Ozil ដែលទើបលាឈប់ពីជម្រើសជាតិ ក៏ធ្វើដំណើរជាមួយ Arsenal ទៅសិង្ហបុរីដែរ

កីឡាអន្តរជាតិ

អន្តរជាតិ

Ozil ដែលទើបលាឈប់ពីជម្រើសជាតិ ក៏ធ្វើដំណើរជាមួយ Arsenal ទៅសិង្ហបុរីដែរ

24, Jul 2018 , 8:39 am

រូបភាព

ដោយ: ទេព ពិទូរ្យ

ក្រុមកាំភ្លើងធំ Arsenal បានទៅដល់សិង្ហបុរី នៅថ្ងៃទី២៣ ខែកក្កដា ដើម្បីចូលរួមប្រកួតពានរង្វាន់ International Champions Cup ឆ្នាំ២០១៨ ដែលជាកម្មវិធីប្រកួតកំដៅសាច់ដុំត្រៀមបើករដូវកាលថ្មី។

អត្ថបទទាក់ទង

ការរើសអើងនាំឲ្យ Ozil ប្រកាសលាឈប់ពីជម្រើសជាតិអាល្លឺម៉ង់

ខ្សែបម្រើ Mesut Ozil ដែលកំពុងមានបញ្ហាជាមួយសហព័ន្ធកីឡាបាល់ទាត់អាល្លឺម៉ង (DFB) និងបានប្រកាសឈប់លេងឲ្យក្រុមឥន្ទ្រីដែក រួមទាំងខ្សែប្រយុទ្Alexandre Lacazette និង Pierre-Emerick Aubameyang ក៏ស្ថិតក្នុងចំណោមកីឡាករទាំងអស់ដែលធ្វើដំណើរជាមួយអ្នកចាត់ការថ្មី Unai Emery មកកាន់ទឹកដីអាស៊ីនេះផងដែរ។

ខ្សែបម្រើវ័យ២៩ឆ្នាំរូបនេះ បានទទួលការរិះគន់ខ្លាំងៗពី សំណាក់លោក Reinhard Grindel ប្រធាន DFB បន្ទាប់រូបគេបានជួបជាមួយលោក Recep Tayyip Erdoğan ក្នុងទីក្រុងឡុងដ៏ កាលពីថ្ងៃទី១៣ ខែឧសភា និងបានថតរូបជាមួយគ្នាផង ស្របពេលប្រធានាធិបតីតួកគីរូបនេះកំពុងធ្វើយុទ្ធនាឃោសនាការបោះឆ្នោត។

ក្រោមការដឹកនាំរបស់អ្នកចាត់ការសញ្ជាតិអេស្ប៉ាញ Arsenal នឹងត្រូវបើកការប្រកួតដំបូង ទល់នឹងក្រុមមកពីអេស្ប៉ាញ Atletico Madrid នៅថ្ងៃទី ២៦ ខែកក្កដា នៅកីឡដ្ឋានជាតិរបស់សិង្ហបុរី មុនប៉ះក្រុមជើងឯកលីគកំពូលបារាំង Paris Saint-Germain នៅពីរថ្ងៃបន្ទាប់។ PSG ក៏នឹងត្រូវជួប AT-Madrid ក្នុងការប្រកួតលើកចុងក្រោយសម្រាប់ពានរង្វាន់ជើងឯកងន្តរជាតិឆ្នាំ២០១៨នេះផងដែរ៕