ជាតិ
រដ្ឋាភិបាល តែងតាំងថ្នាក់ដឹកនាំថ្មីនៃអង្គភាពប្រតិកម្មរហ័ស ដោយមានលោក ស្វាយ ស៊ីថា ជាប្រធាន លោក ទិត សុធា អនុប្រធានប្រចាំការ (ខាងឆ្វេង) និង លោក ស្វាយ សីថា ប្រធានអង្គភាពប្រតិកម្មរហ័ស (ខាងស្តាំ)។ រូបពីគណីហ្វេសប៊ុករបស់លោក ទិត្យ សុធា
× រដ្ឋាភិបាលកម្ពុជា បានចេញសេចក្តីសម្រេចមួយ នៅថ្ងៃទី២៦ ខែតុលា ឆ្នាំ២០១៨ ស្តីពីការតែងតាំងសមាសភាពថ្មី២៣រូប នៃអង្គភាពព័ត៌មាននិងប្រតិកម្មរហ័សរបស់រដ្ឋាភិបាល។
បើតាមសេចក្តីសម្រេច លោក ស្វាយ ស៊ីថា រដ្ឋមន្ត្រីប្រតិភូអមនាយករដ្ឋមន្ត្រី នៅតែជាប្រធាននៃអង្គភាពនេះដដែល ហើយលោក ទិត សុធា ទីប្រឹក្សារដ្ឋាភិបាល ជាអនុប្រធានប្រចាំការ។
ចំណែក អនុប្រធាន មាន៧រូប គឺលោក កើត រិទ្ធ រដ្ឋលេខាធិការក្រសួងយុត្តិធម៌ លោក នេត ភក្ត្រា រដ្ឋលេខាធិការក្រសួងបរិស្ថាន លោក កេត សោផាន់ អនុរដ្ឋលេខាធិការក្រសួងការបរទេស លោក ស្វាយ សុវណ្ណរិទ្ធ ទីប្រឹក្សាអមទីស្តីការគណៈរដ្ឋមន្ត្រី លោក សម សុត្ថា ទីប្រឹក្សាអមទីស្តីការគណៈរដ្ឋមន្ត្រី លោក អ៊ុន ប៊ុណ្ណារ៉ា អនុរដ្ឋលេខាធិការទីស្តីការគណៈរដ្ឋមន្ត្រី និងលោក បួន លឹមហេង អនុរដ្ឋលេខាធិការទីស្តីការគណៈរដ្ឋមន្ត្រី។ រីឯ សមាជិក មាន១៤រូប៕
Tag:
អង្គភាពប្រតិកម្មរហ័ស
© រក្សាសិទ្ធិដោយ thmeythmey.com