អន្តរជាតិ
ពូទីន៖ អាមេរិកគួរគោរពសន្ធិសញ្ញាអន្តរជាតិឲ្យខ្ជាប់ខ្ជួន ទោះដូរមេដឹកនាំញឹកញាប់ក៏ដោយ
ប្រធានាធិបតីរុស្ស៊ី វ៉្លាឌីមៀ ពូទីន អង្គុយក្បែរប្រធានាធិបតីបារាំង អេម៉ានុយអែល ម៉ាក្រុង ក្នុងវេទិកាសេដ្ឋកិច្ចនៅទីក្រុង St. Petersburg (រូបភាពពីគេហទំព័រប្រធានាធិបតីរុស្ស៊ី)
×![]()
ដោយ: តន ចាន់រិទ្ធារ៉ា
ប្រធានាធិបតីរុស្ស៊ី វ្ល៉ាឌីមៀ ពូទីន នៅថ្ងៃទី២៥ ខែឧសភា បានរិះគន់ទម្លាប់របស់អាមេរិកដែលតែងពិនិត្យឡើងវិញរាល់កិច្ចព្រមព្រៀង ឬសន្ធិសញ្ញាអន្តរជាតិ នៅពេលមានការផ្លាស់ប្ដូរមេដឹកនាំម្ដងៗ។ លោក ពូទីន និយាយថា អាមេរិកគួរគោរពកិច្ចព្រមព្រៀងអន្តរជាតិដែលខ្លួនជាហត្ថលេខី ទោះជានរណាជាអ្នកដឹកនាំសេតវិមានក៏ដោយ។ ការផ្លាស់ប្ដូរកិច្ចព្រមព្រៀងអន្តរជាតិតាមអាមេរិក នឹងនាំឲ្យមានបញ្ហាក្នុងទំនាក់ទំនងអន្តរជាតិមិនខាន។
លោក វ្ល៉ាឌីមៀ ពូទីន ដែលទើបចូលកាន់តំណែងប្រធានាធិបតីរុស្ស៊ីថ្មីៗនេះ បានរិះគន់ការដកខ្លួនរបស់អាមេរិកចេញពីកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ២០១៥ ។ លោក ដូណាល់ ត្រាំ បានប្រកាសដើរចេញពីកិច្ចព្រមព្រៀងដែលជាកេរដំណែលរបស់អតីតប្រធានាធិបតី បារ៉ាក់ អូបាម៉ា ដែលខំចរចាយ៉ាងងលំបាក ទម្រាំអ៊ីរ៉ង់សុខចិត្តបោះបង់កម្មវិធីនុយក្លេអ៊ែររបស់ខ្លួន។ ប៉ុន្តែលោក ត្រាំ វិញយល់ថា ជាកិច្ចព្រមព្រៀងដ៏អាក្រក់បំផុត។
សម្រាប់លោក ពូទីន ការណ៍ដែលប្រធានាធិបតីអាមេរិកមួយមិនគោរពកិច្ចព្រមព្រៀងរបស់អតីតមេដឹកនាំមួយទៀត មិនមែនជារឿងល្អទេ។ ថ្លែងក្នុងវេទិកាសេដ្ឋកិច្ចមួយនៅថ្ងៃទី២៥ ខែឧសភា លោក ពូទីន និយាយថា ការផ្លាស់ប្ដូរសន្ធិសញ្ញទៅតាមវដ្តនៃការផ្លាស់ប្ដូរប្រធានាធិបតីអាមេរិកនឹងនាំទៅរកការមិនទុកចិត្តគ្នា និងការបែកបាក់បទដ្ឋានអន្តរជាតិផង។ នេះបើតាមការផ្សាយរបស់សារព័ត៌មាន RT ។
«រៀងរាល់បួនឆ្នាំ ការបោះឆ្នោតប្រធានាធិបតីតែងរៀបចំនៅអាមេរិក ដូច្នេះបើសន្ធិសញ្ញាអន្តរជាតិត្រូវចុះហត្ថលេខារៀងរាល់បីឬបួនឆ្នាំដែរនោះ ពួកគេនឹងគិតសារថ្មីមិនខាន។ ដូចនេះតើការកំណត់ផែនការត្រូវធ្វើក្នុងរយៈពេលណា បើត្រូវដើរតាមប្រព័ន្ធបែបនេះនោះ?» នេះជាសម្ដីរបស់លោក ពូទីន ក្នុងវេទិកាដែលមានមេដឹកនាំពិភពលោកជាច្រើនចូលរួមដែរ។ លោកយល់ថា ការអនុញ្ញាតឲ្យវដ្ដនយោបាយបែបនេះលូកលាន់សន្ធិសញ្ញាធំៗ នឹងបង្កើតឲ្យមានការមិនជឿជាក់គ្នាមិនខាន។
ជុំវិញកិច្ចព្រមព្រៀងនេះ មូលហេតុមួយដែលជំរុញឲ្យលោក ត្រាំ ដកអាមេរិកចេញ ព្រោះអ៊ីរ៉ង់មិនគោរពកិច្ចព្រមព្រៀងនេះត្រឹមត្រូវ និងលួចអភិវឌ្ឍមីស៊ីលបាលីស្ទិកទៅទៀត។ ប៉ុន្តែលោក ពូទីន បានរំឭកការអះអាងរបស់ប្រមុខទីភ្នាក់ងារឋាមពលអាតូមិកអន្តរជាតិថា អ៊ីរ៉ង់គោរពពេញលេញនូវកិច្ចព្រមព្រៀងឆ្នាំ២០១៥ ។ ប្រមុខដឹកនាំរុស្ស៊ីក៏បានព្រមានពីផលវិបាកដ៏ធំ បើកិច្ចព្រមព្រៀងអន្តរជាតិមួយនេះដួលរលំ។
ខណៈដែលគេឯងជឿថា អ៊ីរ៉ង់អនុវត្តពេញទំហឹងតាមកិច្ចព្រមព្រៀងនុយក្លេអ៊ែរ លោក ពូទីន ឆ្ងល់ថា ហេតុអ្វីត្រូវដាក់ពិន័យលើអ៊ីរ៉ង់នោះ ខណៈសន្តិសុខតំបន់ និងអន្តរជាតិនឹងរងគ្រោះដោយមិនអាចប្រកែកបាន។ ប្រធានាធិបតីរុស្ស៊ីរូបនេះក៏ឆ្លៀតរិះគន់អ៊ីស្រាអែលគាំទ្រអាមេរិកដាក់ទណ្ឌកម្មលើអ៊ីរ៉ង់នោះ ដោយបានលើកជាសំណួរថា តើអ៊ីស្រាអែលនឹងស្រួលចិត្តឬ ពេលអ៊ីរ៉ង់ដើរចេញពីកិច្ចព្រមព្រៀងមួយនេះ?
លោក វ្ល៉ាឌីមៀ ពូទីន ដែលទើបចូលកាន់តំណែងប្រធានាធិបតីរុស្ស៊ីថ្មីៗនេះ បានរិះគន់ការដកខ្លួនរបស់អាមេរិកចេញពីកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ២០១៥ ។ លោក ដូណាល់ ត្រាំ បានប្រកាសដើរចេញពីកិច្ចព្រមព្រៀងដែលជាកេរដំណែលរបស់អតីតប្រធានាធិបតី បារ៉ាក់ អូបាម៉ា ដែលខំចរចាយ៉ាងងលំបាក ទម្រាំអ៊ីរ៉ង់សុខចិត្តបោះបង់កម្មវិធីនុយក្លេអ៊ែររបស់ខ្លួន។ ប៉ុន្តែលោក ត្រាំ វិញយល់ថា ជាកិច្ចព្រមព្រៀងដ៏អាក្រក់បំផុត។
សម្រាប់លោក ពូទីន ការណ៍ដែលប្រធានាធិបតីអាមេរិកមួយមិនគោរពកិច្ចព្រមព្រៀងរបស់អតីតមេដឹកនាំមួយទៀត មិនមែនជារឿងល្អទេ។ ថ្លែងក្នុងវេទិកាសេដ្ឋកិច្ចមួយនៅថ្ងៃទី២៥ ខែឧសភា លោក ពូទីន និយាយថា ការផ្លាស់ប្ដូរសន្ធិសញ្ញទៅតាមវដ្តនៃការផ្លាស់ប្ដូរប្រធានាធិបតីអាមេរិកនឹងនាំទៅរកការមិនទុកចិត្តគ្នា និងការបែកបាក់បទដ្ឋានអន្តរជាតិផង។ នេះបើតាមការផ្សាយរបស់សារព័ត៌មាន RT ។
«រៀងរាល់បួនឆ្នាំ ការបោះឆ្នោតប្រធានាធិបតីតែងរៀបចំនៅអាមេរិក ដូច្នេះបើសន្ធិសញ្ញាអន្តរជាតិត្រូវចុះហត្ថលេខារៀងរាល់បីឬបួនឆ្នាំដែរនោះ ពួកគេនឹងគិតសារថ្មីមិនខាន។ ដូចនេះតើការកំណត់ផែនការត្រូវធ្វើក្នុងរយៈពេលណា បើត្រូវដើរតាមប្រព័ន្ធបែបនេះនោះ?» នេះជាសម្ដីរបស់លោក ពូទីន ក្នុងវេទិកាដែលមានមេដឹកនាំពិភពលោកជាច្រើនចូលរួមដែរ។ លោកយល់ថា ការអនុញ្ញាតឲ្យវដ្ដនយោបាយបែបនេះលូកលាន់សន្ធិសញ្ញាធំៗ នឹងបង្កើតឲ្យមានការមិនជឿជាក់គ្នាមិនខាន។
ជុំវិញកិច្ចព្រមព្រៀងនេះ មូលហេតុមួយដែលជំរុញឲ្យលោក ត្រាំ ដកអាមេរិកចេញ ព្រោះអ៊ីរ៉ង់មិនគោរពកិច្ចព្រមព្រៀងនេះត្រឹមត្រូវ និងលួចអភិវឌ្ឍមីស៊ីលបាលីស្ទិកទៅទៀត។ ប៉ុន្តែលោក ពូទីន បានរំឭកការអះអាងរបស់ប្រមុខទីភ្នាក់ងារឋាមពលអាតូមិកអន្តរជាតិថា អ៊ីរ៉ង់គោរពពេញលេញនូវកិច្ចព្រមព្រៀងឆ្នាំ២០១៥ ។ ប្រមុខដឹកនាំរុស្ស៊ីក៏បានព្រមានពីផលវិបាកដ៏ធំ បើកិច្ចព្រមព្រៀងអន្តរជាតិមួយនេះដួលរលំ។
ខណៈដែលគេឯងជឿថា អ៊ីរ៉ង់អនុវត្តពេញទំហឹងតាមកិច្ចព្រមព្រៀងនុយក្លេអ៊ែរ លោក ពូទីន ឆ្ងល់ថា ហេតុអ្វីត្រូវដាក់ពិន័យលើអ៊ីរ៉ង់នោះ ខណៈសន្តិសុខតំបន់ និងអន្តរជាតិនឹងរងគ្រោះដោយមិនអាចប្រកែកបាន។ ប្រធានាធិបតីរុស្ស៊ីរូបនេះក៏ឆ្លៀតរិះគន់អ៊ីស្រាអែលគាំទ្រអាមេរិកដាក់ទណ្ឌកម្មលើអ៊ីរ៉ង់នោះ ដោយបានលើកជាសំណួរថា តើអ៊ីស្រាអែលនឹងស្រួលចិត្តឬ ពេលអ៊ីរ៉ង់ដើរចេញពីកិច្ចព្រមព្រៀងមួយនេះ?
Tag:
រុស្ស៊ី
អាមេរិក
វ្ល៉ាឌីមៀ ពូទីន
© រក្សាសិទ្ធិដោយ thmeythmey.com
