FIFA
កីឡាអន្តរជាតិ
អន្តរជាតិ
Silva៖ ប្រេស៊ីលត្រៀមស្តារមុខមាត់នៅរុស្ស៊ី ក្រោយខកចិត្តកាលពី៤ឆ្នាំមុននៅទឹកដីខ្លួន
× ខ្សែការពារ Thiago Silva ប្តេជ្ញាថានឹងស្តាមុខមាត់ឲ្យក្រុមជម្រើសជាតិប្រេស៊ីលឡើងវិញក្នុងយុទ្ធនាការការប្រកួតពានរង្វាន់ FIFA World Cup នៅរុស្ស៊ី បន្ទាប់ពីរងក្តីអាមាសធ្ងន់ធ្ងរក្រោមថ្វីជើងរបស់ម្ចាស់ការពារតំណែងជើងឯកអាល្លឺម៉ងកាលពីឆ្នាំ២០១៤ក្នុងផ្ទះខ្លួនឯង។
ក្រុមរហស្សនាមសាំបាកំពុងហ្វឹកហាត់នៅប្រទេសអង់គ្លេសត្រៀបប្រកួតមិត្តភាពអន្តរជាតិជាមួយក្រូអាស៊ី ដើម្បីសមជើងមុន World Cup។
បើតាមការផ្សាយរបស់ទីភ្នាក់ងារព័ត៌មាន Xinhua ខ្សែការពារ និងជាប្រធានក្រុម Paris Saint-Germain បាននិយាយក្នុងសន្និសីទសារព័ត៌មានមួយក្នុងក្រុងឡុងដ៍ ថាគ្រូបង្វឹក Tite និងគ្រូជំនួយទាំងអស់ រួមទាំងក្រុមកីឡាករទាំង២៣នាក់បានរៀបចំខ្លួនរួចរាល់អស់ហើយដើម្បីប្រយុទ្ធក្នុងការប្រកួតបាល់ទាត់ពិភពលោកខែក្រោយនេះ។
«ខ្ញុំគិតថាយើងត្រៀមខ្លួនរួចជាស្រេចហើយដើម្បីបង្ហាញខ្លួនឲ្យបានល្អ។ ប្រសិនបើយើងក្រឡេកមើលអតីតកាល [ចាញ់អាល្លឺម៉ង់ ៧-១ វគ្គពាក់កណ្តាលផ្តាច់ព្រ័ត្រកាលពីឆ្នាំ២០១៤] វានឹងផ្តល់ឲ្យយើងនូវការលើកទឹកចិត្តកាន់តែច្រើនជាងមុនដើម្បីស្តាមុខមាត់ និងប្រជែងយកឈ្នះពាននេះ»។ Silva បន្ថែមដូច្នេះ។
យ៉ាងណាក៏ដោយ ប្រធានក្រុមជម្រើសជាតិប្រេស៊ីលរូបនេះ មិនហ៊ានធានាថាក្រុមខ្លួនអាចក្រសោបយកតំណែងជើងឯកពិភពលោក ឆ្នាំ២០១៨ បានឬយ៉ាងណានោះទេ តែរូបគេអាចសន្យាបានថា នឹងលេងគ្រប់ការប្រកួតដ៏អស្ចារ្យ។
អតីតខ្សែការពារ AC Milan វ័យ៣៣ឆ្នាំ នឹងត្រូវបង្ហាខ្លួនជាលើកទី៣ក្នុងការប្រកួតពានរង្វាន់លំដាប់ពិភពលោកនៅរុស្ស៊ីនេះ ប៉ុន្តែត្រូវប្រជែងយកកៅអី១១នាក់ដំបូងពីមិត្តរួមក្លិប PSG ដូចគ្នា Marquinhos និង Miranda របស់ របស់ Inter Milan ដែលកំពុងលេចធ្លោខ្លាំង។
ម្ចាស់ជើងឯកពិភពលោក ៥សម័យនឹងចាប់ផ្តើមការប្រកួតដំបូងទល់នឹងស្វីសនៅថ្ងៃទី១៨ ខែមិថុនា មុនជួបកូស្តារីកា និងស៊ែប៊ីក្នុងវគ្គសន្សំពិន្ទុពូល E៕
Tag:
បាល់ទាត់
ប្រេស៊ីល
FIFA World Cup
Thiago Silva
GroupE
© រក្សាសិទ្ធិដោយ thmeythmey.com