ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
សាលាអន្តរជាតិកម្ពុជាអាមេរិកកាំង ចុះ MOU ជាមួយCMA Cambodia ដើម្បីបង្កើនសមត្ថភាពផ្នែកគណិតវិទ្យាដល់កូនសិស្សខ្មែរ
28, May 2018 ,
3:05 pm
រូបភាព
×
ដោយ:
សាលាអន្តរជាតិកម្ពុជា អាមេរិកកាំង (FICAS) និង CMA Cambodia ឬសាលាប្រេនី អ៊ីនអឺណេសិនណល បានចុះអនុស្សារណៈយោគយល់ ( MOU) ជាមួយគ្នា ដើម្បីពង្រឹងសមត្ថភាពផ្នែកគណិតវិទ្យារបស់សិស្សានុសិស្សខ្មែរ ពិសេសសិស្សានុសិស្សដែលកំពុងសិក្សានៅសាលាអន្តរជាតិ កម្ពុជា អាមេរិកកាំង ឲ្យកាន់តែពូកែ និងមានសមត្ថភាព អាចទៅប្រកួតជាលក្ខណៈអន្តរជាតិជាមួយសិស្សនៃបណ្តាប្រទេសដទៃទៀត។ កម្មវិធីដ៏អធិកអធមនេះ ប្រព្រឹត្តទៅកាលពីថ្ងៃទី២៧ ខែឧសភា ឆ្នាំ២០១៨ កន្លងទៅ។
CMA Cambodia ឬសាលាប្រេនី អ៊ីនអឺណេសិនណល ជាគ្រឹះស្ថានឯកជនដែលទទួលបានសិទ្ធិផ្តាច់មុខ ក្នុងការបណ្តុះបណ្តាលកម្មវិធីអភិវឌ្ឍន៍ខួរក្បាលដោយគិតលេខរហ័ស (CMA Mental Arithmetic) និងបានឈ្នះពានរង្វាន់ពិភពលោកឆ្នាំ១៩៩១។ CMA Mental Arithmetic គឺជាកម្មវិធី អភិវឌ្ឍន៍ខួរក្បាលមុនគេបង្អស់នៅឆ្នាំ១៩៨៤ នៅតៃវ៉ាន់ ដោយប្រើប្រាស់ Abacusសម្រាប់គណនា លេខនពន្វន្ត ដោយប្រើដៃពីរ និងម្រាមដៃបួន និងកំពុងតែពេញនិយមជាងគេបំផុតនៅប្រទេសសិង្ហបុរី។
លោក សុខ ភូមេន្ទ្រពុទ្ធិ អគ្គនាយករងសាលាអន្តរជាតិកម្ពុជា អាមេរិកកាំង (FICAS) បានចាត់ទុកអនុស្សារណៈយោគយល់(MOU) ជាមួយ CMA Cambodia នាឱកាសនេះ ជាមោទកភាពមួយ ដែលនឹងជួយបន្ថែមនូវជំនាញមួយកម្រិតទៀត ដល់សមត្ថភាពក្នុងការគិតលេខរបស់សិស្សតូចៗ។ កត្តានេះ នឹងធ្វើឲ្យសិស្សកាន់ឆ្លាតវៃ និងមានសមត្ថភាព ក្នុងប្រកួតទាំងក្នុងស្រុកនឹងក្រៅស្រុក។ នេះជាការបន្ថែមរបស់ លោក សុខ ភូមេន្ទ្រពុទ្ធិ។ អគ្គនាយករងសាលាអន្តរជាតិកម្ពុជា អាមេរិកកាំង (FICAS) បញ្ជាក់បន្ថែមដូច្នេះ៖ «បន្ថែមលើកិត្តិនាមរបស់សាលា ដែលមានការបណ្ដុះបណ្ដាលដ៏មានគុណភាព និងធ្លាប់ជួយឲ្យសិស្សជាច្រើននាក់បានប្រឡងជាប់ ទៅសិក្សានៅប្រទេសសិង្ហបុរី អូស្រា្ដលី អាមេរិក និងកាណាដាជាដើមនោះ ការចុះអនុស្សារណៈយោគយល់នេះ នឹងធ្វើឲ្យអាណាព្យាបាលរបស់សិស្សានុសិស្ស កាន់តែមានទំនុកចិត្ត និងសប្បាយរីករាយបន្ថែមទៀត ជាមួយនឹងការយកចិត្តទុកដាក់របស់សាលាជាបន្តបន្ទាប់ លើគុណភាពសិក្សារបស់កូនៗរបស់ពួកគាត់»។
កម្មវិធីអភិវឌ្ឍន៍ខួរក្បាល CMA Mental Arithmetic គឺជាកម្មវិធីដែលល្អជាងគេបំផុត សម្រាប់មាតា បិតា អាណាព្យាបាល និងសិស្សានុសិស្សគ្រប់រូប ពីព្រោះកម្មវិធីCMA Mental Arithmetic មានសៀវភៅព្រមទាំងស៊ីឌីជាង ២០០ ក្បាល វីស៊ីឌី និងកាសែតជាច្រើនទៀត។ នេះជាការបញ្ជាក់របស់លោក រស់ ប៊ុនធី នាយក CMA Cambodia ។ លោក រស់ ប៊ុនធី បន្តថា ៖«កម្មវិធីអភិវឌ្ឍន៍ខួរក្បាល CMA Mental Arithmetic មានការប្រកួតប្រជែងថ្នាក់ជាតិ និងអន្តរជាតិ ដូចជានៅ តៃវ៉ាន់ សិង្ហបុរី និងហ្វីលីពីនជាដើម»។
បើតាមនាយក CMA Cambodia ដដែល កម្មវិធី CMA Mental Arithmetic ត្រវបានបណ្ដុះបណ្ដាលនៅក្នុងប្រទេសជាច្រើនដូចជា សហរដ្ឋអាមេរិក កាណាដា អូស្ត្រាលី ណូវែលសេឡង់ តៃវ៉ាន់ ចិន អារ៉ាប់រួម ឥណ្ឌូនេស៊ី ម៉ាឡេស៊ី ថៃ ហ្វីលីពីន វៀតណាម ឥណ្ឌា អេស៊ីប តួកគី សិង្ហបុរី និងបណ្ដាប្រទេសជាច្រើនទៀត។
លោកស្រី លី ណា អាណាព្យាបាលរបស់សិស្សមួយរូប ដែលកំពុងសិក្សានៅសាលា FICAS បាននិយាយថា៖«ខ្ញុំសប្បាយចិត្តពេលឮដំណឹងនេះ ព្រោះគណិតវិទ្យា និងការហ្វឹកហាត់ខួរក្បាល ក្នុងការគិតលេខ គឺជាជំនាញសំខាន់មួយ ទាំងក្នុងជីវិតរស់នៅប្រចាំថ្ងៃ និងក្នុងការងារ ឬមុខរបរនាថ្ងៃអនាគតរបស់កូនៗ និងក្មេង ជំនាន់ក្រោយយើងនេះ»។ លោកស្រី លី ណា ដែលធ្លាប់ទស្សនាវីដេអូក្មេងៗបរទេសបង្ហាញសមត្ថភាពគិតលេខបានលឿនៗនោះ ក៏ចង់កូនខ្មែរដទៃទៀត មានសមត្ថភាពគិតលេខលឿនដូច្នេះដែរ។
សិស្សានុសិស្សដែលបញ្ចប់ការសិក្សាកម្មវិធីសិក្សា CMA នឹងអភិវឌ្ឍន៍ខួរក្បាលទាំងសងខាង សម្ថភាពចងចាំបានល្អ សមត្ថភាពអង្កេត និងស្តាប់បានល្អ បង្កើនការផ្តោតអារម្មណ៍បានល្អ គំនិតច្នៃប្រឌិត និងភាពបត់បែនខ្ពស់ ចេះសម្រេចចិត្តប្រកបដោយភាពត្រឹមត្រូវ គណនាលេខនព្វន្តបានឆាប់រហ័ស បង្កើនភាពឆ្លាតវៃ បង្កើនជំនឿជឿជាក់លើខ្លួនឯង។ ជាមួយនឹងបើកដំណើរការសាខាទី២របស់ខ្លួន ដែលស្ថិតនៅម្តុំស្តុបណូគាម៉ៃដា លើផ្លូវសឡា សង្កាត់ស្ទឹងមានជ័យ ខណ្ឌមានជ័យ សាលា FICAS បាន និងកំពុងតែខិតខំប្រឹងប្រែងនាំយកនូវកម្មវិធីសិក្សាថ្មីៗ ដែលផ្តល់បរិយាកាសរៀនសូត្រតាមបែបអន្តរជាតិ និងបណ្តុះបណ្តាលសិស្សានុសិស្សទាំងតូចៗ និងធំៗ តាមបែបច្ចេកវិទ្យាទំនើប និងស្តង់ដារអន្តរជាតិ ដែលមានការទទួលស្គាល់ជុំវិញពិភពលោក៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
4 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
5 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
6 ថ្ងៃ
ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ
7 ថ្ងៃ
រវាង «លស់» «លួស» និង «លោះ» មានអត្ថន័យខុសគ្នាដូចម្តេច?
4 ថ្ងៃ
អត្ថបទពេញនិយមបន្ថែម