កីឡាជាតិ
ជាតិ
កីឡាជាតិ៖ ក្រសួងសេដ្ឋកិច្ចនិងហិរញ្ញវត្ថុឈរលេខ១លើកីឡាវាយសី ក្រោយឈ្នះមេដាយច្រើនជាងគេ
×![]()
ក្រសួងសេដ្ឋកិច្ចនិងហិរញ្ញវត្ថុឈរចំណាត់ថ្នាក់លេខ១សម្រាប់ការប្រកួតកីឡាជាតិលើកទី២លើប្រភេទកីឡាវាយសី ក្រោយអត្តពលិករបស់ខ្លួនដណ្តើមបានមេដាយច្រើនជាងគេ។ រីឯក្រសួងមហាផ្ទៃ និងខេត្តស្វាយរៀងឈរលេខរៀងពីក្រោយជាបន្តបន្ទាប់។ លោក ជៀម សុភា អគ្គលេខាធិការរងសហព័ន្ធកីឡាវាយសីកម្ពុជាបានវាយតម្លៃថា ការប្រកួតឆ្នាំនេះមានភាពស្វិតស្វាញជាងលើកមុន ហើយកីឡាករទៀតសោត ក៏ពោរពេញដោយសមត្ថភាពល្អៗផងដែរ។
ក្រោយឆ្លងកាត់ការប្រកួតយ៉ាងស្វិតស្វាញអស់រយៈពេល៥ថ្ងៃ ពោលគឺចាប់ពីថ្ងៃទី២៥-២៩ ឧសភា សមាគមវាយសីក្រសួងសេដ្ឋកិច្ចនិងហិរញ្ញវត្ថុបានឈរចំណាត់ថ្នាក់លេខក្នុងតារាងមេដាយសរុប ក្រោយអត្តពលិករបស់ខ្លួនដណ្តើមបានមេដាយមាស៣ និងប្រាក់៣ សម្រាប់ការប្រកួតកីឡាជាតិលើកទី២នៅឆ្នាំនេះ។ ក្រសួងមហាផ្ទៃទទួលបានចំណាត់ថ្នាក់លេខ២ ក្រោយអត្តពលិកដណ្តើមបានមេដាយមាស២ និងប្រាក់១ ខណៈខេត្តស្វាយរៀងឈរលេខ៣ ក្រោយឈ្នះមេដាយមាស១ ប្រាក់១ និងសំរឹទ្ធ២។
ដោយឡែកខេត្តមិនចាត់ចំណាត់ថ្នាក់រួមមានកំពង់ចាម ដណ្តើមបានមេដាយមាស១ ប្រាក់១ និងសំរឹទ្ធ១, ព្រះសីហនុ ទទួលបានមេដាយប្រាក់១ និងសំរឹទ្ធ១ និងខេត្តកំពុងឆ្នាំងដណ្តើមបានមេដាយសំរឹទ្ធចំនួន៣។
លោក ជៀម សុភា ផ្តល់បទសម្ភាសដល់អ្នកសារព័ត៌មានក្រោយការប្រកួតនៅទីលានវាយសីក្នុងពហុកីឡដ្ឋានជាតិ
លោក ជៀម សុភា អគ្គលេខាធិការរងសហព័ន្ធកីឡាវាយសីកម្ពុជាបានវាយតម្លៃខ្ពស់សម្រាប់ការរៀបចំនៅឆ្នាំនេះ ដោយលោកអះអាងថា ការប្រកួតឆ្នាំនេះមានភាពតានតឹងនិងស្វិតស្វាយជាងលើកមុន ពោលគឺទាំងកីឡាករមកពីខេត្តនិងនៅរាជធានីភ្នំពេញសុទ្ធសឹងតែមានសមត្ថភាពខ្ពស់។ ហើយការរៀបចំទៀតសោត បានដំណើរការយ៉ាងល្អនិងមានភាពល្អិតល្អន់ជាងលើកមុន ទាំងបញ្ហាបច្ចេកទេស និងដំណើរការប្រកួត។
លោកបានបន្ថែមថា៖«ការប្រកួតឆ្នាំនេះខុសពីឆ្នាំមុន គឺយើងទទួលបានកីឡាករកីឡាការិនីចូលរួមច្រើន ដោយឆ្នាំនេះមានអត្តពលិក១២៣នាក់ចូលរួម ខណៈលើកមុនមានតែ៦៧នាក់ប៉ុណ្ណោះ។ ហើយក្លិបសមាគមក៏កើនដែរ គឺឆ្នាំនេះមាន១០ក្រសួងរាជធានីខេត្តចូលរួម ខណៈឆ្នាំមុនមានតែ៩ប៉ុណ្ណោះ។ កីឡាករកីឡាការិនីចូលរួមប្រកួតឆ្នាំនេះល្អៗច្រើន បើធៀបនឹងលើកមុន»។
ទន្ទឹមនឹងភាពល្អប្រសើរនេះ លោក ជៀម សុភា បានអះអាងថា សម្រាប់ការរៀបចំការប្រកួតកីឡាជាតិលើកទី២ឆ្នាំនេះ ក៏នៅមានចំណុចខ្វះខាតតិចតួចក្នុងដំណើរការៀបចំផងដែរ។ តែយ៉ាងណា លោកមិនបានបង្ហើបពីបញ្ហាទាំងនោះឡើយ៕
ក្រោយឆ្លងកាត់ការប្រកួតយ៉ាងស្វិតស្វាញអស់រយៈពេល៥ថ្ងៃ ពោលគឺចាប់ពីថ្ងៃទី២៥-២៩ ឧសភា សមាគមវាយសីក្រសួងសេដ្ឋកិច្ចនិងហិរញ្ញវត្ថុបានឈរចំណាត់ថ្នាក់លេខក្នុងតារាងមេដាយសរុប ក្រោយអត្តពលិករបស់ខ្លួនដណ្តើមបានមេដាយមាស៣ និងប្រាក់៣ សម្រាប់ការប្រកួតកីឡាជាតិលើកទី២នៅឆ្នាំនេះ។ ក្រសួងមហាផ្ទៃទទួលបានចំណាត់ថ្នាក់លេខ២ ក្រោយអត្តពលិកដណ្តើមបានមេដាយមាស២ និងប្រាក់១ ខណៈខេត្តស្វាយរៀងឈរលេខ៣ ក្រោយឈ្នះមេដាយមាស១ ប្រាក់១ និងសំរឹទ្ធ២។
ដោយឡែកខេត្តមិនចាត់ចំណាត់ថ្នាក់រួមមានកំពង់ចាម ដណ្តើមបានមេដាយមាស១ ប្រាក់១ និងសំរឹទ្ធ១, ព្រះសីហនុ ទទួលបានមេដាយប្រាក់១ និងសំរឹទ្ធ១ និងខេត្តកំពុងឆ្នាំងដណ្តើមបានមេដាយសំរឹទ្ធចំនួន៣។
លោក ជៀម សុភា ផ្តល់បទសម្ភាសដល់អ្នកសារព័ត៌មានក្រោយការប្រកួតនៅទីលានវាយសីក្នុងពហុកីឡដ្ឋានជាតិ
លោក ជៀម សុភា អគ្គលេខាធិការរងសហព័ន្ធកីឡាវាយសីកម្ពុជាបានវាយតម្លៃខ្ពស់សម្រាប់ការរៀបចំនៅឆ្នាំនេះ ដោយលោកអះអាងថា ការប្រកួតឆ្នាំនេះមានភាពតានតឹងនិងស្វិតស្វាយជាងលើកមុន ពោលគឺទាំងកីឡាករមកពីខេត្តនិងនៅរាជធានីភ្នំពេញសុទ្ធសឹងតែមានសមត្ថភាពខ្ពស់។ ហើយការរៀបចំទៀតសោត បានដំណើរការយ៉ាងល្អនិងមានភាពល្អិតល្អន់ជាងលើកមុន ទាំងបញ្ហាបច្ចេកទេស និងដំណើរការប្រកួត។
លោកបានបន្ថែមថា៖«ការប្រកួតឆ្នាំនេះខុសពីឆ្នាំមុន គឺយើងទទួលបានកីឡាករកីឡាការិនីចូលរួមច្រើន ដោយឆ្នាំនេះមានអត្តពលិក១២៣នាក់ចូលរួម ខណៈលើកមុនមានតែ៦៧នាក់ប៉ុណ្ណោះ។ ហើយក្លិបសមាគមក៏កើនដែរ គឺឆ្នាំនេះមាន១០ក្រសួងរាជធានីខេត្តចូលរួម ខណៈឆ្នាំមុនមានតែ៩ប៉ុណ្ណោះ។ កីឡាករកីឡាការិនីចូលរួមប្រកួតឆ្នាំនេះល្អៗច្រើន បើធៀបនឹងលើកមុន»។
ទន្ទឹមនឹងភាពល្អប្រសើរនេះ លោក ជៀម សុភា បានអះអាងថា សម្រាប់ការរៀបចំការប្រកួតកីឡាជាតិលើកទី២ឆ្នាំនេះ ក៏នៅមានចំណុចខ្វះខាតតិចតួចក្នុងដំណើរការៀបចំផងដែរ។ តែយ៉ាងណា លោកមិនបានបង្ហើបពីបញ្ហាទាំងនោះឡើយ៕
Tag:
វាយសី
កីឡាជាតិលើកទី២
National Games
ជៀម សុភា
© រក្សាសិទ្ធិដោយ thmeythmey.com
