អន្តរជាតិ
ត្រាំ ថា អាមេរិកនិងកូរ៉េខាងជើងកំពុងជជែកគ្នាដើម្បីរៀបចំជំនួបនៅសិង្ហបុរីឡើងវិញ
រូបភាព AFP
×![]()
ដោយ: តន ចាន់រិទ្ធារ៉ា
បន្ទាប់ពីប្រកាសលុបចោលជំនួបជាមួយមេដឹកនាំកូរ៉េខាជើង គីម ជុងអ៊ុន នៅថ្ងៃទី២៤ ខែឧសភា ប្រធានាធិបតីអាមេរិក ដូណាល់ ត្រាំ នៅថ្ងៃទី២៥ ខែដដែល បានប្រកាសថា ជំនួបនៅសិង្ហបុរីអាចកើតឡើងតាមការគ្រោងទុកដដែល។ បើតាមលោក ត្រាំ មន្ត្រីអាមេរិក និងកូរ៉េខាងជើងបានជួបគ្នាដើម្បីជជែកលើបញ្ហានេះ ខណៈភាគីទាំងសងខាងសុទ្ធតែអះអាងដូចគ្នាថា ចង់ជួបមុខគ្នាដើម្បីដោះស្រាយបញ្ហាចំពោះមុខ។
«យើងនឹងចាំមើលអ្វីកើតឡើងបន្ទាប់ទៀត។ វាអាចកើតឡើងនៅថ្ងៃទី១២ ដដែល។» នេះជាការលើកឡើងរបស់ប្រធានាធិបតីអាមេរិក ដូណាល់ ត្រាំ ជុំវិញលទ្ធភាពនៃការកើតឡើងវិញនៃជំនួបរវាងរូបលោក និងមេដឹកនាំកំពូលកូរ៉េខាងជើង គីម ជុងអ៊ុន ដែលលោកផ្ទាល់ជាអ្នកប្រកាសលុបចោលកាលពីថ្ងៃទី២៤ ខែឧសភា។ សម្ដីរបស់លោក ត្រាំ បង្ហាញពីការផ្លាស់ប្ដូរជំហរ១៨០ដឺក្រេ ហើយជាបន្តដង្ហើមក្ដីសង្ឃឹមនៃជំនួបប្រវត្តិសាស្ត្រដែរ។
មុនឡើងយន្តហោះចាកចេញពីសេតវិមាន លោក ត្រាំ បានប្រាប់អ្នកសារព័ត៌មានថា អាមេរិក និងកូរ៉េខាងជើងកំពុងជជែកគ្នាពីបញ្ហាជំនួបនេះ និងថា ខាងកូរ៉េខាជើងក៏ចង់ចរចា ឯអាមេរិកក៏ចង់ចរចាដូចគ្នា ដូច្នេះត្រូវចាំមើលរឿងរ៉ាវនេះនៅពេលក្រោយទៀត។ លោក ត្រាំ បានសម្រេចចិត្តលុបចោលជំនួបនៅសិង្ហបុរី ក្រោមហេតុផលថា សកម្មភាពរបស់កូរ៉េខាងជើងមិនធ្វើឲ្យជំនួបដែលកំណត់ទុករួចហើយនោះ មិនសក្តិសមវិញ។
នៅក្នុងលិខិតផ្ញើឲ្យមេដឹកនាំកូរ៉េខាងជើង លោក ត្រាំ ក៏ឆ្លៀតបញ្ជាក់ជំហរបស់អាមេរិកដែលនៅតែចង់ចរចាដដែល និងប្រាប់លោក គីម ថា អាចសរសេរសំបុត្រ ឬទាក់ទងតាមទូរសព្ទទៅលោកបានផង។ ភ្លាមៗកូរ៉េខាងជើងក៏ឆ្លើយតបវិញថា ខ្លួននៅតែចំហទ្វារសម្រាប់ការចរចាដូចគ្នាដែរ។ តាមរយៈ Twitter នៅថ្ងៃទី២៥ ខែឧសភា ប្រធានាធិបតីអាមេរិកបញ្ជាក់ ការចរចារបស់អាមេរិក និងកូរ៉េខាងជើងជុំវិញការចាប់ផ្ដើមជំនួបឡើងវិញ ទទួលបានផ្លែផ្កាល្អ។
«ប្រសិនបើកើតឡើងមែន ជំនួបនេះនឹងធ្វើនៅសិង្ហបុរីរដដែល និងនៅថ្ងៃទី១២ ខែមិថុនាដដែល។» នេះជាការអះអាងរបស់លោក ត្រាំ ដែលបន្តថា ក្នុងករណីចាំបាច់ ជំនួបលើកដំបូងរវាងមេដឹកនាំអាមេរិក និងកូរ៉េខាងជើង បានលើកពេលយូរទៀត។
ក្រោយការលើកឡើងរបស់លោក ត្រាំ កូរ៉េខាងត្បូងឯណោះបានប្រែទឹកមុខរីករាយឡើងវិញ បន្ទាប់ពីលោក ត្រាំ លុបចោលជំនួបដោយមិនប្រាប់ឲ្យខ្លួនបន្តិច។ យោងតាមទីភ្នាក់ងារព័ត៌មាន AFP អ្នកនាំពាក្យវិមានប្រធានាធិបតីកូរ៉េខាងត្បូង Kim Eui-gyeom និយាយថា កូរ៉េខាងត្បូងចាត់ទុកការចរចាឡើងវិញនេះជាភ័ព្វសំណាងមួយ ហើយកូរ៉េខាងត្បូងតាមដានការវិវត្តនេះយ៉ាងយកចិត្តទុកដាក់៕
«យើងនឹងចាំមើលអ្វីកើតឡើងបន្ទាប់ទៀត។ វាអាចកើតឡើងនៅថ្ងៃទី១២ ដដែល។» នេះជាការលើកឡើងរបស់ប្រធានាធិបតីអាមេរិក ដូណាល់ ត្រាំ ជុំវិញលទ្ធភាពនៃការកើតឡើងវិញនៃជំនួបរវាងរូបលោក និងមេដឹកនាំកំពូលកូរ៉េខាងជើង គីម ជុងអ៊ុន ដែលលោកផ្ទាល់ជាអ្នកប្រកាសលុបចោលកាលពីថ្ងៃទី២៤ ខែឧសភា។ សម្ដីរបស់លោក ត្រាំ បង្ហាញពីការផ្លាស់ប្ដូរជំហរ១៨០ដឺក្រេ ហើយជាបន្តដង្ហើមក្ដីសង្ឃឹមនៃជំនួបប្រវត្តិសាស្ត្រដែរ។
មុនឡើងយន្តហោះចាកចេញពីសេតវិមាន លោក ត្រាំ បានប្រាប់អ្នកសារព័ត៌មានថា អាមេរិក និងកូរ៉េខាងជើងកំពុងជជែកគ្នាពីបញ្ហាជំនួបនេះ និងថា ខាងកូរ៉េខាជើងក៏ចង់ចរចា ឯអាមេរិកក៏ចង់ចរចាដូចគ្នា ដូច្នេះត្រូវចាំមើលរឿងរ៉ាវនេះនៅពេលក្រោយទៀត។ លោក ត្រាំ បានសម្រេចចិត្តលុបចោលជំនួបនៅសិង្ហបុរី ក្រោមហេតុផលថា សកម្មភាពរបស់កូរ៉េខាងជើងមិនធ្វើឲ្យជំនួបដែលកំណត់ទុករួចហើយនោះ មិនសក្តិសមវិញ។
នៅក្នុងលិខិតផ្ញើឲ្យមេដឹកនាំកូរ៉េខាងជើង លោក ត្រាំ ក៏ឆ្លៀតបញ្ជាក់ជំហរបស់អាមេរិកដែលនៅតែចង់ចរចាដដែល និងប្រាប់លោក គីម ថា អាចសរសេរសំបុត្រ ឬទាក់ទងតាមទូរសព្ទទៅលោកបានផង។ ភ្លាមៗកូរ៉េខាងជើងក៏ឆ្លើយតបវិញថា ខ្លួននៅតែចំហទ្វារសម្រាប់ការចរចាដូចគ្នាដែរ។ តាមរយៈ Twitter នៅថ្ងៃទី២៥ ខែឧសភា ប្រធានាធិបតីអាមេរិកបញ្ជាក់ ការចរចារបស់អាមេរិក និងកូរ៉េខាងជើងជុំវិញការចាប់ផ្ដើមជំនួបឡើងវិញ ទទួលបានផ្លែផ្កាល្អ។
«ប្រសិនបើកើតឡើងមែន ជំនួបនេះនឹងធ្វើនៅសិង្ហបុរីរដដែល និងនៅថ្ងៃទី១២ ខែមិថុនាដដែល។» នេះជាការអះអាងរបស់លោក ត្រាំ ដែលបន្តថា ក្នុងករណីចាំបាច់ ជំនួបលើកដំបូងរវាងមេដឹកនាំអាមេរិក និងកូរ៉េខាងជើង បានលើកពេលយូរទៀត។
ក្រោយការលើកឡើងរបស់លោក ត្រាំ កូរ៉េខាងត្បូងឯណោះបានប្រែទឹកមុខរីករាយឡើងវិញ បន្ទាប់ពីលោក ត្រាំ លុបចោលជំនួបដោយមិនប្រាប់ឲ្យខ្លួនបន្តិច។ យោងតាមទីភ្នាក់ងារព័ត៌មាន AFP អ្នកនាំពាក្យវិមានប្រធានាធិបតីកូរ៉េខាងត្បូង Kim Eui-gyeom និយាយថា កូរ៉េខាងត្បូងចាត់ទុកការចរចាឡើងវិញនេះជាភ័ព្វសំណាងមួយ ហើយកូរ៉េខាងត្បូងតាមដានការវិវត្តនេះយ៉ាងយកចិត្តទុកដាក់៕
Tag:
អាមេរិក
កូរ៉េខាងជើង
គីម ជុងអ៊ុន
© រក្សាសិទ្ធិដោយ thmeythmey.com
