កីឡាអន្តរជាតិ
អន្តរជាតិ
Alba បន់ឲ្យ Liverpool ផ្តួល Real Madrid លើកពាន Champions League
× Jordi Alba ខ្សែការពារឆ្វេងរបស់ Barcelona និយាយដោយស្មោះអស់ពីចិត្តអំពីក្រុមដែលរូបគេពេញចិត្តនៅវគ្គផ្ដាច់ព្រ័ត្រ UEFA Champions League ថា៖«ខ្ញុំចង់ឲ្យ Liverpool ឈ្នះ»។
Liverpool នឹងត្រូវជួបជាមួយក្រុមម្ចាស់ការពារតំណែងជើងឯក Real Madrid នៅទីក្រុងកៀរប្រទេសអ៊ុយក្រែន ដើម្បីប្រជែងពានលំដាប់កំពូលអឺរ៉ុបក្នុងវគ្គផ្តាច់ព្រ័ត្រ នៅរាត្រីថ្ងៃទី២៧ ខែឧសភាចុងសប្តាហ៍នេះ វេលាម៉ោង ១:៤៥នាទី [ម៉ោងនៅកម្ពុជា] ។
បើតាមការផ្សាយរបស់ Barca Blaugranes ខ្សែការពារសញ្ជាតិអេស្ប៉ាញបាននិយាយថា៖«ខ្ញុំ និងអ្នកគាំទ្ររបស់ Barça ទាំងអស់ចង់ឲ្យ Real Madrid បរាជ័យ ដូចគ្នានឹងរាល់កីឡាករទាំងអស់របស់ Real ដែលចង់ឲ្យ Barça ចាញ់ដែរ។ នេះជាច្បាប់ធម្មជាតិហើយវាគួរតែអាចកើតឡើង»។
Alba ដែលជាប់ក្នុងសមាសភាព ២៣នាក់របស់ជម្រើសជាតិអេស្ប៉ាញទៅកាន់ការប្រកួត World Cup ខែក្រោយនេះ បានបញ្ចេញពាក្សសម្តីដឺដងគូប្រជែង Real Madrid បើទោះជាក្រុមនេះសម្បូរទៅដោយមិត្តរួមជាតិជាច្រើនក៏ដោយ។
«ខ្ញុំនឹងមើលការប្រកួតវគ្គផ្តាច់ព្រ័ត្រ ហើយខ្ញុំសង្ឃឹមថាជ័យលាភីគឺបានទៅ Liverpool»។ អតីតសមាជិក Valencia វ័យ២៩ឆ្នាំបន្ថែមដូច្នេះ។
ទោះបីជាយ៉ាងណាក៏ដោយ Alba ទទួលស្គាល់ថាកីឡាករមិត្តរួមជាតិជាច្រើនរបស់ខ្លួនលេងឲ្យក្រុមអធិរាជសនាពេលច្ចុប្បន្ននេះ ប៉ុន្តែទំនាក់ទំនងរបស់ពួកយើងសម្រាប់ក្រុមជម្រើសជាតិគឺល្អណាស់៕
Tag:
បាល់ទាត់
Jordi Alba
UEFA Champions League
Liverpool
Real Madrid
© រក្សាសិទ្ធិដោយ thmeythmey.com