ជាតិ
សម្តេច ហ៊ុន សែន ស្នើឲ្យអង្គការកម្មសិទ្ធិបញ្ញាអន្តរជាតិ ជួយកសាងម៉ាកយីហោរបស់កម្ពុជា
×![]()
ភ្នំពេញ៖ នាយករដ្ឋមន្ត្រីកម្ពុជា បានស្នើឲ្យអង្គការកម្មសិទ្ធិបញ្ញាអន្តរជាតិ ជួយកសាងម៉ាកយីហោនៅកម្ពុជា ដើម្បីជួយដល់ផលិតផលផ្សេងៗរបស់កម្ពុជា ឲ្យមានការទទួលស្គាល់ក្នុងក្របខណ្ឌអន្តរជាតិ។ ការស្នើនេះ បានធ្វើឡើងនៅ ក្នុងជួបពិភាក្សាការងារទ្វេភាគីជាមួយ លោក ហ្វ្រានស៊ីស ហ្គារី (Francis Gurry) អគ្គនាយកអង្គការកម្មសិទ្ធិបញ្ញាពិភពលោក នៅទីក្រុងហ្សឺណែវ ប្រទេសស្វីស កាលពីថ្ងៃទី២២ ខែតុលា ឆ្នាំ២០១៨។ 
ក្នុងជំនួបពិភាក្សាគ្នានេះ សម្តេចហ៊ុន សែន បាននិយាយថា កម្ពុជាគឺជាប្រទេសទី១ ដែលគោរពនូវ«របបនៃកម្មសិទ្ធិបញ្ញា»។ សម្តេច ហ៊ុន សែន ចង់ឲ្យអង្គការកម្មសិទ្ធិបញ្ញាអន្តរជាតិ ជួយដល់ប្រទេសកម្ពុជា ដើម្បីឲ្យកម្ពុជាបំពេញនូវកាតព្វកិច្ច តាមឆន្ទៈដែលខ្លួនមាន។ សម្ដេច បន្ថែមថា ថ្វីត្បិតកន្លងមកការងារជាច្រើនមានការរីកចម្រើន ប៉ុន្តែក៏មានបញ្ហាប្រឈមជាច្រើន ដែលត្រូវបន្តដោះស្រាយផងដែរ។
ជាការឆ្លើយតបវិញ លោក Francis Gurry ថាអង្គការកម្មសិទ្ធិបញ្ញាអន្តរជាតិ នឹងបន្តជួយកម្ពុជា ឲ្យកាន់តែរីកចម្រើនថែមទៀត ជាពិសេសជំរុញការលើកកម្ពស់ពីកម្មសិទ្ធិបញ្ញានេះ។ បើតាមលោក Francis Gurry កម្ពុជាមានសក្តានុពលជាច្រើន ស្របពេលម៉ាកយីហោមួយចំនួន បានក្លាយជានិម្មិតរូបរបស់កម្ពុជា បង្ហាញលើឆាកអន្តរជាតិ។
«អង្គការកម្មសិទ្ធិបញ្ញាពិភពលោក បានធ្វើការយ៉ាងជិតស្និទ្ធជាមួយនឹងកម្ពុជា ហើយអ្វីដែលយើងឃើញជាក់ស្តែងគឺយើងពិតជាមានការសប្បាយរីករាយ ក្នុងការជួយដល់កម្ពុជាលើការរៀបចំយុទ្ធសាស្ត្រកម្មសិទ្ធិបញ្ញាថ្នាក់ជាតិ ដែលបានអនុម័តកាលពីឆ្នាំ២០១៦»។ នេះជាការលើកឡើងរបស់លោក Francis Gurry ៕
Tag:
ហ៊ុន សែន
កម្មសិទ្ធបញ្ញា
ម៉ាកយីហោ
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
