ជាតិ
សេដ្ឋកិច្ច
World Bank៖ សេដ្ឋកិច្ចកម្ពុជានៅបន្តកំណើនស្វាហាប់ តែត្រូវកែលម្អ និងប្រយ័ត្នហានិភ័យ
×![]()
ភ្នំពេញ៖ ធនាគាពិភពលោក (World Bank) អះអាងថា កំណើនសេដ្ឋកិច្ចរបស់កម្ពុជានៅតែបន្តរក្សាភាពស្វាហាប់ ក្នុងល្បឿន ៦,៩ភាគរយក្នុងឆ្នាំ២០១៨ ដោយសារតែការស្ទុះឡើងវិញក្នុងវិស័យនាំចេញវាយនភណ្ឌ និងសម្លៀកបំពាក់ អមដោយការងើបឡើងរបស់វិស័យទេសចរណ៍ និងកសិកម្ម។ ក្នុងឆ្នាំ២០១៧ កន្លងទៅ កំណើនសេដ្ឋកិច្ចកម្ពុជាត្រូវបានព្យាករ ៦,៨ ភាគរយ។
យោងតាមរបាយការណ៍បច្ចុប្បន្នភាពសេដ្ឋកិច្ចកម្ពុជា ដែលត្រូវបានចេញផ្សាយនៅថ្ងៃទី១០ខែឧសភានេះ ការចំណាយកាន់តែច្រើនឡើងរបស់រដ្ឋាភិបាល និងលក្ខខណ្ឌសេដ្ឋកិច្ចពិភពលោកមានភាពអំណោយផល ក្នុងនោះរួមមានតម្រូវការយ៉ាងស្វាហាប់ នៅក្នុងបណ្តាប្រទេសជឿនលឿងផង សុទ្ធតែជាកត្តាដែលត្រូវបានរំពឹងទុកថាជាមូលដ្ឋានទ្រទ្រង់កំណើនសេដ្ឋកិច្ចកម្ពុជា។
ប៉ុន្តែយ៉ាងណាក៏ដោយ ហានិភ័យនៅតែបន្តមាន។ ហានិភ័យទាំងនោះ រួមមាន ការបាត់បង់បន្តិចម្តងៗនូវភាពប្រកួតប្រជែងក្នុងការនាំចេញដោយសារតែការកើនឡើងយ៉ាងរហ័សនូវបៀវត្សរបស់កម្មករ, ភាពងាយរងគ្រោះនៅក្នុងកំណើននៃវិស័យអចលនទ្រព្យនិងសំណង់, ភាពមិនច្បាស់លាស់ដែលអាចកើតមានជុំវិញការបោះឆ្នោត, ភាពរញ្ជួយម្តងម្កាលនៃភាពតានតឹងខ្លាំងឡើង នៅក្នុងវិវាទពាណិជ្ជកម្មរវាងប្រទេស ដែលមានជំនួញធំៗក្នុងពិភពលោក។
លោកស្រី អ៊ិនហ្គូណា ដូប្រាចា នាយិកាគ្រប់គ្រងធនាគារពិភពលោកសម្រាប់ប្រទេសកម្ពុជា មានប្រសាសន៍ថា៖«ដើម្បីរក្សាឱ្យបានកំណើនសេដ្ឋកិច្ចរឹងមាំ ប្រទេសកម្ពុជា សំខាន់ណាស់ ត្រូវវិនិយោគថែមទៀតទៅលើវិស័យអប់រំ និងបណ្តុះបណ្តាលជំនាញ ហើយស្របពេលគ្នានោះដែរ ត្រូវប្រឹងរកដំណោះស្រាយដល់ឧបសគ្គនានាដែលធុរកិច្ចធុនតូចនិងមធ្យមកំពុងជួបប្រទះ»។
លោកស្រីបន្ថែមយ៉ាងនេះទៀតថា៖«ការវិនិយោគទៅលើធនធានមនុស្សជាជម្រើសដ៏ប្រសើរបំផុតសម្រាប់ឈានទៅកាន់អនាគតមួយកាន់តែចម្រុងចម្រើន»។
របាយការណ៍នេះបានធ្វើកត់សម្គាល់ថា ប្រទេសកម្ពុជាអាចធ្វើឱ្យកំណើនសេដ្ឋកិច្ចកាន់តែមានភាពចម្រុះជាងមុន និងបង្កើតការងារបានកាន់តែច្រើនថែមទៀត តាមរយៈការកាត់បន្ថយចំណាយរបស់ក្រុមហ៊ុនទៅលើដំណើរការបំពេញបែបបទបង្កើតក្រុមហ៊ុន និងទៅលើផ្នែកប្រតិបត្តិការ។
របាយការណ៍បានផ្ដល់អនុសាសន៍ឱ្យប្រទេសកម្ពុជា តាមឃ្លាំមើលឱ្យបានដិតដល់ទៅលើដំណើរស្ទុះឡើងនៅក្នុងវិស័យសំណង់ និងអចលនទ្រព្យ ដោយរៀបចំឱ្យមានគោលនយោបាយប្រុងប្រយ័ត្នជាលក្ខណៈម៉ាក្រូ។
ការមកដល់របស់ភ្ញៀវទេសចរបានកើនដល់ទៅ ១១,៨ភាគរយ នៅក្នុងឆ្នាំ២០១៧ ប្រៀបទៅនឹងកំណើន ៥ភាគរយនៅក្នុងឆ្នាំ២០១៦ ដោយសារលទ្ធផលនៃកិច្ចខិតខំរបស់អាជ្ញាធររដ្ឋាភិបាលក្នុងការធ្វើឱ្យមានការហោះហើរកាន់តែច្រើនមកពីក្នុងតំបន់ រួមទាំងពីប្រទេសចិនផង ដែលជាទីផ្សារសំខាន់មួយសម្រាប់វិស័យទេសចរណ៍។ វិស័យកសិកម្មក៏មានការស្ទុះឡើងដែរ ជាមួយនឹងការពង្រីកផ្ទៃដីធ្វើស្រូវ និងចម្ការកៅស៊ូ ព្រមទាំងការងើបឡើងវិញបន្តិចម្តងៗរបស់តម្លៃកសិផល។ នេះបើតាមរបាយការណ៍ខាងលើ៕
យោងតាមរបាយការណ៍បច្ចុប្បន្នភាពសេដ្ឋកិច្ចកម្ពុជា ដែលត្រូវបានចេញផ្សាយនៅថ្ងៃទី១០ខែឧសភានេះ ការចំណាយកាន់តែច្រើនឡើងរបស់រដ្ឋាភិបាល និងលក្ខខណ្ឌសេដ្ឋកិច្ចពិភពលោកមានភាពអំណោយផល ក្នុងនោះរួមមានតម្រូវការយ៉ាងស្វាហាប់ នៅក្នុងបណ្តាប្រទេសជឿនលឿងផង សុទ្ធតែជាកត្តាដែលត្រូវបានរំពឹងទុកថាជាមូលដ្ឋានទ្រទ្រង់កំណើនសេដ្ឋកិច្ចកម្ពុជា។
ប៉ុន្តែយ៉ាងណាក៏ដោយ ហានិភ័យនៅតែបន្តមាន។ ហានិភ័យទាំងនោះ រួមមាន ការបាត់បង់បន្តិចម្តងៗនូវភាពប្រកួតប្រជែងក្នុងការនាំចេញដោយសារតែការកើនឡើងយ៉ាងរហ័សនូវបៀវត្សរបស់កម្មករ, ភាពងាយរងគ្រោះនៅក្នុងកំណើននៃវិស័យអចលនទ្រព្យនិងសំណង់, ភាពមិនច្បាស់លាស់ដែលអាចកើតមានជុំវិញការបោះឆ្នោត, ភាពរញ្ជួយម្តងម្កាលនៃភាពតានតឹងខ្លាំងឡើង នៅក្នុងវិវាទពាណិជ្ជកម្មរវាងប្រទេស ដែលមានជំនួញធំៗក្នុងពិភពលោក។
លោកស្រី អ៊ិនហ្គូណា ដូប្រាចា នាយិកាគ្រប់គ្រងធនាគារពិភពលោកសម្រាប់ប្រទេសកម្ពុជា មានប្រសាសន៍ថា៖«ដើម្បីរក្សាឱ្យបានកំណើនសេដ្ឋកិច្ចរឹងមាំ ប្រទេសកម្ពុជា សំខាន់ណាស់ ត្រូវវិនិយោគថែមទៀតទៅលើវិស័យអប់រំ និងបណ្តុះបណ្តាលជំនាញ ហើយស្របពេលគ្នានោះដែរ ត្រូវប្រឹងរកដំណោះស្រាយដល់ឧបសគ្គនានាដែលធុរកិច្ចធុនតូចនិងមធ្យមកំពុងជួបប្រទះ»។
លោកស្រីបន្ថែមយ៉ាងនេះទៀតថា៖«ការវិនិយោគទៅលើធនធានមនុស្សជាជម្រើសដ៏ប្រសើរបំផុតសម្រាប់ឈានទៅកាន់អនាគតមួយកាន់តែចម្រុងចម្រើន»។
របាយការណ៍នេះបានធ្វើកត់សម្គាល់ថា ប្រទេសកម្ពុជាអាចធ្វើឱ្យកំណើនសេដ្ឋកិច្ចកាន់តែមានភាពចម្រុះជាងមុន និងបង្កើតការងារបានកាន់តែច្រើនថែមទៀត តាមរយៈការកាត់បន្ថយចំណាយរបស់ក្រុមហ៊ុនទៅលើដំណើរការបំពេញបែបបទបង្កើតក្រុមហ៊ុន និងទៅលើផ្នែកប្រតិបត្តិការ។
របាយការណ៍បានផ្ដល់អនុសាសន៍ឱ្យប្រទេសកម្ពុជា តាមឃ្លាំមើលឱ្យបានដិតដល់ទៅលើដំណើរស្ទុះឡើងនៅក្នុងវិស័យសំណង់ និងអចលនទ្រព្យ ដោយរៀបចំឱ្យមានគោលនយោបាយប្រុងប្រយ័ត្នជាលក្ខណៈម៉ាក្រូ។
ការមកដល់របស់ភ្ញៀវទេសចរបានកើនដល់ទៅ ១១,៨ភាគរយ នៅក្នុងឆ្នាំ២០១៧ ប្រៀបទៅនឹងកំណើន ៥ភាគរយនៅក្នុងឆ្នាំ២០១៦ ដោយសារលទ្ធផលនៃកិច្ចខិតខំរបស់អាជ្ញាធររដ្ឋាភិបាលក្នុងការធ្វើឱ្យមានការហោះហើរកាន់តែច្រើនមកពីក្នុងតំបន់ រួមទាំងពីប្រទេសចិនផង ដែលជាទីផ្សារសំខាន់មួយសម្រាប់វិស័យទេសចរណ៍។ វិស័យកសិកម្មក៏មានការស្ទុះឡើងដែរ ជាមួយនឹងការពង្រីកផ្ទៃដីធ្វើស្រូវ និងចម្ការកៅស៊ូ ព្រមទាំងការងើបឡើងវិញបន្តិចម្តងៗរបស់តម្លៃកសិផល។ នេះបើតាមរបាយការណ៍ខាងលើ៕
Tag:
GDP
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
