មេសិទ្ធិមនុស្សកម្ពុជា អំពាវនាវកុំឲ្យរើសអើងអ្នកស្រឡាញ់ភេទដូចគ្នា

ជាតិ

មេសិទ្ធិមនុស្សកម្ពុជា អំពាវនាវកុំឲ្យរើសអើងអ្នកស្រឡាញ់ភេទដូចគ្នា

30, Dec 2018 , 5:59 pm

រូបភាព

ដោយ: ភួង វ៉ាន់ថា

ភ្នំពេញ៖ លោក កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជាបានឲ្យដឹងថា ក្រុមអ្នកស្រឡាញ់ភេទដូចគ្នា មានសិទ្ធិពេលលេញ និងត្រូវបានយកចិត្តទុកដាក់ពីរដ្ឋាភិបានទៀតផង។ នេះបើតាមសំណេរនៅលើទំព័រហ្វេសប៊ុករបស់លោក។

លោកបានសរសេរដូច្នេះថា៖«បងប្អូនយើងដែលស្រឡាញ់ភេទដូចគា្នមានដាវទិព្វកាន់នៅនឹងដៃគឺប្រមុខរដ្ឋាភិបាលសម្តេច ហ៊ុន សែន តែងតែគាំទ្រ និងធ្លាប់បានប្រកាសជាបន្តបន្ទាប់ ចាប់តាំងពីឆ្នាំ២០០៤ មិនអោយមានការរើសអើង ហើយបើតាមប្រសាសន៍សម្ដេច គឺយើងត្រូវឈានមុខលើការមិនរើសអើង»។

លោកក៏បានស្នើដល់ប្រជាពលរដ្ឋកម្ពុជា និងពិភពលោក កុំឲ្យមានការរើសអើងចំពោះអ្នកស្រឡាញ់ភេទដូចគ្នា ដើម្បីសុខដុមរមនានៅក្នុងគ្រួសារ សហគមន៍ សង្គមជាតិ និងពិភពលោកទាំងមូល។

ការលើកឡើងបែបនេះ គឺធ្វើឡើងក្រោយលោក កែវ រ៉េមី បានអញ្ជើញចូលរួមពិធីអបអរសាទរខួប១០ឆ្នាំ នៃសហគមន៍ឥន្ទធនូកម្ពុជា ក្រោមប្រធានបទ «សិទ្ធយើង ជីវិតយើង» នៅអគារបុរាណ «The Mansion» ទល់មុខវាលព្រះមេរុ ក្នុងរាជធានីភ្នំពេញ នាព្រឹកថ្ងៃទី៣០ ខែធ្នូ ឆ្នាំ២០១៨នេះ៕