UCL៖ Mourinho យកគំរូតាម Federer ដោយមិនដោះសារបើ Man Utd ចាញ់នៅទីលានសិប្បនិម្មិត

កីឡាអន្តរជាតិ

អន្តរជាតិ

UCL៖ Mourinho យកគំរូតាម Federer ដោយមិនដោះសារបើ Man Utd ចាញ់នៅទីលានសិប្បនិម្មិត

19, Sep 2018 , 5:51 pm

រូបភាព

ដោយ: ទេព ពិទូរ្យ

លោក Jose Mourinho អ្នកចាត់ការទូទៅ Manchester United បាននិយាយនៅថ្ងៃទី១៨ ខែកញ្ញាថាក្រុមរបស់លោកនឹងមិនយកលេសលេងលើទីលានសិប្បនិម្មិតជាការដោះសារឡើយប្រសិនបើបរាជ័យនាជំនួបទល់នឹងម្ចាស់ផ្ទះ Young Boys នៃការប្រកួតពានរង្វាន់ UEFA Champions League នៅទីក្រុង Bern ប្រទេសស្វីស។

ក្រុមរហស្សនាមបិសាក្រហមនឹងត្រូវធ្វើដំណើរទៅជួបក្រុម Young Boys នៅយប់ថ្ងៃទី១៩ ខែកញ្ញា វេលាម៉ោង២:០០រំលងអាធ្រាត្រ [ម៉ោងនៅកម្ពុជា] សម្រាប់ជំនួបដំបូងនៃវគ្គសន្សំពិន្ទុពូល H។

នេះក៏ជាការចាប់ផ្តើមយុទ្ធនាការការប្រកួតពានលំដាប់កំពូលអឺរ៉ុបជាលើកដំបូងរបស់ Man Utd នៅលើទីលានស្មៅជ័រផងដែរ។ ប៉ុន្តែយ៉ាងណាអ្នកចាត់ការសញ្ជាតិព័រទុយហ្គាល់មិនត្អូញត្អែពីបញ្ហាទីលាននេះឡើយ ដោយសំអាងពីភាពអស្ចារ្យរបស់កំពូលកីឡាករវាយកូនបាល់ Roger Federer ក្នុងនាមកីឡាករម្នាក់ដែលអាចប្រកួតយកជ័យជម្នះបានគ្រប់កាលៈទេសៈទាំងអស់។

Federer ដែលជាម្ចាស់ជើងឯកពានរង្វាន់ក្របខណ្ឌ Grand Slam ២០សម័យកាល បានឈ្នះការប្រកួតនៅគ្រប់ទីលានទាំងអស់ក្នុងអាជីពកីឡារបស់គេ ហើយ Mourinho បានកោតសរសើរពីការសម្របខ្លួនរបស់កីឡាករស្វីសរូបនេះ។

«ខ្ញុំមិនចង់ប្រើលេសថាលេងលើស្មៅសិប្បនិម្មិត ... ដើម្បីដោះសារសម្រាប់ការបង្ហាញខ្លួនមិនបានល្អរបស់ក្រុមខ្ញុំនោះទេ»។ អ្នកទាំងអស់គ្នាដឹងថាវាខុសគ្នាតែ ... យើងនៅទឹកដីស្វីសដែលជាផ្ទះរបស់កំពូលកីឡាវាយកូនបាល់ដ៏ល្អបំផុត ហើយខ្ញុំប្រាកដណាស់ថាកីឡារករបស់យើងជួនកាលមិនសប្បាយចិត្តនឹងលេងលើស្មៅជ័របែបនេះ ប៉ុន្តែពួកគេត្រូវតែលេង ហើយត្រូវលេងឲ្យឈ្នះ»។ The Spcial One លើកឡើងដូច្នេះ។

ក្រៅពីជំនួប Man Utd ទល់នឹង Young Boys ក៏មានការប្រកួតគូខ្លាំងរវាង Valencia និង Juventus ក្នុងពូលជាមួយគ្នានេះដែង និងរួមទាំងជំនួបគូពិសេសផ្សេងទៀត ដែលក្នុងនោះរួមមាន៖

ពូល E៖

Ajax Vs AEK Athens (ម៉ោង ១១:៥៥នាទីយប់)

Benfica VsBayern Munich (ម៉ោង ២:០០រំលងអាធ្រាត្រ)

ពូល F៖

Shakhtar Donetsk Vs Hoffenheim (ម៉ោង ១១:៥៥នាទីយប់)

Manchester City Vs Lyon (ម៉ោង ២:០០រំលងអាធ្រាត្រ)

ពូល G៖

Real Madrid Vs Roma (ម៉ោង ២:០០រំលងអាធ្រាត្រ)

Viktoria Plzen Vs CSKA Moscow (ម៉ោង ២:០០រំលងអាធ្រាត្រ)