ជាតិ
បុណ្យអុំទូក
កាំកុងត្រូលពិនិត្យម្ហូបអាហារ នំចំណីដែលដាក់លក់នៅបរិវេណប្រារព្ធពិធីបុណ្យអុំទូក
×![]()
ដោយ: ថ្មីៗ
មន្ត្រីអគ្គនាយកដ្ឋានកាំកុងត្រូល នារយៈពេល២ថ្ងៃកន្លងមកនេះ បានធ្វើយុទ្ធនាការចុះត្រួតពិនិត្យ ផលិតផលម្ហូបអាហារ ដែលដាក់តាំងលក់ នៅបរិវេណប្រារព្ធកម្មវិធីបុណ្យអុំទូក អកអំបុក សំពះ ព្រះខែ ក្នុងរាជធានីភ្នំពេញ។
អគ្គនាយកដ្ឋានកាំកុងត្រូល បានបញ្ជាក់ក្នុងទំព័រហ្វេសប៊ុករបស់ខ្លួនថា លោក ម៉ក់ ពេជ្ជរិទ្ធ ប្រតិភូរាជរដ្ឋាភិបាល ទទួលបន្ទុកជាអគ្គនាយកកាំកុងត្រូល បានដាក់ចេញនូវផែនការឲ្យមន្ត្រីអគ្គនាយកដ្ឋានកាំកុងត្រូល ចុះប្រតិបត្តិការត្រួតពិនិត្យផលិតផលម្ហូបអាហារតាមបណ្តាគោលដៅសំខាន់សំខាន់ ៗ មួយចំនួន ចាប់ពីវិមានឯករាជ្យ មជ្ឈមណ្ឌលកោះពេជ្រ ដល់ផ្សាររាត្រី ។
យុទ្ធនាការនេះ ត្រួតពិនិត្យអំពីអនាម័យ ស្លាកសញ្ញាផលិតផល ថ្ងៃផុតកំណត់ រយៈពេលប្រើប្រាស់ និងសារធាតុគីមីហាមឃាត់ដែលប្រើប្រាស់លើផលិតផលម្ហូបអាហារ ជាដើម។ ជាមួយគ្នានេះ មន្ត្រីក៏បានរកឃើញអាហារផ្ទុកសារធាតុគីមីមួយចំនួនផងដែរ ក្នុងនោះមានងៀតបបែល ជាដើម។
យោងតាមមន្ត្រីកាំកុងត្រូល អាហារដែលព្រួយបារម្ភនោះ មានដូចជាគ្រឿងសមុទ្រ គុយទាវតូច លត បាញ់កាញ់ មីគ្រប់មុខ ប្រហិតគ្រប់មុខ សាច់ក្រក ជាដើម៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 7 ថ្ងៃ
