ជាតិ
ព្រះមហាក្សត្រ យាងបំពេញព្រះរាជទស្សនកិច្ច នៅវៀតណាម រយៈពេល៣ថ្ងៃ រូបពីហ្វេសប៊ុកសម្ដេច ហ៊ុន សែន កន្លងមក
× ភ្នំពេញ៖ ព្រះមហាក្សត្រ ព្រះបាទសម្តេច ព្រះបរមនាថ នរោត្តម សីហមុនី បានយាងទៅបំពេញព្រះរាជទស្សនកិច្ច នៅប្រទេសវៀតណាម នៅព្រឹកថ្ងៃទី១៩ ធ្នូ ។ បើយោងតាមព្រះរាជសាររបស់ព្រះមហាក្សត្រ។
ព្រះរាជសារដដែល បានបញ្ជាក់ថា ដំណើរបំពេញព្រះរាជទស្សនកិច្ចរបស់ព្រះអង្គ នៅប្រទេសវៀតណាម គឺមានរយៈពេល៣ថ្ងៃ ហើយព្រះអង្គនឹងយាងទៅកាន់ទីក្រុងហាណូយ និងទីក្រុងដាណាង។
ក្នុងអំឡុងពេលអវត្តមានរបស់ព្រះអង្គនេះ សម្តេចវិបុលសេនា សាយ ឈុំ ប្រធានព្រឹទ្ធសភា នឹងបំពេញការងារផ្សេងៗជំនួសព្រះអង្គ ជាប្រមុខរដ្ឋស្តីទី។
គួរបញ្ជាក់ថា ប្រទេសកម្ពុជា និងវៀតណាម បានបង្កើតទំនាក់ទំនងការទូតជាផ្លូវការនឹងគ្នាកាលពីថ្ងៃទី២៤ ខែមិថុនា ឆ្នាំ១៩៦៧ ហើយគិតមកដល់ពេលនេះ គឺមានរយៈពេល ៥១ឆ្នាំហើយ៕
© រក្សាសិទ្ធិដោយ thmeythmey.com