កីឡាជាតិ
ជាតិ
សម្តេច ហ៊ុន សែន ដុតភ្លើងគប់បើកព្រឹត្តិការណ៍កីឡាជាតិលើកទី២ល្ងាចនេះ
×![]()
សម្តេចនាយករដ្ឋមន្ត្រី ហ៊ុន សែន និងសម្តេច ប៊ុន រ៉ានី នឹងធ្វើជាអធិបតីក្នុងពិធីបើកព្រឹត្តិការណ៍កីឡាជាតិលើកទី២នាល្ងាចថ្ងៃទី២៥ ឧសភានេះ នៅពហុកីឡដ្ឋានជាតិ។ ក្នុងឱកាសនោះ សម្តេច ហ៊ុន សែន នឹងដុតបំភ្លឺគប់បើកការប្រកួតកីឡាជាតិជាផ្លូវការទៀតផង។
សម្តេចនាយករដ្ឋមន្ត្រី ហ៊ុន សែន នឹងទទួលភ្លើងគប់ពីកីឡាការិនី ស៊ន សៀវម៉ី ម្ចាស់មេដាយមាស Asian Games ដើម្បីដុតបំភ្លឺគប់បើកការប្រកួតកីឡាជាតិលើកទី២នៅល្ងាចថ្ងៃទី២៥ ឧសភានាពហុកីឡដ្ឋានជាតិ ពេលប្រមុខដឹកនាំរាជរដ្ឋាភិបាលកម្ពុជានិងភរិយាធ្វើជាអធីបតីក្នុងពិធីនេះ។
ពិធីរត់ភ្លើងគប់បើកព្រឹត្តិការណ៍កីឡាជាតិលើកទី២ឆ្នាំនេះ កីឡាករ ឃីម ឌីម៉ា ម្ចាស់មេដាយមាសស៊ីហ្គេមកីឡាគុនខ្មែរនឹងទទួលភ្លើងគប់ពីព្រះមហាក្សត្រ ព្រះករុណា ព្រះបាទបរមនាថ នរោត្តម សីហមុនី នៅកើយខាងមុខព្រះទីនាំងទេវាវិន្និច្ឆ័យព្រះបរមរាជវាំង។ បន្ទាប់មក ឌីម៉ា នឹងប្រគល់ជូនកីឡាករ និងអតីតកីឡាករឆ្នើមកម្ពុជាជាបន្តបន្ទាប់ ដើម្បីដង្ហែមកកាន់ពហុកីឡដ្ឋានជាតិ ជាកន្លែងប្រារព្ធពិធីបើកកីឡាជាតិឆ្នាំនេះ។
ការរត់ភ្លើងគប់ចេញដំណើរពីព្រះបរមរាជវាំងកាត់តាមផ្លូវមួយចំនួនមុខសួនច្បារវត្តបុទុមឆ្ពោះទៅកាន់វិមានឯករាជ រួចហើយបន្តដំណើរតាមមហាវិថីព្រះនរោត្តមទៅកាន់វត្តភ្នំ។ បន្ទាប់មកចេញពីវត្តភ្នំឡើងទៅកាន់ផ្លូវមុនីវង្ស ដើម្បីបន្តដំណើរទៅកាន់ស្តុបកាណាឌីយ៉ាបត់ឡើងទៅតាមផ្លូវសហព័ន្ធរុស្ស៊ីកាត់តាមទីស្តីការគណៈរដ្ឋមន្ត្រី ដើម្បីបត់ឡើងទៅកាន់ស្តុបនាងគង្ហីង។ បន្ទាប់មកបត់តាមផ្លូវមុនីរ៉េតឆ្ពោះទៅកាន់ពហុកីឡដ្ឋានជាតិតែម្តង។
ក្រៅពីពិធីរត់ភ្លើងគប់ ក៏មានការសម្តែងក្បាច់គុនរបស់ក្រុមល្បុក្កតោ តេក្វាន់ដូ ITF និង WTF ការសម្តែងកាយសមស្របរបស់គរុសិស្សកីឡា ការសម្តែងទស្សនីយភាព«យើងខ្មែរ»របស់ ស.ស.យ.ក ការប្រគំតន្ត្រីដែលមានការចូលរួមពីលោក ព្រាប សុវត្ថិ និងកញ្ញា មាស សុខសោភា ការសម្តែងភ្លើងឡាស៊ែរជារូបភាពដែលរៀបចំដោយអ្នកជំនាញ និងការបាញ់កាំជ្រួច៕
សម្តេចនាយករដ្ឋមន្ត្រី ហ៊ុន សែន នឹងទទួលភ្លើងគប់ពីកីឡាការិនី ស៊ន សៀវម៉ី ម្ចាស់មេដាយមាស Asian Games ដើម្បីដុតបំភ្លឺគប់បើកការប្រកួតកីឡាជាតិលើកទី២នៅល្ងាចថ្ងៃទី២៥ ឧសភានាពហុកីឡដ្ឋានជាតិ ពេលប្រមុខដឹកនាំរាជរដ្ឋាភិបាលកម្ពុជានិងភរិយាធ្វើជាអធីបតីក្នុងពិធីនេះ។
ពិធីរត់ភ្លើងគប់បើកព្រឹត្តិការណ៍កីឡាជាតិលើកទី២ឆ្នាំនេះ កីឡាករ ឃីម ឌីម៉ា ម្ចាស់មេដាយមាសស៊ីហ្គេមកីឡាគុនខ្មែរនឹងទទួលភ្លើងគប់ពីព្រះមហាក្សត្រ ព្រះករុណា ព្រះបាទបរមនាថ នរោត្តម សីហមុនី នៅកើយខាងមុខព្រះទីនាំងទេវាវិន្និច្ឆ័យព្រះបរមរាជវាំង។ បន្ទាប់មក ឌីម៉ា នឹងប្រគល់ជូនកីឡាករ និងអតីតកីឡាករឆ្នើមកម្ពុជាជាបន្តបន្ទាប់ ដើម្បីដង្ហែមកកាន់ពហុកីឡដ្ឋានជាតិ ជាកន្លែងប្រារព្ធពិធីបើកកីឡាជាតិឆ្នាំនេះ។
ការរត់ភ្លើងគប់ចេញដំណើរពីព្រះបរមរាជវាំងកាត់តាមផ្លូវមួយចំនួនមុខសួនច្បារវត្តបុទុមឆ្ពោះទៅកាន់វិមានឯករាជ រួចហើយបន្តដំណើរតាមមហាវិថីព្រះនរោត្តមទៅកាន់វត្តភ្នំ។ បន្ទាប់មកចេញពីវត្តភ្នំឡើងទៅកាន់ផ្លូវមុនីវង្ស ដើម្បីបន្តដំណើរទៅកាន់ស្តុបកាណាឌីយ៉ាបត់ឡើងទៅតាមផ្លូវសហព័ន្ធរុស្ស៊ីកាត់តាមទីស្តីការគណៈរដ្ឋមន្ត្រី ដើម្បីបត់ឡើងទៅកាន់ស្តុបនាងគង្ហីង។ បន្ទាប់មកបត់តាមផ្លូវមុនីរ៉េតឆ្ពោះទៅកាន់ពហុកីឡដ្ឋានជាតិតែម្តង។
ក្រៅពីពិធីរត់ភ្លើងគប់ ក៏មានការសម្តែងក្បាច់គុនរបស់ក្រុមល្បុក្កតោ តេក្វាន់ដូ ITF និង WTF ការសម្តែងកាយសមស្របរបស់គរុសិស្សកីឡា ការសម្តែងទស្សនីយភាព«យើងខ្មែរ»របស់ ស.ស.យ.ក ការប្រគំតន្ត្រីដែលមានការចូលរួមពីលោក ព្រាប សុវត្ថិ និងកញ្ញា មាស សុខសោភា ការសម្តែងភ្លើងឡាស៊ែរជារូបភាពដែលរៀបចំដោយអ្នកជំនាញ និងការបាញ់កាំជ្រួច៕
Tag:
ហ៊ុន សែន
កីឡាជាតិលើកទី២
National Games
© រក្សាសិទ្ធិដោយ thmeythmey.com
