ពីនេះ ពីនោះ
ព័ត៍មានសុខភាព
ស្មានមិនដល់សោះថា “តែជីអង្កាម” អាចផ្ដល់អត្ថប្រយោជន៍អស្ចារ្យយ៉ាងនេះចំពោះសុខភាព
×![]()
ដោយ: ថ្មីៗ
តែជីអង្កាម គឺមានរសជាតិឆ្ងាញ់ ប៉ុន្តែនេះមិនមែនជាមូលហេតុតែម្យ៉ាងដែលអ្នកគួរចាប់ផ្ដើមទទួលទានតែជីអង្កាមជាប្រចាំឡើយ។ ក៏ព្រោះតែ តាមពិតទៅតែជីអង្កាមអាចផ្ដល់អត្ថប្រយោជន៍គួរឱ្យភ្ញាក់ផ្អើលជាច្រើនចំពោះសុខភាពរាងកាយ! 
ខាងក្រោមនេះយើង នឹងបង្ហាញឱ្យដឹងពីផលល្អៗនៃការទទួលទានតែជីអង្កាមជាប្រចាំ ៖
ខាងក្រោមនេះយើង នឹងបង្ហាញឱ្យដឹងពីផលល្អៗនៃការទទួលទានតែជីអង្កាមជាប្រចាំ ៖
១. បំបាត់ស្ត្រេស ឬភាពតានតឹងក្នុងអារម្មណ៍
តែជីអង្កាម គឺជាប្រភេទនៃតែដ៏ល្អបំផុតមួយសម្រាប់បំបាត់អាការៈថប់អារម្មណ៍ និងស្ត្រេស។ នោះក៏ព្រោះតែជីអង្កាមមានផ្ទុកសារធាតុ menthol ជួយសម្រួលសាច់ដុំកាត់បន្ថយកម្រិតនៃភាពស្ត្រេស។
២. ជួយឱ្យឆាប់ងងុយគេង
ប្រសិនបើអ្នកគេងមិនលក់ ចូរទទួលទានតែជីអង្កាម ១ពែង ។ សារធាតុ Menthol ជួយឱ្យសាច់ដុំ និងអារម្មណ៍ធូរស្បើយ ហើយអ្នកនឹងឆាប់គេងលក់ជាក់ជាមិនខាន។
៣. បង្កើនការផ្ដោតអារម្មណ៍
ឆុងតែជីអង្កាម ហើយក្រេបយឺតៗ។ វិធីនេះនឹងជួយឱ្យអ្នកផ្ដោតអារម្មណ៍បានប្រសើរ។ លើសពីនេះទៅទៀតក្លិននៃជីអង្កាម រួមទាំងសារធាតុ Menthol មានប្រសិទ្ធិភាពរំញោចការចងចាំនៃខួរក្បាល។
៤. ដុតបំផ្លាញជាតិខ្លាញ់
ប្រសិនបើអ្នកមានអារម្មណ៍ថាឃ្លានមិនឈប់ នោះតែជីអង្កាមអាចជួយបម្រាបចំណង់អាហាររបស់អ្នកបាន។ ការទទួលទានតែជីអង្កាមនៅពេលព្រឹកជួយដល់ដំណើរការនៃការដុតរំលាយអាហារ ឬជាតិខ្លាញ់ក្នុងរាងកាយ។
៥. បំបាត់អាការៈទល់លាមក
ទឹកតែជីអង្កាមក្ដៅឧណ្ហៗលាយជាមួយទឹកឃ្មុំជាជម្រើសនៃភេសជ្ជៈដ៏ប្រសើរសម្រាប់អ្នកដែលកំពុងជួបប្រទះអាការៈទល់លាមក។ នោះក៏ព្រោះតែសារធាតុ menthol មានប្រសិទ្ធិភាពជាថ្នាំព្យាបាលជំងឺទល់លាមកបែបធម្មជាតិ។ តែជីអង្កាមក្ដៅឧណ្ហៗក៏ជួយព្យាបាលអាការៈឈឺបំពង់កផងដែរ។
– ក្រៅពីការទទួលទានតែជីអង្កាម អ្នកក៏អាចបន្ថែមវាទៅក្នុងទឹកងូតដែលវិធីនេះជួយឱ្យអ្នកមានអារម្មណ៍ធូរស្បើយ ហើយថែមទាំងបំបាត់បញ្ហាស្បែកផ្សេងៗ រួមទាំងរោគមុនផងដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
