ភាគហ៊ុនជាង៦៧ភាគរយក្នុងផ្សារមូលបត្រកម្ពុជា ត្រូវបានជួញដូរដោយវិនិយោគិនបរទេស

ជាតិ

សេដ្ឋកិច្ច

ភាគហ៊ុនជាង៦៧ភាគរយក្នុងផ្សារមូលបត្រកម្ពុជា ត្រូវបានជួញដូរដោយវិនិយោគិនបរទេស

17, Aug 2018 , 8:19 pm

រូបភាព

ដោយ: អ៊ូ សុខមាន (OU Sokmean)

រយៈពេល៦ខែដំបូង ក្នុងឆ្នាំ២០១៨ ការជួញដូរភាគហ៊ុនរបស់វិនិយោគិនបរទេស ក្នុងផ្សារមូលបត្រកម្ពុជា (ផ.ម.ក) មានប្រមាណ ៥,១៦ពាន់លានរៀល ស្មើ៦៧,៣៨ភាគរយ នៃទំហំជួញដូរសរុប។ ក្នុងនោះវិនិយោគិនបរទេសដែលបានជួញដូរច្រើនជាងគេ មានជប៉ុន មានទំហំជួញដូរ ៣០,៩០ភាគរយ ចិនមាន១៣,៨២ភាគរយ និងតៃវ៉ាន់មានទំហំជួញដូរ ៧,២៣ភាគរយ។ នេះបើយោងតាមសេចក្តីប្រកាសព័ត៌មានរបស់ផ្សារមូលបត្រកម្ពុជា នៅថ្ងៃទី១៧ ខែសីហា។

សេចក្តីប្រកាសព័ត៌មានដដែល បានឲ្យដឹងថា ចំនួនគណនីដែលកាន់កាប់ដោយវិនិយោគិនបរទេស មានចំនួនសរុប ២៨៦៩គណនី (ស្មើ៣១ភាគរយ) នៃគណនីទាំងអស់។ ក្នុងនោះ វិនិយោគិនចិន មានគណនីជួញដូរចំនួន ៩១៩គណនី (ស្មើ៣២,០៣ភាគរយ) វិនិយោគិនជប៉ុន ដែលមានគណនីជួញដូរចំនួន ៨៥៩គណនី (ស្មើ២៩,៩៤ភាគរយ) និងវិនិយោគិនតៃវ៉ាន់ មានគណនីជួញដូរចំនួន ៥១០ គណនី (ស្មើ១៧,៧៨ភាគរយ)៕