កីឡាអន្តរជាតិ
អន្តរជាតិ
UCL៖ Real អាចឈ្នះបីឆ្នាំជាប់គ្នា ឬដល់វេន Liverpool ក្រោយខកខាន១៣ឆ្នាំ?
× ការទន្ទឹងរង់ចាំទស្សនាការប្រកួតរវាង Real Madrid និង Liverpool ក្នុងវគ្គផ្តាច់ព្រ័ត្រពានរង្វាន់ UEFA Champions League រដូវកាល២០១៧-២០១៨ ជិតចូលមកដល់ហើយ ខណៈក្រុមទាំងពីរធ្លាប់ប៉ះគ្នាក្នុងវគ្គដូចគ្នានេះម្តងរួចមកហើយ (កាលនៅជាពាន European Cup) ក្នុងឆ្នាំ១៩៨១។
ក្រុមម្ចាស់ការពារតំណែងជើងឯក Real Madrid និងជាក្រុមធ្លាប់ឈ្នះពានកំពូលអឺរ៉ុប១២ លើករួចមកហើយ កំពុងសំឡឹងរកជ័យជម្នះ៣រដូវកាលជាប់ៗគ្នារបស់ពួកគេ ស្របពេលដែល Liverpool កំពុងស្វែងរកតំណែងជាលើកទី៦ នៅក្នុងប្រវត្តិសាស្ត្រដោយការឈ្នះពានចុងក្រោយរបស់ពួកគេ គឺកាលពីឆ្នាំ២០០៥។
Champions League ឆ្នាំ២០១៨ វគ្គផ្តាច់ព្រ័ត្រ នឹងធ្វើឡើងនៅកីឡដ្ឋាន NSC Olimpiyskiy ក្នុងក្រុងកៀរ ប្រទេសអ៊ុយក្រែន ថ្ងៃទី២៧ ខែឧសភា វេលាម៉ោង ១:៤៥នាទីរំលងអាធ្រាត្រ។ នេះជាការជួបគ្នាវគ្គផ្តាច់ព្រ័ត្រលើកទី២ហើយ រវាង Real Madrid និង Liverpool ចាប់តាំងពីប្រជែងគ្នាលើកដំបូងកាលពីឆ្នាំ ១៩៨១ ដែលកាលនោះក្រុមមកពីអង់គ្លេសជាអ្នកលើកពាន។
កូនក្រុមរបស់លោក Jurgen Klopp និងលោក Zinedine Zidane បានធ្វើដំណើរទៅដល់ក្រុងកៀរហើយ កាលពីថ្ងៃទី២៤ ខែឧសភា ដោយមានការស្វាគមន៍ពីសំណាក់ចៅហ្វាយក្រុងដែលជាអតីតស្តេចប្រដាល់ទម្ងន់ធ្ងន់ Vitaly Klitschko ផងដែរ។
តើ Liverpool ឬក៏ Real Madrid ជាក្រុមដែលអាចលើកពានលំដាប់ទី១អឺរ៉ុបនេះ?៕
Tag:
បាល់ទាត់
UEFA Champions League
Real Madrid
Liverpool
© រក្សាសិទ្ធិដោយ thmeythmey.com