ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
ការប្រើប្រាស់សេវាធានារ៉ាប់រងសុខភាព និងគ្រោះថ្នាក់របស់អតិថិជនកម្ចី អេ អឹម ខេ កើនឡើងជាង៨០ភាគរយ
07, Jun 2018 ,
5:06 pm
រូបភាព
×
ដោយ:
ជី ដាណា
យោងតាមរបាយការណ៍ហរិញ្ញវត្ថុរបស់គ្រឹះស្ថានមីក្រូហិរញ្ញវត្ថុ អេ អឹម ខេ គិតត្រឹមត្រីមាសទី១ ឆ្នាំ២០១៨ មានអតិថិជនជាង ២៨ម៉ឺននាក់ ដែលស្មើនឹងជាង៨០ភាគរយ នៃអតិថិជនកម្ចី អេ អឹម ខេ ទាំងអស់ ដែលកំពុងប្រើប្រាស់ សេវាធានារ៉ាប់រងសុខភាពខ្នាតតូចលើសុខភាព និងគ្រោះថ្នាក់។
អេ អឹម ខេ បានចាប់ផ្តើមសហការជាមួយក្រុមហ៊ុន ធានារ៉ាប់រងហ្វតតេ ដើម្បីផ្តល់សេវាធានារ៉ាប់រងខ្នាតតូចដល់អតិថិជន កម្ចីតាំងពីឆ្នាំ២០១៤ម្ល៉េះ។ គោលបំណងសំខាន់បំផុតនោះ គឺដើម្បីជួយការពារហានិភ័យផ្សេងៗ ដែលអាចកើតឡើងជាយថាហេតុ នៅក្នុងគ្រួសារអតិថិជនរបស់ខ្លួន។ បើគិតត្រឹមចុងឆ្នាំ២០១៤ មានអតិថិជនត្រឹមតែជិត១ម៉ឺននាក់ប៉ុណ្ណោះ គឺស្មើប្រមាណជា៣ភាគរយ ដែលបានប្រើប្រាស់សេវាធានារ៉ាប់រងសុខភាព និងគ្រោះថ្នាក់។
ចំនួនអ្នកប្រើប្រាស់មានការកើនឡើងជាបន្តបន្ទាប់ គួរឲ្យកត់សម្គាល់ពីមួយឆ្នាំ ទៅមួយឆ្នាំ រហូតដល់ជិត ១៣ម៉ឺននាក់ ពោលគឺកើនប្រមាណជា ៣៨ភាគរយ នៅក្នុងឆ្នាំ២០១៥ និងជាង១៨ម៉ឺននាក់ ស្មើប្រមាណជា ៥២ភាគរយ នៅក្នុងឆ្នាំ២០១៦ ហើយបន្តកើនឡើងរហូតដល់២៨ម៉ឺននាក់ ក្នុងត្រីមាសទី១ ឆ្នាំ២០១៨ ដែលស្មើនិងជាង៨០ ភាគរយ នៃអតិថិជនកម្ចីសរុប។ ការកើនឡើង នៃការប្រើប្រាស់សេវាធានារ៉ាប់រងខ្នាតតូចនេះ គឺជាសញ្ញាណមួយវិជ្ជមាន ដែលសបញ្ជាក់ឲ្យឃើញថា អតិថិជន អេ អឹ ខេ បច្ចុប្បន្ន ចាប់ផ្តើមយល់ដឹងច្រើនពីការគ្រប់គ្រង និងការពារបញ្ហាហិរញ្ញវត្ថុនៅក្នុងគ្រួសារ ដែលជាកត្តាធ្វើឲ្យជីវភាពរបស់ពួកគាត់ កាន់តែប្រសើរឡើងផងដែរ។
លោក សួន ពិសី ប្រធាននាយកប្រតិបត្តិអាជីវកម្មនៃគ្រឹះស្ថានមីក្រូហិរញ្ញវត្ថុអេ អឹម ខេ បានបញ្ជាក់ដូច្នេះថា ៖«គ្មាននរណាម្នាក់ អាចទាយដឹងមុនថា វានឹងមានរឿងអ្វីកើតឡើងចំពោះខ្លួនឯង ឬសមាជិកគ្រួសារណាម្នាក់ឡើយ។ ប្រសិនបើអតិថិជនមានសេវាធានារ៉ាប់រង នោះវាពិតជាអាចជួយកាត់បន្ថយថ្លៃចំណាយ សម្រាប់ការថ្លៃព្យាបាល មិនចាំបាច់ខ្ចីបុលគេ ឬលក់ទ្រព្យសម្បត្តិមានតម្លៃ នៅក្នុងផ្ទះ ដើម្បីដោះស្រាយថ្លៃព្យាបាល ក្នុងករណីមានជំងឺ ឬជួបគ្រោះថ្នាក់ណាមួយនោះទេ»។
ជាមួយគ្នានោះដែរ លោក នី លីហួង នាយកក្រុមហ៊ុន និងអ្នកជំនាញ របស់ក្រុមហ៊ុនធានារ៉ាប់រងហ្វតតេ ម៉ាយក្រូអ៊ិនសួរឹនស៍ បានបន្ថែមថាក្រុមហ៊ុនធានារ៉ាប់រងហ្វតតេ ម៉ាយក្រូអ៊ីនសួរឹនស៍ បានសិក្សាពីតម្រូវការ និងជីវភាពប្រជាជនគ្រប់ជ្រុងជ្រោយ រហូតឈានដល់ការកំណត់តម្លៃមួយសមរម្យ ដែលអាចឲ្យប្រជាជនទូទៅ មានលទ្ធភាពប្រើប្រាស់សេវាកម្មនេះ។ លោក នី លីហួង បញ្ជាក់ថា៖«ប្រជាជន អាចមានលទ្ធភាពប្រើប្រាស់សេវាសុខភាព នៅតាមន្ទីរពេទ្យ នៅក្នុងតំបន់រស់នៅរបស់ពួកគាត់បានផងដែរ។ ជាទូទៅ ការចំណាយលើថ្លៃសេវាធានារ៉ាប់រងនេះ គឺមិនដល់១០០រៀលផង ក្នុងមួយថ្ងៃសម្រាប់ការធានាពេញ១ឆ្នាំ ក្នុងសមាជិកម្នាក់»។
គួរបញ្ជាក់ផងដែរថា ការទិញសេវាធានារ៉ាប់រងខ្នាតតូចនេះ គឺសម្រាប់តែអតិថជនកម្ចី អេ អឹម ខេ ប៉ុណ្ណោះ ហើយកញ្ចប់អត្ថប្រយោជន៍ពីការទិញសេវាធានារ៉ាប់រងរួមមានដូចជា ប្រាក់ឧបត្ថម្ភថ្លៃសម្រាកព្យាបាលនៅមន្ទីពេទ្យ ២ម៉ឺនរៀល ក្នុង១ថ្ងៃ។ ប្រាក់ឧបត្ថម្ភថ្លៃវះកាត់អតិបរមាដល់ ៦០ម៉ឺនរៀលក្នុង១ករណី។ ប្រាក់ឧបត្ថម្ភពិការភាពដោយសារគ្រោះថ្នាក់រហូតដល់ ២ ទៅ ៣លានរៀល។ ប្រាក់ឧបត្ថម្ភមរណភាព ដែលបណ្តាលមកពីជំងឺរហូតដល់ ៦០ម៉ឺនរៀល និងប្រាក់ឧបត្ថម្ភមរណភាពដែលបណ្តាលមកពីគ្រោះថ្នាក់ចាប់ពី ៦.៦០០.០០០រៀល ដល់ ៧.៦០០.០០០រៀល ផងដែរ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
2 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
4 ថ្ងៃ
តើពាក្យ «ដុតដៃដុតជើង» មានន័យដូចម្តេច?
3 ថ្ងៃ
«គូលី»មានន័យច្បាស់លាស់ដូចម្តេច?
6 ថ្ងៃ
អត្ថបទពេញនិយមបន្ថែម