កីឡាអន្តរជាតិ
អន្តរជាតិ
ក្លិបថ្លៃជាងគេលើលោក៖ Man Utd នៅរក្សាតំណែងបាន ទោះមិនឈ្នះពានអ្វីសោះ
×![]()
ដោយ: ទេព ពិទូរ្យ
Manchester United នៅតែនាំមុខ Real Madrid និងBarcelona ក្នុងនាមក្លិបកីឡាបាល់ទាត់ដែលមានតម្លៃថ្លៃជាងគេលើលោកដដែល បើទោះពួកគេបានត្រឹមចំណាត់ថ្នាក់ទី២នៅ Premier League និងមិនទទួលបានពានអ្វីសោះនៅរដូវកាល២០១៧-២០១៨នេះ។ នេះបើយោងតាមការផ្សាយរបស់ភ្នាក់ងារព័ត៌មាន AFP។
បើយោងតាមការសិក្សាស្រាវជ្រាវចុងក្រោយបំផុតរបស់ក្រុមហ៊ុន KPMG ដែលបានចុះផ្សាយនៅថ្ងៃទី២៣ ខែឧសភានេះ បានបង្ហាញថាក្លិប Man Utd បានកើនតម្លៃ ៥ភាគរយបន្ថែមទៀតបើធៀបនឹងឆ្នាំ២០១៧ ដែលមានតម្លៃរហូតដល់ ៣.៧៧ ពាន់លានដុល្លារអាមេរិក រក្សាការនាំមុនគូប្រជែង Real Madrid មានតម្លៃ ៣.៤១ពាន់លានដុល្លារ និង Barcelona តម្លៃ ៣.២៩ពាន់លានដុល្លារ។
ក្រោមការដឹកនាំរបស់លោក Jose Mourinho រដូវកាលនេះ ក្រុមរហស្សនាមបិសាចក្រហមធ្វើមិនបានល្អនោះទេ ដោយទទួលបានត្រឹមរងជើងឯកពានលីគកំពូលអង់គ្លេស ហើយការប្រកួតក្នុងក្របខណ្ឌកំពូលអឺរ៉ុបពួកគេធ្លាក់ត្រឹមវគ្គ១៦ក្រុមចុងក្រោយប៉ុណ្ណោះ។ តែទោះជាយ៉ាងនេះក្តី ក្រុមដែលមានមូលដ្ឋានក្នុងក្រុង Manchester នៅតែអាចរក្សាខ្លួនក្នុងនាមក្លិបមានតម្លៃថ្លៃជាងគេលើលោកដដែល។
លោក Jacques Boussuge ប្រធានផ្នែកវាយតម្លៃកីឡារបស់ KPMG បានគណនាលើទ្រព្យសម្បត្តិរបស់ក្លិបនីមួយៗដោយផ្តោសំខាន់ទៅលើក្រុមដែមានកីឡដ្ឋានផ្ទាល់ខ្លួន តម្លៃរបស់កីឡាករក្នុងក្រុមទាំងអស់ តម្លៃលើម៉ាកយីហោ កិច្ចសន្យាផ្សាយពាណិជ្ជកម្ម ការផ្សាយផ្ទាល់លើកញ្ចក់ទូរទស្សន៍ និងប្រជាប្រិយភាពលើបណ្តាញសង្គម។
ក្នុងចំណោមក្លិបទាំង ៣២ នៅអឺរ៉ុប KPMG ក៏បានវាយតម្លៃដែរថាក្រុមជើងឯកអាល្លឺម៉ង់ Bayern Munich ឈរនៅលេខរៀងទី៤ ជាមួយតម្លៃ ៣ពាន់លានដុល្លារ Juventus លេខ៩ តម្លៃ ១.៥៣ពាន់លានដុល្លារ ខណៈ PSG ឈរលេខ១១ តម្លៃ ១.៣៤ពាន់លានដុល្លារ។ ក្លិបជើងឯក Ligue 1 ប្រចាំរដូវកាល ២០១៧-២០១៨ នេះត្រូវបានគេសំគាល់ឃើញថាកើនឡើងតម្លៃពីមួយឆ្នាំទៅមួយឆ្នាំចាប់តាំងពីការកាន់កាប់របស់សេដ្ឋីជនជាតិកាតាលោក Nasser Al-Khelaifi មក។
ដោយឡែក ក្នុងចំណោមក្លិបទាំង១០ ដែលថ្លៃជាងគេលើលោក គឺមានក្លិបមកពីក្របខណ្ឌ Premier League រហូតដល់ទៅ ៦ឯណោះ រួមមាន Man Utd, Man City, Arsenal, Chelsea, Liverpool និង Tottenham Hotspur។
សរុបតម្លៃក្លិបទាំង ៣២ នៅឆ្នាំ២០១៨នេះបានឡើងដល់ ៣៨.២៣ ពាន់លានដុល្លារ កើនឡើង ៩ ភាគរយបើធៀបនឹងឆ្នាំ ២០១៧៕
បើយោងតាមការសិក្សាស្រាវជ្រាវចុងក្រោយបំផុតរបស់ក្រុមហ៊ុន KPMG ដែលបានចុះផ្សាយនៅថ្ងៃទី២៣ ខែឧសភានេះ បានបង្ហាញថាក្លិប Man Utd បានកើនតម្លៃ ៥ភាគរយបន្ថែមទៀតបើធៀបនឹងឆ្នាំ២០១៧ ដែលមានតម្លៃរហូតដល់ ៣.៧៧ ពាន់លានដុល្លារអាមេរិក រក្សាការនាំមុនគូប្រជែង Real Madrid មានតម្លៃ ៣.៤១ពាន់លានដុល្លារ និង Barcelona តម្លៃ ៣.២៩ពាន់លានដុល្លារ។
ក្រោមការដឹកនាំរបស់លោក Jose Mourinho រដូវកាលនេះ ក្រុមរហស្សនាមបិសាចក្រហមធ្វើមិនបានល្អនោះទេ ដោយទទួលបានត្រឹមរងជើងឯកពានលីគកំពូលអង់គ្លេស ហើយការប្រកួតក្នុងក្របខណ្ឌកំពូលអឺរ៉ុបពួកគេធ្លាក់ត្រឹមវគ្គ១៦ក្រុមចុងក្រោយប៉ុណ្ណោះ។ តែទោះជាយ៉ាងនេះក្តី ក្រុមដែលមានមូលដ្ឋានក្នុងក្រុង Manchester នៅតែអាចរក្សាខ្លួនក្នុងនាមក្លិបមានតម្លៃថ្លៃជាងគេលើលោកដដែល។
លោក Jacques Boussuge ប្រធានផ្នែកវាយតម្លៃកីឡារបស់ KPMG បានគណនាលើទ្រព្យសម្បត្តិរបស់ក្លិបនីមួយៗដោយផ្តោសំខាន់ទៅលើក្រុមដែមានកីឡដ្ឋានផ្ទាល់ខ្លួន តម្លៃរបស់កីឡាករក្នុងក្រុមទាំងអស់ តម្លៃលើម៉ាកយីហោ កិច្ចសន្យាផ្សាយពាណិជ្ជកម្ម ការផ្សាយផ្ទាល់លើកញ្ចក់ទូរទស្សន៍ និងប្រជាប្រិយភាពលើបណ្តាញសង្គម។
ក្នុងចំណោមក្លិបទាំង ៣២ នៅអឺរ៉ុប KPMG ក៏បានវាយតម្លៃដែរថាក្រុមជើងឯកអាល្លឺម៉ង់ Bayern Munich ឈរនៅលេខរៀងទី៤ ជាមួយតម្លៃ ៣ពាន់លានដុល្លារ Juventus លេខ៩ តម្លៃ ១.៥៣ពាន់លានដុល្លារ ខណៈ PSG ឈរលេខ១១ តម្លៃ ១.៣៤ពាន់លានដុល្លារ។ ក្លិបជើងឯក Ligue 1 ប្រចាំរដូវកាល ២០១៧-២០១៨ នេះត្រូវបានគេសំគាល់ឃើញថាកើនឡើងតម្លៃពីមួយឆ្នាំទៅមួយឆ្នាំចាប់តាំងពីការកាន់កាប់របស់សេដ្ឋីជនជាតិកាតាលោក Nasser Al-Khelaifi មក។
ដោយឡែក ក្នុងចំណោមក្លិបទាំង១០ ដែលថ្លៃជាងគេលើលោក គឺមានក្លិបមកពីក្របខណ្ឌ Premier League រហូតដល់ទៅ ៦ឯណោះ រួមមាន Man Utd, Man City, Arsenal, Chelsea, Liverpool និង Tottenham Hotspur។
សរុបតម្លៃក្លិបទាំង ៣២ នៅឆ្នាំ២០១៨នេះបានឡើងដល់ ៣៨.២៣ ពាន់លានដុល្លារ កើនឡើង ៩ ភាគរយបើធៀបនឹងឆ្នាំ ២០១៧៕
Tag:
បាល់ទាត់
Manchester United
ក្លិបថ្លៃជាងគេលើលោក
© រក្សាសិទ្ធិដោយ thmeythmey.com
