ព្រះខ័នរាជស្វាយរៀងចែកផ្លូវជាមួយកីឡាករ ដែលជ្រើសរើសពីក្រុមយុវជនចំនួន៨រូប

កីឡាជាតិ

ជាតិ

ព្រះខ័នរាជស្វាយរៀងចែកផ្លូវជាមួយកីឡាករ ដែលជ្រើសរើសពីក្រុមយុវជនចំនួន៨រូប

23, Oct 2018 , 7:59 am

រូបភាព

កីឡាករឡើងមកពីក្រុមយុវជនទាំង៨រូប ដែលក្លិបព្រះខ័នរាជស្វាយរៀងប្រកាសចែកផ្លូវ, រូបភាពពីហ្វេសប៊ុកក្លិបព្រះខ័នរាជស្វាយរៀង

ដោយ:

គេសង្កេតឃើញមួយរយៈចុងក្រោយនេះ ក្លិបបាល់ទាត់ព្រះខ័នរាជស្វាយរៀង បានប្រកាសចែកផ្លូវជាមួយកីឡាករជាបន្តបន្ទាប់។ ជាក់ស្តែងមុនប្រកាសចែកផ្លូវជាមួយកីឡាករ ប្រាក់ សុវណ្ណពិសិដ្ឋ និង លី សារ័ត្ន កាលពីពេលថ្មីៗ ក្លិបនេះ បានសម្រេចមិនបន្តកុងត្រាជាមួយកីឡាករចំនួន៦រូប ដែលពួកគេត្រូវបានដំឡើងមកពីក្រុមយុវជន។

ក្លិបបាល់ទាត់ព្រះខ័នរាជស្វាយរៀងនៅថ្ងៃទី២២ ខែតុលា ឆ្នាំ២០១៨ បានប្រកាសចែកផ្លូវជាមួយកីឡាករ ប្រាក់ សុវណ្ណពិសិដ្ឋ កូនប្រុសបង្កើតរបស់លោក ប្រាក់ សុវណ្ណារ៉ា និងកីឡាករ លី សារ័ត្ន ក្រោយរួមរស់ជាមួយគ្នាអស់រយៈពេលជិត១០ឆ្នាំ។ នេះបើតាមទំព័រហ្វេសប៊ុកក្លិបបាល់ទាត់ព្រះខ័នរាជស្វាយរៀង។

ក្រៅពីពួកគេទាំងពីរខាងលើ កាលពីពេលថ្មីៗក្លិបនេះ ក៏បានប្រកាសចែកផ្លូវជាមួយកីឡាករ៦រូបផងដែរ រួមមានអ្នកចាំទី អ៊ឹម រិទ្ធា ខ្សែបម្រើ ម៉ន កក្កដា, ខ្សែការពារ ផួង សុខរក្សា, កែវ សារ៉េត, ផក សីហា និង ទេព វាសនាកុមារពិទូរ្យ។ ពួកគេទាំងនេះបានប្រកបអាជីពបាល់ទាត់ដំបូងដោយធ្វើជាយុវជនរបស់ព្រះខ័នរាជស្វាយរៀង ហើយត្រូវដំឡើងឲ្យមកលេងក្នុងក្រុមឈុតធំ៕