ឡួយអស់ស្ទះ! Galaxy A9 មកដល់កម្ពុជាហើយ

អត្ថបទពាណិជ្ជកម្ម

ឡួយអស់ស្ទះ! Galaxy A9 មកដល់កម្ពុជាហើយ

19, Nov 2018 , 5:21 pm

រូបភាព

ដោយ: ថ្មីៗ

ភ្នំពេញ៖ Galaxy A9 ស៊េរី 2018 ដែលមានអនុភាពដ៏អស្ចារ្យ នៃស្មាតហ្វូនកំពូលកាមេរ៉ាទាំង៤ បានបង្ហាញខ្លួនក្នុងប្រទេសសកម្ពុជាហើយ នៅថ្ងៃទី ១៩ ខែវិចិ្ឆកា ឆ្នាំ២០១៨នេះ។

ការរចនាឡើងកប់! ទាំងស្អាត ទាំងស្លីម មើលទៅកាលីប ទាន់សម័យ ស័ក្កិសមជាមួយអ្នកប្រើប្រាស់សម័យថ្មី។ ជាពិសេសសម្រាប់អ្នកដែលចូលចិត្តថតរូប ព្រោះថាសមត្ថភាពរបស់វា ប្រៀបបាននឹងកាមេរ៉ាដ៏ឆ្នើមមួយ។ និយាយទៅ ឃើញហើយ ដឹងតែចង់បានតែម្តង។ ជាមួយជម្រើសពណ៌ដ៏ស្រស់ស្អាត និងពេញនិយមបំផុតគឺ ពណ៌ខៀវ ពណ៌ផ្កាឈូក និង ពណ៌ខ្មៅ។ សម្រាប់តម្លៃវិញ ត្រឹមតែ ៥៥៩ ដុល្លារ តែប៉ុណ្ណោះ។ អីចឹងកុំបង្អង់យូរទៀត រួសរាន់ឡើង មកធ្វើជាម្ចាស់របស់ស្មាតហ្វូនកំពូលកាមេរ៉ាមុនដំបូងគេបង្អស់។

លោក Seungho Choi អគ្គនាយកគ្រប់គ្រងក្រុមហ៊ុនថៃសាមសុងអេឡិចត្រូនិកប្រចាំប្រទេសកម្ពុជា បានមានប្រសាសន៍ថា ក្នុងឆ្នាំ ២០១៨នេះ ក្រុមហ៊ុនសាមសុង ទទួលបានជោគជ័យផ្ទួនៗ ព្រោះតែសាមសុងតែងតែស្វែងរកបច្ចេកវិទ្យាដែលថ្មី ហើយប្លែក ៗ ជូនដល់អតិថិជនរបស់ខ្លួនជានិច្ច។ «ដូចជា Galaxy A9 ស៊េរី 2018 នេះអីចឹង យើងចាត់ទុកជាបងធំ នៃត្រកូល Galaxy A ដោយសារតែ បទពិសោធន៍ថ្មីលើកំណែប្រែកាមេរ៉ា អមមកជាមួយសមត្ថភាពដ៏វិសេសវិសាល។ ដូច្នេះសូមអតិថិជនរបស់សាមសុងទាំងអស់ អញ្ញើញមកទទួលយកបទពិសោធន៍ថ្មី សន្លាងមួយនេះឲ្យបានគ្រប់ៗគ្នា»។ នេះជាការអំពាវនាវរបស់របស់លោក Seungho Choi ។

ខាងក្រោមជាសមត្ថភាពដ៏អស្ចារ្យ នៃកាមេរ៉ាទាំង៤គ្រាប់ និងលក្ខណៈសម្បត្តិរបស់ Galaxy A9៖

១.ចំនុចពិសេសរបស់ Galaxy A9 បានបំពាក់កាមេរ៉ាក្រោយ4គ្រាប់។ ដោយគ្រាប់ទីមួយខាងលើគេ ជាប្រភេទ Ultra-Wide Angle Len មានទំហំ 8.0MP មាន aperture f/2.4 មានសមត្ថភាព ក្នុងការផលិតផ្ទៃរូបភាពបានទូលាយក្នុងទំហំមុំ 120 ដឺក្រេ, គ្រាប់ទីពីរជាប្រភេទ Telephoto Len មានទំហំ 10MP មាន aperture f/2.4 ជាលែនពង្រីកដែលមានសមត្ថភាពពង្រីកប្លង់រូបភាពបានពីរដង (2x optical zoom), គ្រាប់ទីបីជា លែនគោល (Main Camera Len) មានទំហំ 24MP មាន aperture f/1.7 មានសមត្ថភាពធ្វើឲ្យផ្ទៃរូបភាពមានភាពភ្លឺច្បាស់បែបធម្មជាតិ ដូចអ្វីដែលយើងបានឃើញ ហើយវាក៏មានសមត្ថភាពស្រូបពន្លឺបានខ្លាំងផងដែរ។ដើម្បីផ្តល់ឲ្យការថតរូប នៅទីតាំងខ្សោយពន្លឺបានច្បាស់ និងមានស្នាមអ៊ុចៗ តិចតួចបំផុត ជាមួយបច្ចេកវិទ្យា pixel re-mosaic algorithm។ សម្រាប់គ្រាប់ទីបួន គឺជា លែនជំនួយប្រភេទ Depth Sensor មានទំហំ 5.0MP មាន aperture f/2.2 ដោយវាធ្វើការជាមួយកាមេរ៉ាគោល ក្នុងការផលិតសាច់រូបភាពឲ្យកាន់តែមានភាពច្បាស់ បន្ថែមកម្រិតពណ៌ និងកម្រិតពន្លឺ ឲ្យបានច្បាស់ដិតល្អ។ ជាពិសេសមានតួនាទីសំខាន់ ជាមួយនឹងមុខងារ(Live Focus) និង Bokeh Effect ដែលធ្វើឲ្យរូបភាពដែលផ្តិតចេញមក ពិតជាមានភាពទាក់ទាញខ្លាំងបំផុត។ មិនត្រឹមតែប៉ុណ្ណោះ កាមេរ៉ាទាំងបួនគ្រាប់របស់ Galaxy A9 (2018) មានសមត្ថភាពក្នុងការផលិតសាច់វីដេអូបានដល់កម្រិត FHD (1080x2220)។ ឯកាមេរ៉ាខាងមុខ សម្រាប់ថតសែលហ្វី ទំហំធំដល់ទៅ 24MP ជាមួយមុខងារថតរូបដ៏សម្បូរបែប។

២. លក្ខណៈទូទៅ៖ Galaxy A9 មានបំពាក់នូវ RAMទំហំ 6GB មេម៉ូរីទំហំ 128GB និងអាចបន្ថែមម៉េម៉ូរីកាត micro SD រហូតដល់ 512GB។ កាន់តែងាយស្រួល ជាមួយទូរសព្ទដៃស៊ីម2 លោកអ្នកមិនបាច់ចំណាយលុយលើការទិញទូរសព្ទច្រើន។ ម្យ៉ាងវិញទៀត អាចប្រើប្រាស់គណនីបាន 2 (Dual Accounts) លើកម្មវិធី Facebook, Line, Viber, Telegram WeChat និង WhatsApp ជាដើម។ ជាមួយល្បឿនដំណើរការដោយ Octa- Core 2.2 GHz Quad+ 1.8 GHz Quad ដែលធ្វើឲ្យទូរសព្ទ ដំណើរការបានលឿន ទោះបើកកម្មវិធីច្រើនក៏ដោយ។ បើនិយាយពីកម្លាំងថ្ម គឺមានរហូតដល់ 3,720mAh។ រីឯឆ្នាំងសាកថ្មវិញ គឺប្រភេទ Fast Charging (USB type C)។ បន្ថែមពីនេះទៀត មានភ្ជាប់មកនូវមុខងារស្កេនផ្ទៃមុខ (Face Recognition) និងស្កេនក្រយ៉ៅម្រាមដៃ (Fingerprint)។ លោកអ្នករីករាយ នឹងការស្តាប់តន្ត្រីយ៉ាងពីរោះ នៅពេលប្រើប្រាស់ជាមួយកាស ត្រចៀក ដែលមានបទពិសោធន៍សំឡេង Dolby Atmos ។