

លោក ឡាយ វណ្ណៈ បដិសេធជុំវិញការស្លាប់របស់លោកស្រី ចែវ សុវឌ្ឍនា តែក្រសួងមហាផ្ទៃថា អាចជាប់ពាក់ព័ន្ធ

ពាក់ព័ន្ធករណីនេះតុលាការកំពុងបន្តនីតិវិធីស៊ើបសួរជនសង្ស័យ៥នាក់ ដែលក្នុងនោះមានលោក ឡាយ ណារិទ្ធ ស្នងការរងខេត្តតាកែវ ដែលត្រូវជាបងប្រុសលោក ឡាយ វណ្ណៈ ផងដែរ។ ជនសង្ស័យទាំង៥នាក់ បានសារភាពចំពោះសមត្ថកិច្ចជំនាញរបស់ក្រសួងមហាផ្ទៃហើយ ជុំវិញការស្លាប់របស់លោកស្រី ចែវ សុវឌ្ឍនា ៕