ជាតិ
សេដ្ឋកិច្ច
ប្រតិបត្តិករទេសចរណ៍ ៖ ខែ High Season ឆ្នាំនេះ ធ្លាក់ចុះភ្ញៀវទេសចរអឺរ៉ុប តែកើនភ្ញៀវចិន
×![]()
សៀមរាប៖ ជាធម្មតា ចាប់ពីខែតុលាតទៅ ជាខែសម្បូរភ្ញៀវនៅខេត្តសៀមរាប ដែលគេនិយមហៅថា High Season។
ខុសពីរាល់ឆ្នាំ ដែលសម្បូរទេសចរសម្រុកមកលេងខេត្តសៀមរាបនារដូវកាលនេះ ដោយឆ្នាំនេះមានការថមថយខ្លាំង ព្រោះថា ទាំងការស្នាក់នៅ និងការកក់បន្ទប់ មានការធ្លាក់ចុះខុសប្លែកជាងពេលមុនៗ
។ការធ្លាក់ចុះនូវចំនួនភ្ញៀវទេសចអឺរ៉ុបមកខេត្តសៀមរាប វាជាការពិត។ ទាំងការលើកឡើងរបស់ប្រតិបត្តិករទេសចរណ៍ និងតួលេខរបស់មន្ទីរទេសចរណ៍ គឺប្រហាក់ប្រហែលគ្នា តែពួកគេទទួលស្គាល់ថា កើនឡើងនូវចំនួនទេសចរជនជាតិចិន។ យ៉ាងណាក្ដី ការថយចុះនូវទីផ្សារអឺរ៉ុប និងការកើនឡើងនៃទីផ្សារអាស៊ី (ចិន) ចំណូលមិនមានភាពសមតុល្យឡើយ។ តើមកពីមូលហេតុអ្វី?
ក្នុងជំនួបជួបជុំប្រតិបត្តិករទេសចរណ៍ខេត្តសៀមរាបលើកទី៣៧ (STC 37th) នៅសូលីទែរ ដំណាក់ នៅល្ងាចថ្ងៃទី២៩ វិច្ឆិកា ប្រធាន STC លោក កៅ ហ្វីលីព បានលើកឡើងថា កន្លងមកឱ្យតែចូលខែ វិច្ឆិកា ម្ចាស់អាជីវកម្មផ្នែកទេសចរណ៍ទាំងអស់ គឺមានស្នាមញញឹម តែឆ្នាំនេះខុសពីមុន។ លោក ហ្វីលីព បន្ថែមថា នៅពេលនេះម្ចាស់អាជីវកម្មកំពុងជួបការលំបាក ព្រោះវាខុសពីការរំពឹងទុក។ «អ្វីដែលយើងរំពឹងទុក គឺថា ប្រាក់ចំណេញដែលយើងបានមកតាមធម្មតាខែនេះ យើងទុកខ្លះដើម្បីបង់ខាតនៅខែ Green Season វាខុសពីការរំពឹងរបស់យើង ចឹងយើងកំពុងព្រួយបារម្ភ»។ លោក ហ្វីលីពបន្លែម។
ម្ចាស់សណ្ឋាគារ មេម៉រ លោក ហ្វីលីព ក៏បានរកឃើញពីការធ្លាក់ចុះភ្ញៀវទេសចរអឺរ៉ុប ដូចជាអាល្លឺម៉ង់ បារាំង អង់គ្លេស ជាដើមនោះ ថាមានចំនួនគួរឱ្យបារម្ភ និងគួររកដំណោះស្រាយឡើងវិញជាបន្ទាន់ផងដែរ។ ទន្ទឹមនឹងការធ្លាក់ចុះភ្ញៀវអឺរ៉ុប ក្រុមប្រតិបត្តិករទេសចរណ៍ក៏ទទួលស្គាល់ថា ទេសចរជនជាតិចិន មានការកើនឡើងផងដែរ។ យ៉ាងណា លោក ហ្វីលីព ក៏បានចោទជាសំណួរនេះទៅប្រតិបត្តិករទេសចរណ៍ផ្សេងទៀត ថាតើចំណូលទេសចរអាស៊ី អាចមានភាពសមតុល្យគ្នាទៅនឹងទេសចរអឺរ៉ុបបានដែរឬយ៉ាងណា។
លោក លួន ធា អ្នកគ្រប់គ្រងទូទៅនៃសណ្ឋាគារ Golden Temple ក៏ទទួលស្គាល់ពីការធ្លាក់ចុះនៃចំនួនទេសចរនៅខេត្តសៀមរាបដែរ។ សម្រាប់លោក ធា គ្មានអ្វីជាអាថ៌កំបាំងក្នុងការនិយាយរឿងនេះឡើយ ផ្ទុយទៅវិញ រាជរដ្ឋាភិបាល និងអ្នករកស៊ីផ្នែកវិស័យទេសចរណ៍ គួររកពីមូលហេតុ និងដោះស្រាយវាតាមដែលអាចធ្វើទៅបានជាបន្ទាន់។
មានមូលហេតុមួយចំនួន ដែលក្រុមប្រតិបត្តិករបានជជែកគ្នាក្នុងជំនួបនៅល្ងាចថ្ងៃទី ២៩ វិច្ឆិកា។ ហេតុផលដែលលោក ធា មើលឃើញក្នុងនោះរួមមាន បញ្ហាសេដ្ឋកិច្ចពិភពលោក ដែលចង់មិនចង់វាបានប៉ះពាល់ដល់វិស័យទេសចរណ៍ក្នុងខេត្តសៀមរាបរួចទៅហើយ។ ក្រៅពីនេះ លោក ធា ក៏កត់សម្គាល់ឃើញលើការផ្សព្វផ្សាយពីផលិតផលទេសចរណ៍របស់រាជរដ្ឋាភិបាលនៅមានកម្រិតនៅឡើយ គឺមិនទាន់ទូលំទូលាយដូចបណ្ដាប្រទេសដទៃដែលនៅជុំវិញយើង៕
© រក្សាសិទ្ធិដោយ thmeythmey.com
