អន្តរជាតិ
មុនជំនួបត្រាំ-គីម អាមេរិកបញ្ជូននាវាពិឃាតទៅជប៉ុនដើម្បីពង្រឹងប្រព័ន្ធការពារមីស៊ីល
នាវាពិឃាត USS Milius ទៅដល់ជប៉ុន (រូបភាព Reuters)
×![]()
ដោយ: តន ចាន់រិទ្ធារ៉ា
នាវាពិឃាត USS Milius នៃកងទ័ពជើងទឹកអាមេរិក បានទៅដល់ជប៉ុននៅថ្ងៃទី២២ ខែឧសភា ដែលជាផ្នែកមួយនៃការពង្រឹងសមត្ថភាពប្រព័ន្ធការពារប្រឆាំងមីស៊ីលបាលីស្ទិក។ នាវាពិឃាតនេះបំពាក់ដោយមីស៊ីលប្រដេញស៊េរីទំនើបបំផុតក្នុងជួរទ័ពអាមេរិក។ ការសម្ញែងនាវាពិឃាតនេះ ធ្វើឡើងបីសប្ដាហ៍មុនជំនួបរវាងប្រធានាធិបតីអាមេរិក ដូណាល់ ត្រាំ និងមេដឹកនាំកូរ៉េខាងជើង គីម ជុងអ៊ុន នៅសិង្ហបុរីនៅខែក្រោយ។
ក្នុងន័យពង្រឹងសមត្ថភាពការពារខ្លួនក្នុងករណីមានការវាយប្រហារពីកូរ៉េខាងជើង ឬប្រទេសផ្សេងនៅអាស៊ីខាងកើត អាមេរិកបានបញ្ជូននាវាពិឃាត USS Milius ទៅកាន់ជប៉ុននៅថ្ងៃទី២២ ខែឧសភាដើម្បីបង្កើនសមត្ថភាពនៃប្រព័ន្ធការពារមីស៊ីលរបស់ខ្លួន។ នាវា USS Milius បានចូលចតនៅមូលដ្ឋាទ័ពជើងទឹកនៅ Yokosuka ។ នេះបើតាមការផ្សាយរបស់ទីភ្នាក់ងារព័ត៌មាន Reuters ដែលបន្តថា នាវានេះ និងនាវាមានស្រាប់នៅជប៉ុន នឹងក្លាយជាខែលការពារជួរមុខរបស់អាមេរិក។
វត្តមាននាវាពិឃាតដែលបំពាក់មីស៊ីលទំនើបមួយនេះ ជាការរំឭកពីសម្ពាធយោធាសម្រាប់កូរ៉េខាងជើង ស្របពេលដែលអាមេរិកកំពុងដាក់សម្ពាធឲ្យបោះបង់កម្មវិធីនុយក្លេអ៊ែរ និងមីស៊ីលបាលីស្ទិក។ តាមប្រភពព័ត៌មានខាងលើ កងទ័ពជើងទឹកអាមេរិកនិយាយថា នាវា USS Milius នឹងជួយពង្រឹងសន្តិសុខ និងស្ថិរភាពនៅឥណ្ឌូ-ប៉ាស៊ីហ្វិកតាមរយៈការបង្កើនសមត្ថភាពប្រឆាំងមីស៊ីល ដោយដើរតួជាប្រព័ន្ធការពារមីស៊ីលបាលីស្ទិក។
ការទៅដល់មូលដ្ឋាន Yokosuka ដែលជាទីស្នាក់ការកងនាវាចរណ៍ទី៧ ពេលនេះ កើតឡើងបីសប្ដាហ៍មុនលោក ដូណាល់ ត្រាំ ជួបលោក គីម ជុងអ៊ុន នៅថ្ងៃទី១២ ខែមិថុនា នៅឯសិង្ហបុរី។ ប៉ុន្តែស្ថានការណ៍ចុងក្រោយនៅឧបទ្វីបកូរ៉េបានធ្វើឲ្យជំនួបលើកដំបូងរវាងមេដឹកនាំអាមេរិក និងកូរ៉េខាងជើងស្ថិតក្នុងស្ថានភាពមិនច្បាស់លាស់ទៅវិញ។ កូរ៉េខាងជើងបានគំរាមពិចារណាជំនួបនេះឡើងវិញ បន្ទាប់ពីលុបចោលជំនួបថ្នាក់ខ្ពស់មួយជាមួយកូរ៉េខាងត្បូងកាលពីសប្ដាហ៍មុន។
របបក្រុងព្យុងយ៉ាងគំរាមលុបចោលជំនួបសំខាន់នេះ ព្រោះមិនពេញចិត្តសមយុទ្ធផ្លូវអាកាសរវាងយោធាអាមេរិក និងកូរ៉េខាងត្បូង ដោយចាត់ទុកជាការបង្កហេតុ និងជាការត្រៀមខ្លួនឈ្លានពានកូរ៉េខាងជើង។ លើសពីនោះ ក្រុងព្យុងយ៉ាងក៏មិនសប្បាយចិត្តលក្ខខណ្ឌឯកតោភាគីរបស់ក្រុងវ៉ាស៊ីនតោនដែលចង់ឲ្យខ្លួនបោះបង់នុយក្លេអ៊ែរ។ តាំងពីដើមមក ព្យុងយ៉ាងចាត់ទុកនុយក្លេអ៊ែរ និងមីស៊ីលបាលីស្ទិកជាខែលការពារនយោបាយអរិភាពរបស់វ៉ាស៊ីនតោនដែរ។
ចំណែកឯលោក ត្រាំ បានសន្យាធ្វើសម្បទានផង និងគំរាមលោក គីម ជុងអ៊ុនផង។ លោក ត្រាំ បានសន្យារក្សាអំណាចរបស់លោក គីម នៅកូរ៉េខាងជើងដដែល បើយល់ព្រមបោះបង់នុយក្លេអ៊ែររបស់ខ្លួនក្នុងជំនួបនៅសិង្ហបុរីនោះ។ នៅមុននេះ រដ្ឋមន្ត្រីការបរទេសអាមេរិកក៏សន្យាជួយឲ្យកូរ៉េខាងជើងមានសេដ្ឋកិច្ចរីកចម្រើនផង។ យ៉ាងណាលោក ត្រាំ ក៏ព្រមានដែរថា អាមេរិកនឹងទម្លាក់លោក គីម បើនៅតែឱបនុយក្លេអ៊ែរនោះ៕
ក្នុងន័យពង្រឹងសមត្ថភាពការពារខ្លួនក្នុងករណីមានការវាយប្រហារពីកូរ៉េខាងជើង ឬប្រទេសផ្សេងនៅអាស៊ីខាងកើត អាមេរិកបានបញ្ជូននាវាពិឃាត USS Milius ទៅកាន់ជប៉ុននៅថ្ងៃទី២២ ខែឧសភាដើម្បីបង្កើនសមត្ថភាពនៃប្រព័ន្ធការពារមីស៊ីលរបស់ខ្លួន។ នាវា USS Milius បានចូលចតនៅមូលដ្ឋាទ័ពជើងទឹកនៅ Yokosuka ។ នេះបើតាមការផ្សាយរបស់ទីភ្នាក់ងារព័ត៌មាន Reuters ដែលបន្តថា នាវានេះ និងនាវាមានស្រាប់នៅជប៉ុន នឹងក្លាយជាខែលការពារជួរមុខរបស់អាមេរិក។
វត្តមាននាវាពិឃាតដែលបំពាក់មីស៊ីលទំនើបមួយនេះ ជាការរំឭកពីសម្ពាធយោធាសម្រាប់កូរ៉េខាងជើង ស្របពេលដែលអាមេរិកកំពុងដាក់សម្ពាធឲ្យបោះបង់កម្មវិធីនុយក្លេអ៊ែរ និងមីស៊ីលបាលីស្ទិក។ តាមប្រភពព័ត៌មានខាងលើ កងទ័ពជើងទឹកអាមេរិកនិយាយថា នាវា USS Milius នឹងជួយពង្រឹងសន្តិសុខ និងស្ថិរភាពនៅឥណ្ឌូ-ប៉ាស៊ីហ្វិកតាមរយៈការបង្កើនសមត្ថភាពប្រឆាំងមីស៊ីល ដោយដើរតួជាប្រព័ន្ធការពារមីស៊ីលបាលីស្ទិក។
ការទៅដល់មូលដ្ឋាន Yokosuka ដែលជាទីស្នាក់ការកងនាវាចរណ៍ទី៧ ពេលនេះ កើតឡើងបីសប្ដាហ៍មុនលោក ដូណាល់ ត្រាំ ជួបលោក គីម ជុងអ៊ុន នៅថ្ងៃទី១២ ខែមិថុនា នៅឯសិង្ហបុរី។ ប៉ុន្តែស្ថានការណ៍ចុងក្រោយនៅឧបទ្វីបកូរ៉េបានធ្វើឲ្យជំនួបលើកដំបូងរវាងមេដឹកនាំអាមេរិក និងកូរ៉េខាងជើងស្ថិតក្នុងស្ថានភាពមិនច្បាស់លាស់ទៅវិញ។ កូរ៉េខាងជើងបានគំរាមពិចារណាជំនួបនេះឡើងវិញ បន្ទាប់ពីលុបចោលជំនួបថ្នាក់ខ្ពស់មួយជាមួយកូរ៉េខាងត្បូងកាលពីសប្ដាហ៍មុន។
របបក្រុងព្យុងយ៉ាងគំរាមលុបចោលជំនួបសំខាន់នេះ ព្រោះមិនពេញចិត្តសមយុទ្ធផ្លូវអាកាសរវាងយោធាអាមេរិក និងកូរ៉េខាងត្បូង ដោយចាត់ទុកជាការបង្កហេតុ និងជាការត្រៀមខ្លួនឈ្លានពានកូរ៉េខាងជើង។ លើសពីនោះ ក្រុងព្យុងយ៉ាងក៏មិនសប្បាយចិត្តលក្ខខណ្ឌឯកតោភាគីរបស់ក្រុងវ៉ាស៊ីនតោនដែលចង់ឲ្យខ្លួនបោះបង់នុយក្លេអ៊ែរ។ តាំងពីដើមមក ព្យុងយ៉ាងចាត់ទុកនុយក្លេអ៊ែរ និងមីស៊ីលបាលីស្ទិកជាខែលការពារនយោបាយអរិភាពរបស់វ៉ាស៊ីនតោនដែរ។
ចំណែកឯលោក ត្រាំ បានសន្យាធ្វើសម្បទានផង និងគំរាមលោក គីម ជុងអ៊ុនផង។ លោក ត្រាំ បានសន្យារក្សាអំណាចរបស់លោក គីម នៅកូរ៉េខាងជើងដដែល បើយល់ព្រមបោះបង់នុយក្លេអ៊ែររបស់ខ្លួនក្នុងជំនួបនៅសិង្ហបុរីនោះ។ នៅមុននេះ រដ្ឋមន្ត្រីការបរទេសអាមេរិកក៏សន្យាជួយឲ្យកូរ៉េខាងជើងមានសេដ្ឋកិច្ចរីកចម្រើនផង។ យ៉ាងណាលោក ត្រាំ ក៏ព្រមានដែរថា អាមេរិកនឹងទម្លាក់លោក គីម បើនៅតែឱបនុយក្លេអ៊ែរនោះ៕
Tag:
អាមេរិក
ជប៉ុន
កូរ៉េខាងជើង
© រក្សាសិទ្ធិដោយ thmeythmey.com
