នាយករដ្ឋមន្ត្រី បញ្ជាអាជ្ញាធរ ឲ្យបន្តរក្សាសុវត្ថិភាពជូនពលរដ្ឋ នៅថ្ងៃអុំទូកចុងក្រោយ

ជាតិ

បុណ្យអុំទូក

នាយករដ្ឋមន្ត្រី បញ្ជាអាជ្ញាធរ ឲ្យបន្តរក្សាសុវត្ថិភាពជូនពលរដ្ឋ នៅថ្ងៃអុំទូកចុងក្រោយ

23, Nov 2018 , 3:43 pm

រូបភាព

រូបពីរដ្ឋបាលរាជធានីភ្នំពេញ

ដោយ: ថ្មីៗ

ស្ថិតក្នុងថ្ងៃទី៣ ដែលជាថ្ងៃចុងក្រោយនពិធីបុណ្យទូក សម្តេចនាយករដ្ឋមន្ត្រី ហ៊ុន សែន បានដាស់តឿនជាថ្មី ឲ្យអាជ្ញាធរនិងសមត្ថកិច្ចគ្រប់លំដាប់ថ្នាក់ បន្តជួយសម្រួលចរាចរណ៍ និងថែរក្សាសុវត្ថិភាពសណ្តាប់ធ្នាប់ឲ្យបានល្អ ជូនប្រជាពលរដ្ឋ និងភ្ញៀវទេសចរបរទេស។

បញ្ជារបស់នាករដ្ឋមន្ត្រី ធ្វើឡើងតាមរយៈសារ ដែលបង្ហោះលើទំព័រហ្វេសប៊ុក។ ប្រមុខរដ្ឋាភិបាល បានសរសេរយ៉ាងដូច្នេះថា៖«សូមបងប្អូនប្រជាពលរដ្ឋចូលរួមទស្សនាការប្រណាំងទូកងនៅមាត់ទន្លេមុខព្រះបរមរាជវាំងនៅថ្ងៃចុងក្រោយនេះ ឲ្យបានច្រើនកុះករទាំងអស់គ្នា»។

សូមបញ្ជាក់ថា សម្តេច ហ៊ុន សែន និង សម្តេច ប៊ុន រ៉ានី នឹងដង្ហែព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រកម្ពុជា យាងទតព្រះរាជពិធីបុណ្យអុំទូក បណ្តែប្រទីប និងបាញ់កាំជ្រួច នារាត្រីចុងក្រោយនេះ៕