ទីប្រឹក្សា១០៧នាក់របស់ក្រសួងការងារមានឋានៈស្មើអនុរដ្ឋលេខាធិការ និងអគ្គនាយក

ជាតិ

ទីប្រឹក្សា១០៧នាក់របស់ក្រសួងការងារមានឋានៈស្មើអនុរដ្ឋលេខាធិការ និងអគ្គនាយក

23, Dec 2018 , 10:54 am

រូបភាព

លោក ជួន មុំថុល ទីប្រឹក្សាដែលមានឋានៈស្មើអនុរដ្ឋលេខាធិការ និងលោករដ្ឋមន្ត្រី អ៊ិត សំហេង

ដោយ: អ៊ូ សុខមាន (OU Sokmean)

ភ្នំពេញ៖ ព្រះករុណា ព្រះមហាក្សត្រ បានចេញរាជក្រឹត្យតែងតាំង និងផ្តល់ឋានៈដល់មន្ត្រី១០៧នាក់ ជាទីប្រឹក្សាក្រសួងការងារ និងបណ្តុះបណ្តាលវិជ្ជាជីវៈ។ មន្ត្រីទាំង១០៧នាក់នេះ មាន លោក ជួន មុំថុល បានបន្ថែមលើមុខងារបច្ចុប្បន្ន ដែលឋានៈស្មើអនុរដ្ឋលេខាធិការ ជាមួយមន្ត្រី១៤រូបទៀត លោក សឹង ម៉ុន លោក ខេន លូ លោក យ៉ាំង ថៃយាន អ្នកស្រី ទេព គឹមវណ្ណារី ជាដើម។

ដោយឡែក មន្ត្រី៩២នាក់ទៀត ដែលព្រះមហាក្សត្របានឡាយព្រះហស្តលេខាតែងតាំងជាទីប្រឹក្សាក្រសួងដែរនោះ មានឋានៈស្មើអគ្គនាយក។ ក្នុងនោះមាន២៤នាក់ បានបន្ថែមលើមុខងារបច្ចុប្បន្ន។ រីឯ លោក សឹងម៉ុន ពន្លក មិនទទួលប្រាក់បំណាច់មុខងារ លើឋានៈបន្ថែមនេះទេ៕