ជាតិ
សិស្សខ្មែរវ័យ១៦ឆ្នាំពីររូប ស្រាវជ្រាវបច្ចេកវិទ្យាធ្វើពោងសុវត្ថិភាពសង្គ្រោះមនុស្ស
×![]()
ដោយ: ប៉ូ សាគុន
យុវសិស្ស២រូបដែលរៀនថ្នាក់ទី១១នៅសាលារៀនជំនាន់ថ្មីនៃវិទ្យាល័យព្រះស៊ីសុវត្ថិ បានរួបគ្នាស្រាវជ្រាវបច្ចេកវិទ្យា បង្កើតពោងសុវត្ថិភាពដើម្បីជួយសង្គ្រោះពីចម្ងាយនៅពេលមានមនុស្សលង់ទឹក។ ពិន ប្រាកដ និង ប៉ូ វីរបុត្រ ដែលមានអាយុ១៦ឆ្នាំដូចគ្នា បានអះអាងថា ពួកគេនឹកឃើញគម្រោងនេះ បន្ទាប់ពីបានមើលឃើញឯកសាររបស់អង្គការសុខភាពពិភពលោកស្តីពីករណីមនុស្សស្លាប់ដោយសារលង់ទឹក។
អត្រាមនុស្សស្លាប់ដោយសារការលង់ទឹក ដែលមានរហូតដល់ទៅជាង៣៧២ពាន់នាក់ក្នុងមួយឆ្នាំនៅទូទាំងពិភពលោក គឺជារបាយការណ៍ដ៏រន្ធត់មួយសម្រាប់ ពិន ប្រាកដ។ យុវជនរូបនេះ ចង់ចូលរួមចំណែកកាត់បន្ថយគ្រោះថ្នាក់ទាំងនេះ តាមរយៈការស្រាវជ្រាវបង្កើតពោងសង្គ្រោះ ទំនើប។
ពិន ប្រាកដ បានបញ្ជាក់៖« ខ្ញុំបានឃើញឯកសាររបស់អង្គការសុខភាពពិភពលោក ខ្ញុំយល់ថាបញ្ហាការស្លាប់ដោយលង់ទឹកនេះ មិនសូវមានអ្នកយកចិត្តទុកដាក់ទេ ដូច្នេះទើបបានជាខ្ញុំស្រាវជ្រាវបង្កើតឧបករណ៍នេះ ដើម្បីអាចជួយកាត់បន្ថយការស្លាប់»។
ពិន ប្រាកដ បានអនុវត្តគម្រោងនេះ ជាមួយ ប៉ូ វីរបុត្រ ដែលជាមិត្តរួមថ្នាក់។ វីរបុត្រ បានលើកឡើងថា ការស្រាវជ្រាវពោងទំនើបនេះ ប្រើរយៈពេលពីរសប្ដាហ៍ ហើយវាត្រូវបានបំពាក់ដោយបច្ចេកវិទ្យាដើម្បីបញ្ជាពីចំងាយ។
យុវជនដែលស្រឡាញ់ការស្រាវជ្រាវផ្នែកវិទ្យាសាស្ត្រទាំងពីរ បានអះអាងថា ពោងសុវត្ថិភាពដែលពួកគេច្នៃប្រឌិត អាចធ្វើដំណើរដោយខ្លួនឯងទៅសង្គ្រោះមនុស្សទៅគ្រប់ទីកន្លែងដែលមនុស្សបញ្ជា។ បើសិនជាពោងសុវត្ថិភាពនោះ ចូលទឹកដោយប្រការណាមួយ វាក៏នៅតែដំណើរការដដែល ដោយមិនធ្វើឱ្យមនុស្សឆក់ ឬគ្រោះថ្នាក់ឡើយ។
នៅជំហានបន្ទាប់ យុវសិស្សទាំងពីរ នឹងស្រាវជ្រាវបន្ថែមដោយដាក់ប្រព័ន្ធមួយពេលឧបករណ៍នោះប៉ះទឹកវា និងមានចលនាទៅមុខដោយស្វ័យប្រវត្តិ និងប្រព័ន្ធបញ្ជាអាចបត់ឆ្វេងស្ដាំបាន។
វីវបុត្រ បញ្ជាក់យ៉ាងដូច្នេះថា៖«ឥឡូវនេះយើងស្រាវជ្រាវបានត្រឹមឱ្យវាអាចទៅមុខនឹងថយក្រោយបានព្រោះយើងមានពេលខ្លីស្រាវជ្រាវ។ ទៅមុខពួកខ្ញុំនឹងស្រាវជ្រាវបន្ថែម ដើម្បីដាក់ប្រព័ន្ធមួយគ្រាន់តែវាប៉ះត្រូវទឹកវាមានចលនាដោយខ្លួនឯង ហើយយើងធ្វើឱ្យវាបត់ឆ្វេងស្ដាំបាន»។
ការស្រាវជ្រាវពោងសុវត្ថិភាពនេះ ក៏ជាជ័យលាភី១ក្នុងចំណោមជ័យលាភី៦ក្រុម ដែលត្រូវទៅប្រកួតប្រជែងក្នុងកម្មវិធីAsean Student Science Project Competition 2018(ASPC) នៅប្រទេសថៃ នាថ្ងៃទី២១ ដល់២៧ ខែកក្កដា ឆ្នាំ២០១៨ខាងមុខ៕
អត្រាមនុស្សស្លាប់ដោយសារការលង់ទឹក ដែលមានរហូតដល់ទៅជាង៣៧២ពាន់នាក់ក្នុងមួយឆ្នាំនៅទូទាំងពិភពលោក គឺជារបាយការណ៍ដ៏រន្ធត់មួយសម្រាប់ ពិន ប្រាកដ។ យុវជនរូបនេះ ចង់ចូលរួមចំណែកកាត់បន្ថយគ្រោះថ្នាក់ទាំងនេះ តាមរយៈការស្រាវជ្រាវបង្កើតពោងសង្គ្រោះ ទំនើប។
ពិន ប្រាកដ បានបញ្ជាក់៖« ខ្ញុំបានឃើញឯកសាររបស់អង្គការសុខភាពពិភពលោក ខ្ញុំយល់ថាបញ្ហាការស្លាប់ដោយលង់ទឹកនេះ មិនសូវមានអ្នកយកចិត្តទុកដាក់ទេ ដូច្នេះទើបបានជាខ្ញុំស្រាវជ្រាវបង្កើតឧបករណ៍នេះ ដើម្បីអាចជួយកាត់បន្ថយការស្លាប់»។
ពិន ប្រាកដ បានអនុវត្តគម្រោងនេះ ជាមួយ ប៉ូ វីរបុត្រ ដែលជាមិត្តរួមថ្នាក់។ វីរបុត្រ បានលើកឡើងថា ការស្រាវជ្រាវពោងទំនើបនេះ ប្រើរយៈពេលពីរសប្ដាហ៍ ហើយវាត្រូវបានបំពាក់ដោយបច្ចេកវិទ្យាដើម្បីបញ្ជាពីចំងាយ។
យុវជនដែលស្រឡាញ់ការស្រាវជ្រាវផ្នែកវិទ្យាសាស្ត្រទាំងពីរ បានអះអាងថា ពោងសុវត្ថិភាពដែលពួកគេច្នៃប្រឌិត អាចធ្វើដំណើរដោយខ្លួនឯងទៅសង្គ្រោះមនុស្សទៅគ្រប់ទីកន្លែងដែលមនុស្សបញ្ជា។ បើសិនជាពោងសុវត្ថិភាពនោះ ចូលទឹកដោយប្រការណាមួយ វាក៏នៅតែដំណើរការដដែល ដោយមិនធ្វើឱ្យមនុស្សឆក់ ឬគ្រោះថ្នាក់ឡើយ។
នៅជំហានបន្ទាប់ យុវសិស្សទាំងពីរ នឹងស្រាវជ្រាវបន្ថែមដោយដាក់ប្រព័ន្ធមួយពេលឧបករណ៍នោះប៉ះទឹកវា និងមានចលនាទៅមុខដោយស្វ័យប្រវត្តិ និងប្រព័ន្ធបញ្ជាអាចបត់ឆ្វេងស្ដាំបាន។
វីវបុត្រ បញ្ជាក់យ៉ាងដូច្នេះថា៖«ឥឡូវនេះយើងស្រាវជ្រាវបានត្រឹមឱ្យវាអាចទៅមុខនឹងថយក្រោយបានព្រោះយើងមានពេលខ្លីស្រាវជ្រាវ។ ទៅមុខពួកខ្ញុំនឹងស្រាវជ្រាវបន្ថែម ដើម្បីដាក់ប្រព័ន្ធមួយគ្រាន់តែវាប៉ះត្រូវទឹកវាមានចលនាដោយខ្លួនឯង ហើយយើងធ្វើឱ្យវាបត់ឆ្វេងស្ដាំបាន»។
ការស្រាវជ្រាវពោងសុវត្ថិភាពនេះ ក៏ជាជ័យលាភី១ក្នុងចំណោមជ័យលាភី៦ក្រុម ដែលត្រូវទៅប្រកួតប្រជែងក្នុងកម្មវិធីAsean Student Science Project Competition 2018(ASPC) នៅប្រទេសថៃ នាថ្ងៃទី២១ ដល់២៧ ខែកក្កដា ឆ្នាំ២០១៨ខាងមុខ៕
Tag:
គំនិតច្នៃប្រឌិត
បច្ចេកវិទ្យា
ភ្នំពេញ
© រក្សាសិទ្ធិដោយ thmeythmey.com
