អន្តរជាតិ
មហាធៀ៖«ខ្ញុំអាចនឹងកាន់តំណែងនាយករដ្ឋមន្ត្រីចន្លោះពីមួយទៅពីរឆ្នាំ»
×![]()
ដោយ: ថ្មីៗ
នាយករដ្ឋមន្ត្រីម៉ាឡេស៊ីទើបជាប់ឆ្នោតលោក មហាធៀ មហាម៉ាត់ បានបញ្ជាក់ថា លោកអាចនឹងកាន់តំណែងនេះក្នុងរយៈពេលពីមួយទៅពីរឆ្នាំ។ លោកបន្ថែមថា ក្រោយពេលចេញពីតំណែង លោកក៏នៅរក្សាតួនាទីនៅពីក្រោយការដឹកនាំរបស់រដ្ឋាភិបាលផងដែរ។
ដូចការរំពឹងទុកមែន លោក មហាធៀ នឹងកាន់តំណែងនាយករដ្ឋមន្ត្រីយ៉ាងយូរបំផុតចន្លោះពីមួយឆ្នាំទៅពីរឆ្នាំប៉ុណ្ណោះ ដោយលោកនឹងមានពេលវេលាគ្រប់គ្រាន់ដោះស្រាយបញ្ហាចំពោះមុខដូចជាការបោសសម្អាតអំពើពុករលួយក្នុងស្ថាប័នរដ្ឋ។
ថ្លែងប្រាប់សន្និសីទមួយតាមវីដេអូរៀបចំដោយសារព័ត៌មាន Wall Street Journal លោក មហាធៀ បានបញ្ជាក់ដូច្នេះ៖« ជំហានដំបូង ខ្ញុំនឹងធ្វើជានាយករដ្ឋមន្ត្រីក្នុងរយៈពេលប្រហែលជាមានរយៈពេលមួយឆ្នាំ ឬពីរឆ្នាំ។ ក្រោយខ្ញុំចុះចេញពីតំណែង ខ្ញុំនឹងនៅមានតួនាទីមួយនៅពីក្រោយការដឹកនាំរដ្ឋាភិបាលដដែរ»។
តាមពិតទៅ ការកំណត់ពេលសម្រាប់លោក មហាធៀ កាន់អំណាចនេះត្រូវបានឯកភាពគ្នារវាងសម្ព័ន្ធបក្សប្រឆាំងតាំងពីមុនបោះឆ្នោតម្ល៉េះ។ យោងតាមសារព័ត៌មានអង់គ្លេស The Guardian សម្ព័ន្ធបក្សប្រឆាំង Pakatan Harapan បានបញ្ជាក់ថា លោក មហាធៀ នឹងនៅក្នុងតំណែងជានាយករដ្ឋមន្ត្រីសម្រាប់រយៈពេលយូរបំផុតពីរឆ្នាំ ។
ក្រៅពីសន្យាជួយដោះលែងលោក អាន់វ៉ា អ៊ីប្រាហ៊ីម កន្លងមក លោក មហាធៀ ធ្លាប់បានពន្យល់ដែរកាលពីដើមខែឧសភាថា ក្នុងនាមជាអតីតនាយករដ្ឋមន្ត្រី លោកសុំពេលដោះស្រាយបញ្ហាសំខាន់ៗមួយចំនួនសិនមុនចុះចេញ។
តាមពិតទៅរឿងសំខាន់ដែលរដ្ឋាភិបាលថ្មីរបស់លោក មហាធៀ ត្រូវធ្វើនោះគឺកែទ្រង់ស្ថាប័ននយោបាយ ដោះស្រាយបញ្ហាកង្វល់សង្គម និង ស្តារឡើងវិញនូវនីតិរដ្ឋដែលបាត់បង់អស់ជាច្រើនឆ្នាំក្នុងសង្គមម៉ាឡេស៊ីនេះ។ លោក មហាធៀ សន្យាទាមទារយកលុយរដ្ឋដែលត្រូវគេលួចក្រោមសំណុំរឿងពុករលួយ មូលនិធិ 1MDB និងកាត់ទោសអ្នកពាក់ព័ន្ធផងរួមទាំងនាយករដ្ឋមន្រី្ត ណាជីប រ៉ាហ្សាក់ បើសិនជារកឃើញថា មានកំហុសមែននោះ។
ពាក់ព័ន្ធនឹងការដោះលែងលោក អាន់វ៉ា អ៊ីប្រាហ៊ីម វិញនោះ លោក មហាធៀ បានប្រាប់អ្នកសារព័ត៌មានថា ក្រោយចាកចេញពីពន្ធនាគារ លោក អាន់វ៉ា នឹងស្វែងរកតំណែងសមាជិកសភា ហើយបន្ទាប់មកលោកប្រហែលជាអាចទទួលបានតំណែងក្នុងគណៈរដ្ឋមន្ត្រីថ្មីផង។ ប៉ុន្តែលោកនៅតែមានតួនាទីជាមេសម្ព័ន្ធបក្សប្រឆាំងដដែល។
តាមពិតទៅ លោក អាន់វ៉ា ធ្លាប់ជាអតីតឧបនាយករដ្ឋមន្ត្រីក្រោមអាណត្តិលោក មហាធៀ។ លោកត្រូវបានលោក មហាធៀ ដកតំណែងឆ្នាំ ១៩៩៨ ហើយក្រោយមកត្រូវបានគេចាប់ដាក់ពន្ធនាគារដោយសារបទល្មើសរួមភេទជាមួយមនុស្សប្រុសដូចគ្នាថែមទៀត។ លោកត្រូវបានគេចាប់ដាក់ពន្ធនាគារម្តងទៀតកាលពីឆ្នាំ ២០១៥ ដោយលោករងការចោទប្រកាន់ជាថ្មីពាក់ព័ន្ធការរួមភេទជាមួយមនុស្សប្រុសដូចគ្នាទៀត ពេលលោក ណាជីប ធ្វើជានាយករដ្ឋមន្ត្រី។ លោក អាន់វ៉ា ហៅការចាប់ខ្លួនលោកថាជារឿងនយោបាយសុទ្ធសាធ៕
ដូចការរំពឹងទុកមែន លោក មហាធៀ នឹងកាន់តំណែងនាយករដ្ឋមន្ត្រីយ៉ាងយូរបំផុតចន្លោះពីមួយឆ្នាំទៅពីរឆ្នាំប៉ុណ្ណោះ ដោយលោកនឹងមានពេលវេលាគ្រប់គ្រាន់ដោះស្រាយបញ្ហាចំពោះមុខដូចជាការបោសសម្អាតអំពើពុករលួយក្នុងស្ថាប័នរដ្ឋ។
ថ្លែងប្រាប់សន្និសីទមួយតាមវីដេអូរៀបចំដោយសារព័ត៌មាន Wall Street Journal លោក មហាធៀ បានបញ្ជាក់ដូច្នេះ៖« ជំហានដំបូង ខ្ញុំនឹងធ្វើជានាយករដ្ឋមន្ត្រីក្នុងរយៈពេលប្រហែលជាមានរយៈពេលមួយឆ្នាំ ឬពីរឆ្នាំ។ ក្រោយខ្ញុំចុះចេញពីតំណែង ខ្ញុំនឹងនៅមានតួនាទីមួយនៅពីក្រោយការដឹកនាំរដ្ឋាភិបាលដដែរ»។
តាមពិតទៅ ការកំណត់ពេលសម្រាប់លោក មហាធៀ កាន់អំណាចនេះត្រូវបានឯកភាពគ្នារវាងសម្ព័ន្ធបក្សប្រឆាំងតាំងពីមុនបោះឆ្នោតម្ល៉េះ។ យោងតាមសារព័ត៌មានអង់គ្លេស The Guardian សម្ព័ន្ធបក្សប្រឆាំង Pakatan Harapan បានបញ្ជាក់ថា លោក មហាធៀ នឹងនៅក្នុងតំណែងជានាយករដ្ឋមន្ត្រីសម្រាប់រយៈពេលយូរបំផុតពីរឆ្នាំ ។
ក្រៅពីសន្យាជួយដោះលែងលោក អាន់វ៉ា អ៊ីប្រាហ៊ីម កន្លងមក លោក មហាធៀ ធ្លាប់បានពន្យល់ដែរកាលពីដើមខែឧសភាថា ក្នុងនាមជាអតីតនាយករដ្ឋមន្ត្រី លោកសុំពេលដោះស្រាយបញ្ហាសំខាន់ៗមួយចំនួនសិនមុនចុះចេញ។
តាមពិតទៅរឿងសំខាន់ដែលរដ្ឋាភិបាលថ្មីរបស់លោក មហាធៀ ត្រូវធ្វើនោះគឺកែទ្រង់ស្ថាប័ននយោបាយ ដោះស្រាយបញ្ហាកង្វល់សង្គម និង ស្តារឡើងវិញនូវនីតិរដ្ឋដែលបាត់បង់អស់ជាច្រើនឆ្នាំក្នុងសង្គមម៉ាឡេស៊ីនេះ។ លោក មហាធៀ សន្យាទាមទារយកលុយរដ្ឋដែលត្រូវគេលួចក្រោមសំណុំរឿងពុករលួយ មូលនិធិ 1MDB និងកាត់ទោសអ្នកពាក់ព័ន្ធផងរួមទាំងនាយករដ្ឋមន្រី្ត ណាជីប រ៉ាហ្សាក់ បើសិនជារកឃើញថា មានកំហុសមែននោះ។
ពាក់ព័ន្ធនឹងការដោះលែងលោក អាន់វ៉ា អ៊ីប្រាហ៊ីម វិញនោះ លោក មហាធៀ បានប្រាប់អ្នកសារព័ត៌មានថា ក្រោយចាកចេញពីពន្ធនាគារ លោក អាន់វ៉ា នឹងស្វែងរកតំណែងសមាជិកសភា ហើយបន្ទាប់មកលោកប្រហែលជាអាចទទួលបានតំណែងក្នុងគណៈរដ្ឋមន្ត្រីថ្មីផង។ ប៉ុន្តែលោកនៅតែមានតួនាទីជាមេសម្ព័ន្ធបក្សប្រឆាំងដដែល។
តាមពិតទៅ លោក អាន់វ៉ា ធ្លាប់ជាអតីតឧបនាយករដ្ឋមន្ត្រីក្រោមអាណត្តិលោក មហាធៀ។ លោកត្រូវបានលោក មហាធៀ ដកតំណែងឆ្នាំ ១៩៩៨ ហើយក្រោយមកត្រូវបានគេចាប់ដាក់ពន្ធនាគារដោយសារបទល្មើសរួមភេទជាមួយមនុស្សប្រុសដូចគ្នាថែមទៀត។ លោកត្រូវបានគេចាប់ដាក់ពន្ធនាគារម្តងទៀតកាលពីឆ្នាំ ២០១៥ ដោយលោករងការចោទប្រកាន់ជាថ្មីពាក់ព័ន្ធការរួមភេទជាមួយមនុស្សប្រុសដូចគ្នាទៀត ពេលលោក ណាជីប ធ្វើជានាយករដ្ឋមន្ត្រី។ លោក អាន់វ៉ា ហៅការចាប់ខ្លួនលោកថាជារឿងនយោបាយសុទ្ធសាធ៕
Tag:
មហាធៀ មហាម៉ាត់
ម៉ាឡេស៊ី
អាន់វ៉ា អ៊ីប្រាហ៊ីម
© រក្សាសិទ្ធិដោយ thmeythmey.com
