កីឡាជាតិ
ជាតិ
យុវជនកម្ពុជា ឡើងទៅវគ្គ១/២ផ្តាច់ព្រ័ត្រ ពានស្តេចព្រុយណេ ក្រោយឈ្នះសិង្ហបុរី ១-០
× ក្រុមកីឡាករយុវជនជម្រើសជាតិអាយុក្រោម២១ឆ្នាំកម្ពុជា បានឈានទៅវគ្គពាក់កណ្តាលផ្តាច់ព្រ័ត្រនៃពានរង្វាន់មិត្តភាព 2018 Hassanal Bolkiah Trophy ក្រោយឈ្នះសិង្ហបុរី ១-០ ។ លទ្ធផលនេះបានលុបលាងការខកចិត្ត ក្រោយចាញ់ឡាវ ២-១ នៅនាទីចុងក្រោយនាជំនួបកាលពីថ្ងៃទី២៨ ខែមេសា។
សុះ ស៊ូហាណា ដែលជាសមាសភាពកីឡាករលើសអាយុនៅក្នុងក្រុម បានស៊ុតបាល់បញ្ចូលទីនៅពាក់កណ្តាលតង់ទីមួយ ក្រោយបាល់ផ្លាតចេញពីដៃអ្នកចាំទីសិង្ហបុរី។ ស៊ូហាណា ក៏ជាអ្នកស៊ុតបាល់បញ្ចូលនាំមុខ នាជំនួបជាមួយឡាវផងដែរ ក្រោយកម្ពុជារបូតពីរគ្រាប់ជាបន្តបន្ទាប់វិញ។
ទោះបីជាយ៉ាងណាក៏ដោយ សិង្ហបុរី នៅតែជាក្រុមលេខមួយលើតារាងក្នុងពូល B ដោយសារតែពួកគេបានយកឈ្នះឡាវរហូតដល់ទៅ ៥-១ នាជំនួបបើកឆាក។
© រក្សាសិទ្ធិដោយ thmeythmey.com