អន្តរជាតិ
ចិននិងជប៉ុនជំទាស់ការស៊ើបអង្កេតរបស់សហរដ្ឋអាមេរិកពាក់ព័ន្ធនឹងលទ្ធភាពបន្ថែមពន្ធលើរថយន្តនាំចូល
×![]()
ដោយ: VOA
ប្រទេសចិននិងជប៉ុនរិះគន់ការសម្រេចចិត្តរបស់លោកប្រធានាធិបតី Donald Trump ចំពោះការស្នើឲ្យមានការស៊ើបអង្កេតអំពីផលប៉ះពាល់នៃការនាំចូលរថយន្តលើសន្តិសុខជាតិសហរដ្ឋអាមេរិក។
លោក Gao Feng អ្នកនាំពាក្យក្រសួងពាណិជ្ជកម្មចិនបានប្រាប់ក្រុមអ្នកសារព័ត៌មាននៅថ្ងៃព្រហស្បតិ៍នេះថា ការចោទពីការរំលោភបំពានលើសន្តិសុខជាតិនេះនឹងធ្វើឲ្យប៉ះពាល់ដល់ប្រព័ន្ធពាណិជ្ជកម្មពហុភាគី ក៏ដូចជាធ្វើឲ្យរំខានដល់ការធ្វើពាណិជ្ជកម្មអន្តរជាតិទូទៅផងដែរ។
លោកHiroshige Seko រដ្ឋមន្ត្រីពាណិជ្ជកម្មជប៉ុនបានមានប្រសាសន៍ថា ប្រសិនបើការស៊ើបអង្កេតរបស់សហរដ្ឋអាមេរិកបណ្តាលឲ្យមានអាត្រាពន្ធថ្មី នោះវានឹងបង្កឲ្យមានភាពចលាចលនៅក្នុងទីផ្សារសកលលោក។
លោក Trump បានសម្រេចយកពន្ធគយចំនួន២៥ភាគរយលើការនាំចូលដែកថែប និង១០ភាគរយលើការនាំចូលអាលុយមីញ៉ូម ដោយផ្អែកលើបញ្ហាសន្តិសុខជាតិនេះ។
លោក Trump បាននិយាយនៅក្នុងសេចក្តីថ្លែងការណ៍មួយកាលពីថ្ងៃពុធ បន្ទាប់ពីជំនួបជាមួយលោករដ្ឋមន្ត្រីក្រសួងពាណិជ្ជកម្មសហរដ្ឋអាមេរិក Wilbur Rossថា «ខ្ញុំបានស្នើឲ្យលោករដ្ឋមន្ត្រី Ross ពិចារណាអំពីការស៊ើបអង្កេតលើចំណុចទី២៣២
នៃការនាំចូលរថយន្ត រួមទាំងរថយន្តធំៗ និងគ្រឿងបន្លាស់ផងដែរ ដើម្បីកំណត់ពីផលប៉ះពាល់របស់ទំនិញទាំងនោះទៅលើសន្តិសុខជាតិសហរដ្ឋអាមេរិក»។
លោក Trump កំពុងស្នើឲ្យយកពន្ធគយចំនួន២៥ភាគរយលើការនាំចូលរថយន្ត។ លោក Trump ដែលបានសន្យាថានឹងស្តារផលិតកម្មសហរដ្ឋអាមេរិកឡើងវិញនោះ បានចាប់ផ្តើមចាត់វិធានការណ៍ជាច្រើនលើវិស័យពាណិជ្ជកម្ម ដោយទាមទារឲ្យប្រទេសចិននាំចូលទំនិញអាមេរិកបន្ថែមទៀត ធ្វើការចរចាឡើងវិញអំពីកិច្ចព្រមព្រៀង NAFTA និងបានយកពន្ធគយលើការនាំចូលថែកនិងអាលុយមីញ៉ូមជាដើម។
លោក Trump កាលពីថ្ងៃពុធបានបង្ហោះសារថា «នឹងមានព័ត៌មានដ៏ភ្ញាក់ផ្អើលសម្រាប់កម្មកររោងចក្រផលិតរថយន្តអាមេរិកាំង។ បន្ទាប់ពីបាត់បង់ការងារជាច្រើនក្នុងប្រទេសអស់រយៈពេលរាប់ទសវត្សរ៍មកនេះ អ្នកទាំងអស់គ្នារង់ចាំយូរពេកហើយ»។
ប្រទេសសំខាន់ៗចំនួន៥ដែលនាំចូលរថយន្តមកក្នុងសហរដ្ឋអាមេរិកមានដូចជា ប្រទេសម៉ិកស៊ីក កាណាដា សហភាពអ៊ឺរ៉ុប ជប៉ុន និងកូរ៉េខាងត្បូង៕
សូមចុចទៅប្រភពដើម VOA ត្រង់នេះ
លោក Gao Feng អ្នកនាំពាក្យក្រសួងពាណិជ្ជកម្មចិនបានប្រាប់ក្រុមអ្នកសារព័ត៌មាននៅថ្ងៃព្រហស្បតិ៍នេះថា ការចោទពីការរំលោភបំពានលើសន្តិសុខជាតិនេះនឹងធ្វើឲ្យប៉ះពាល់ដល់ប្រព័ន្ធពាណិជ្ជកម្មពហុភាគី ក៏ដូចជាធ្វើឲ្យរំខានដល់ការធ្វើពាណិជ្ជកម្មអន្តរជាតិទូទៅផងដែរ។
លោកHiroshige Seko រដ្ឋមន្ត្រីពាណិជ្ជកម្មជប៉ុនបានមានប្រសាសន៍ថា ប្រសិនបើការស៊ើបអង្កេតរបស់សហរដ្ឋអាមេរិកបណ្តាលឲ្យមានអាត្រាពន្ធថ្មី នោះវានឹងបង្កឲ្យមានភាពចលាចលនៅក្នុងទីផ្សារសកលលោក។
លោក Trump បានសម្រេចយកពន្ធគយចំនួន២៥ភាគរយលើការនាំចូលដែកថែប និង១០ភាគរយលើការនាំចូលអាលុយមីញ៉ូម ដោយផ្អែកលើបញ្ហាសន្តិសុខជាតិនេះ។
លោក Trump បាននិយាយនៅក្នុងសេចក្តីថ្លែងការណ៍មួយកាលពីថ្ងៃពុធ បន្ទាប់ពីជំនួបជាមួយលោករដ្ឋមន្ត្រីក្រសួងពាណិជ្ជកម្មសហរដ្ឋអាមេរិក Wilbur Rossថា «ខ្ញុំបានស្នើឲ្យលោករដ្ឋមន្ត្រី Ross ពិចារណាអំពីការស៊ើបអង្កេតលើចំណុចទី២៣២
នៃការនាំចូលរថយន្ត រួមទាំងរថយន្តធំៗ និងគ្រឿងបន្លាស់ផងដែរ ដើម្បីកំណត់ពីផលប៉ះពាល់របស់ទំនិញទាំងនោះទៅលើសន្តិសុខជាតិសហរដ្ឋអាមេរិក»។
លោក Trump កំពុងស្នើឲ្យយកពន្ធគយចំនួន២៥ភាគរយលើការនាំចូលរថយន្ត។ លោក Trump ដែលបានសន្យាថានឹងស្តារផលិតកម្មសហរដ្ឋអាមេរិកឡើងវិញនោះ បានចាប់ផ្តើមចាត់វិធានការណ៍ជាច្រើនលើវិស័យពាណិជ្ជកម្ម ដោយទាមទារឲ្យប្រទេសចិននាំចូលទំនិញអាមេរិកបន្ថែមទៀត ធ្វើការចរចាឡើងវិញអំពីកិច្ចព្រមព្រៀង NAFTA និងបានយកពន្ធគយលើការនាំចូលថែកនិងអាលុយមីញ៉ូមជាដើម។
លោក Trump កាលពីថ្ងៃពុធបានបង្ហោះសារថា «នឹងមានព័ត៌មានដ៏ភ្ញាក់ផ្អើលសម្រាប់កម្មកររោងចក្រផលិតរថយន្តអាមេរិកាំង។ បន្ទាប់ពីបាត់បង់ការងារជាច្រើនក្នុងប្រទេសអស់រយៈពេលរាប់ទសវត្សរ៍មកនេះ អ្នកទាំងអស់គ្នារង់ចាំយូរពេកហើយ»។
ប្រទេសសំខាន់ៗចំនួន៥ដែលនាំចូលរថយន្តមកក្នុងសហរដ្ឋអាមេរិកមានដូចជា ប្រទេសម៉ិកស៊ីក កាណាដា សហភាពអ៊ឺរ៉ុប ជប៉ុន និងកូរ៉េខាងត្បូង៕
សូមចុចទៅប្រភពដើម VOA ត្រង់នេះ
© រក្សាសិទ្ធិដោយ thmeythmey.com
