ជាតិ
អ្នកប្រើប្រាស់សង្គម ប្រតិកម្មលើយុវតីម្នាក់ដែលបង្ហោះសកម្មភាពចំអិនសត្វព្រៃ
× អ្នកប្រើប្រាស់បណ្តាញសង្គមហ្វេសប៊ុកជាច្រើននាក់ បានទាមទារឲ្យអាជ្ញាធរ និងស្ថាប័នមានសមត្ថកិច្ច តាមស្រាវជ្រាវ លើ Youtube ដែលមានឈ្មោះថា Natural Life TV ដោយគណនីនេះ បង្ហោះពីសកម្មភាពយុវតីវ័យក្មេងម្នាក់យកសត្វព្រៃជាច្រើនប្រភេទទៅចម្អិនអាហារ។
បង្កើតឡើងតាំងពីខែសីហា ឆ្នាំ២០១៦ ប៉ុន្តែគណនី Youtube ដែលមាន Subscribers ជិត២ម៉ឺន [គិតត្រឹមថ្ងៃទី៩ ខែឧសភា ឆ្នាំ២០១៨] ទើបតែបង្ហោះឃ្លីបវីដេអូ ជាបន្តបន្ទាប់នារយៈពេល១ខែចុងក្រោយ។ Natural Life TV ដែលគេជឿថា បង្កើតឡើងដើម្បីរកចំណូលពី Youtube នេះ បានអះអាងថា ខ្លួនមានគោលដៅបង្ហាញពីជីវិតពិតនៅតាមព្រៃ និងបែបធម្មជាតិ។
ក្នុងចំណោមឃ្លីបវីដេអូជាង៣០ ឃ្លីបជាច្រើនបានបង្ហាញពីសកម្មភាពរបស់យុវតីនោះ យកសត្វព្រៃដែលងាប់ស្រាប់ យកទៅចំអិននៅកណ្តាលវាល ដោយមិនទាន់មានការអះអាងថា ជារូបភាពកាត់ត ឬសកម្មភាពពិតឬយ៉ាងណានោះឡើយ។ សម្រាប់អ្នកប្រើបណ្តាញសង្គម សកម្មភាពទាំងនេះ ពិតជាមិនអាចទទួលយកបាននោះឡើយ ពួកគេចង់ឃើញចំណាត់ឆាប់របស់អាជ្ញាធរ៕
© រក្សាសិទ្ធិដោយ thmeythmey.com