គម្រោងតាំងពិព័រណ៍ «សំណង់ស្ថាបត្យកម្មវត្តអារាមខ្មែរ» នឹងលើកទៅឆ្នាំក្រោយ

ជាតិ

គម្រោងតាំងពិព័រណ៍ «សំណង់ស្ថាបត្យកម្មវត្តអារាមខ្មែរ» នឹងលើកទៅឆ្នាំក្រោយ

02, Sep 2018 , 4:19 pm

រូបភាព

ដោយ: ថ្មីៗ

ភ្នំពេញ៖ ពិព័រណ៍«សំណង់ស្ថាបត្យកម្មវត្តអារាម» ដែលនឹងត្រូវរៀបចំនៅខែសីហាកន្លងទៅនេះ នឹងលើកពេលរៀបចំនៅឆ្នាំក្រោយ ដើម្បីសម្រួលដល់ការរៀបចំ រួមទាំងការបោះពុម្ពជាសៀវភៅស្ដីពីស្ថាបត្យកម្មនេះ។

ការរៀបចំការតាំងពិព័រណ៍ នឹងចេញសៀវភៅស្ដីពីស្ថាបត្យកម្មវត្តអារាមមុន កម្មវិធីការតាំងពិព័រណ។ សៀវភៅស្ថាបត្យកម្មនេះ នឹងបង្ហាញពីស្ថាបត្យកម្មវត្តអារាមខ្មែរ យ៉ាងសម្បូរបែប ដែលមានរចនាប័ទ្មខុសៗគ្នា។នេះបើតាមសាស្ត្រាចារ្យ និងជាស្ថាបត្យករ លោក ស៊ុន ពោរ៉ា ដែលជាអ្នករៀបចំពិព័រណ៍នេះ។

សូមបញ្ជាក់ថា ការតាំងពិព័រណ៍នេះ នឹងតាំងបង្ហាញរូបថតវត្តអារាមខ្មែរ បទបញ្ញាត្តិ គំនូរប្លង់ស្ថាបត្យកម្ម និងរូបសំណាកជាដើម។ ជាមន្ត្រីរាជការនៃក្រសួងវប្បធម៌ និងវិចិត្រសិល្បៈផង ស៊ុន ពោរ៉ា បានចំណាយពេលដល់ទៅ៤ ឆ្នាំ ស្រាវជ្រាវ វត្តអារាមនៅកម្ពុជាចំនួន ៤០០វត្ត ដែលជាស្ថាបត្យកម្ម ដ៏មានតម្លៃមួយសម្រាប់ពលរដ្ឋខ្មែរ។ ស្ថាបត្យកររូបនេះយល់ថា លទ្ធផលស្រាវជ្រាវរបស់ខ្លួន ក៏នឹងរួមចំណែកលើកតម្កើងស្ថាបត្យកម្ម ក្នុងព្រះពុទ្ធសាសនា និងក្តីសង្ឃឹមថា ស្ថាបត្យកម្មពុទ្ធសាសនា នឹងរីកដុះដាលឡើងវិញ ដូចអតីតកាល។គម្រោងតាំងពិព័រណ៍នេះ ទទួលបានការសហការពីមជ្ឈមណ្ឌលឯកសារកម្ពុជា៕

អត្ថបទទាក់ទង

ស្ថាបត្យកម្មវត្តបុរាណជាច្រើន នឹងបង្ហាញខ្លួនក្នុងពិព័រណ៍មួយ នៅខែសីហា