ថ្ងៃនេះជាខួប១៣ឆ្នាំ ដែលយូណេស្កូបញ្ចូលល្ខោនស្រមោលស្បែកធំ ក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ

ជាតិ

ថ្ងៃនេះជាខួប១៣ឆ្នាំ ដែលយូណេស្កូបញ្ចូលល្ខោនស្រមោលស្បែកធំ ក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ

25, Nov 2018 , 11:22 am

រូបភាព

ដោយ: សារព័ត៌មានថ្មីៗ

ភ្នំពេញ៖ ថ្ងៃទី ២៥ ខែវិច្ឆិកា ឆ្នាំ២០១៨ ជាខួប១៣ឆ្នាំ ដែលល្ខោនស្រមោលស្បែកធំ ត្រូវបានក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ របស់អង្គការយូណេស្កូ។

លោក ថៃ នរសត្យា អ្នកនាំពាក្យក្រសួងវប្បធម៌បានបញ្ជាក់ប្រាប់សារព័ត៌មានថ្មីៗថា នៅខួប១៣ឆ្នាំ នាឆ្នានេះ ក្រសួងមិនបានរៀបចំកម្មវិធីអបអរនោះទេ ដោយសារក្រសួងកំពុងមមាញឹក នឹងការរៀបចំព្រឹត្តិការណ៍ដ៏ចំពោះមុខមួយទៀត គឺខួប២៥ នៃICC Angkor ដែលប្រព្រឹត្តនៅដើមខែធ្នូខាងមុខនេះ នៅខេត្តសៀមរាប។ លោក ថៃ នរសត្យា បញ្ជាក់ដូច្នេះ៖«ការពិតទៅ គ្រប់ព្រឹត្តិការណ៍ទាំងអស់សុទ្ធតែសំខាន់។ ខួប១៣ឆ្នាំ ដែលអង្គការយូណេស្កូបញ្ចូលល្ខោនស្រមោលស្បែកធំ ក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិក៏សំខាន់ ឯខួប២៥ នៃICC Angkor ក៏សំខាន់ ព្រោះវាទាក់ទងនឹងការអភិវឌ្ឍបេតិកភណ្ឌវប្បធម៌ដូចគ្នា។ ប៉ុន្តែយើងក៏មានកិច្ចការចំពោះមុខដែលត្រូវធ្វើ»។

បើតាមអ្នកនាំពាក្យក្រសួងវប្បធម៌ ខួប២៥ នៃICC Angkor ដែលប្រព្រឹត្តទៅនៅថ្ងៃទី៤ និងទី៥ ខែធ្នូខាងមុខ នឹងមានការចូលរួមបើកពីនាយករដ្ឋមន្ត្រីកម្ពុជា តំណាងអង្គការយូណេស្កូពិភពលោក និងបណ្តាប្រទេសជាមិត្តជាច្រើនទៀត និងព្រះរាជវត្តមានដ៏ខ្ពង់ខ្ពស់របស់ព្រះករុណា ព្រះបាទ សម្តេច ព្រះនរោត្តម សីហមុនី ព្រះមហាក្សត្រនៃកម្ពុជាផងដែរ។

សូមបញ្ជាក់ថា ល្ខោនស្រមោលស្បែកធំ ត្រូវបានអង្គការយូណេស្កូ ដាក់បញ្ជូលក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ នៅថ្ងៃទី២៥ ខែវិច្ឆិកា ឆ្នាំ២០០៥៕